IP: 83.*.*.* United Arab Emirates

சுக பிரசவத்தில் பிறந்த குழந்தைக்கு நல் வாழ்த்துக்கள்!

பெற்றோருக்கும், உற்றார், உறவினர்களுக்கும் நன்மை பயக்கக்கூடிய பிள்ளையாகவும், 'ஸாலிஹ்' ஆன, நடுநிலை தவறாத, எவருக்கும் அஞ்சாத பிள்ளையாக வாழ்வாங்கு வாழ வல்ல ரஹ்மான் அருள் புரிவான் ஆமீன்!

IP: 77.*.*.* Saudi Arabia

வாழ்த்துக்களும் பாராட்டுக்களும்.

உங்களின் சேவை தொய்வின்றி தொடர பிராத்திக்கின்றேன்.

நிகழ்காலம்- இதழை பார்வையிட ஆவலுடன் உள்ளோம். முதல் பிரதியை வலைதளத்தில் பதிவு செய்யுங்களேன்.

** இதுவரை பார்க்காத முகங்களை இந்த நிகழ்வில் பார்த்து மிக்க சந்தோசம், குறிப்பாக ஹாஜி ஒய்.எம்.முஹம்மத் ஸாலிஹ் அவர்கள்.

** நம்ம வீட்டிற்கும் ஒரு சந்தா போட்டு விடுங்களேன்.. **

** சும்மாவே இரண்டு ஸாலிஹ்-களும்( S.K.S & M.S.S) கடுமையான பிஸி. வலைதளத்தில் செய்திகளை பதிவு செய்யவே காலதாமதம் ஆகின்றது, இனி நிகழ்காலம் இதழின் சுமையும் கூட சேர்ந்து உள்ளதா? சுகமான சுமையாக இருக்கட்டும்.

சாளை S.I.ஜியாவுத்தீன், அல்கோபார்

IP: 217.*.*.* United Arab Emirates

பத்த்ரிகை தர்மம் காப்பாற்றபட்டு, நம் காயல் நகரின் பண்பாட்டு கலாச்சாரம் சிதலம் அடையாமலும், கட்டுகாத்து வருகின்ற ஒற்றுமையாய் மாற்று மத சகோதரர்களிடம் பேனி வருகின்ற மனித நேயம், நம் மண்ணுக்கேற்ற மரபுகளை மகுடம் போல் காப்பாற்றும் பக்குவத்தையும், எப்படி நம் நகர் ஒரு அறிவுசார் ஆண்மீகப் பட்டனமாக இருப்பதுபோல் உலக கல்வியையும் கற்ற ஒரு கல்விப்பட்டினமாக காயல்பட்டினம் உயரவும், இதற்காக உழைக்க சென்ற இடங்களில் எல்லாம் தமதூர் எல்லாம் வகைகளிலும் சிறப்பு பெறவேண்டும் என்று தொலை நோக்கு சிந்தனையுடன் செயல் ஆற்றி வருகின்ற அணைத்து அமைப்புக்கள். மன்றங்கள், ஜமாத்துக்கள் ,சங்கங்கள், துணை நிற்கின்ற அரசியல் அமைப்புக்கள் அனைத்தோடும், நஞ்சை உனக்கு தந்தோரிடமும், பாரபட்சமின்றி, யாருக்கும் அஞ்சிடாமல் கடந்த கால சசுப்புகளை மறந்து துணிந்து எதிர்த்து கேட்கும் நெஞ்சை தோட்டாக் கூட துளைக்காது..... என நிகழ காலமே நீ நடைபோட்டால் உனக்கு எதிர்காலம் நிச்சயம் உண்டு!!!!!!!!!!!!!

வாழ்த்துக்கூறி வரவேற்கிறேன் ....... நீ போகும் திசையெல்லாம் பூஞ்சோலையாகட்டும்

உன் முதுகில் ஆக்கங்களுடன் நானும் நிச்சயம் உலா வருவேன் .

IP: 14.*.*.* China

நிகழ்காலம்’ இதழ். ‘நிகழ்காலத்திலும் எதிர்காலத்திலும் நம் யாவருக்கும் நல்ல பயன் தரக்கூடிய இதழாக இருந்து பல நூட்றாண்டு காண நிகழ்காலம்’ இதழுக்கும் அதன் ஆசிரியருக்கும் என் மனம் மார்ந்த வாழ்த்துக்கள்.

IP: 117.*.*.* India

assalmualikum

"நிகழ்காலம்" நல்லதொரு நடுநிலையான மீடியாவாக செயல்பட என் உடைய வாழதுகள்

IP: 117.*.*.* India

“நிகழ்காலம்“
சாதனைகளை
நிகழ்த்தும் காலம்...
இது
ஏக இறைவனின்
திருவுளம்...

நண்பன்
சாலிஹ்-க்கு
வாழ்த்துகள்...

-ச.பார்த்திபன்,
நிருபர், “கதிரவன்“

IP: 212.*.*.* Saudi Arabia

எல்லாம்வல்ல அல்லாஹ்வின் துணையை மட்டும் நாடி
எதற்கும் அஞ்சாமல்
எல்லா நாளிலும் எல்லாப் பொழுதிலும்
உள்ளதை உள்ளபடி செய்திகளாகவும் தகவல்களாகவும்
உள்ளத்தில் இறையச்சத்தோடு
ஊர் மக்களுக்கு உரைத்திட
எல்லோரையும் போல என் பங்கிற்கும்
இறையோனிடம் இருகரமேந்தி இறைஞ்சுகிறேன்.

நண்பர் எஸ்.கே.ஸாலிஹ், எனது தந்தையை அணுகி, எனது தாயார் வீட்டிற்கும், மனைவி வீட்டிற்கும் இரண்டு சந்தாக்களைப் பதிவு செய்துகொள்ளவும்.

இனி நானும் நிகழ்காலக் குடும்பத்தைச் சேர்ந்தவன்
என்பதை எண்ணி
என்றும் பூரிப்புடன்,
ஹாமித் ரிஃபாய்.

IP: 212.*.*.* Switzerland

நிகழ்காலத்தின் சிறந்த எதிர்காலத்திற்கு எங்கள் வாழ்த்துக்கள்..

IP: 188.*.*.* Saudi Arabia

Assalamu Alaikum.

நிகழ காலம் என்ற பெயரில் வருங்காலத்துக்கான ஒரு சம்பாத்தியம் . வாழ்த்துக்கள்.

IP: 195.*.*.* United Arab Emirates

மாஷா அல்லாஹ். காயலின் வளமிமிக்க எதிர்காலத்திற்கு, இந்த "நிகழ்காலம்" ஒரு வழிகாட்டியாக அமைய ஆண்டவன் அருள்புரிவானாக.

ஒரு பத்திரிக்கையை வெற்றிகரமாக நடத்துவதென்பது கடினம்தான். வெற்றிக்காக கவர்ச்சிகரமாக நடத்துவதென்பது வேறு,

வெற்றியோ தோல்வியோ நேர்மையாகவும் நாணயமாகவும் நடத்துவதென்பது வேறு. பொறுத்திருந்து பார்ப்போம்.

IP: 188.*.*.* Saudi Arabia

நமதூர் மக்களின் பிரதிநிதயாக, நமதூர் மக்களுக்காக, நமதூர் செய்திகளை முன்னிலைபடுத்தும் ஒரு செய்திமடல் அவசியம் தேவை, காலம் கடந்தாலும் களம் அமைத்தவர்களுக்கு என் வாழ்த்துக்கள்!

இவ்விதழ், மார்க்க - அரசியல் மற்றும் இதர மன வேறுபாடுகளுக்கு ஒருபோதும் இடங்கொடாமல் - நடுநிலை தவறாமல் - ஊடக தர்மத்தை முழுமையாகப் பேணி செயல்பட வேண்டுமென்று ஒரு சகோதரர் அந்த இதழ் வெளியீட்டு விழாவில் கருத்தை பதிவு செய்துள்ளார், அச்சகோதரரின் கருத்தோடு நானும் இணைந்து அப்படிப்பட்ட பத்திரிக்கை தர்மத்தை பேணுமாறு வேண்டுகிறேன்!

எல்லாம் வல்ல அல்லாஹ் உங்கள் புண்ணிய நோக்ககத்தை வெற்றியடய செய்து, அதனால் நம்மூர் நலம்பெற்றுயரவும், நன்மை தீமையின் நிறம் காண வழிவகுக்கும் ஊன்றுகோலாக இம்மாத இதழ் மலரவும் மனதார மறுபடியும் வாழ்த்துகிறேன்!

அல்லாஹ் அனைத்தையும் அறிந்தவன்!

வாழ்த்தும் உள்ளம்,
முஹம்மது ஆதம் சுல்தான்

IP: 188.*.*.* Saudi Arabia

நிகழ்காலம் பத்திரிக்கையில் அப்படி என்ன இருக்கிறது? என்று ஒருவன் வினா தொடுத்தால், அதில் என்னது இல்லை? என்பதே விடையாக சொல்ல இருக்கும்.

பலநூறு சந்தாதாளர்களில் நானும் ஒருவனாய் பத்திரிக்கையை எதிர் பார்கிறேன் ஆவலுடன்......

IP: 87.*.*.* Saudi Arabia

அஸ்ஸலாமு அலைக்கும் *

இவ்விதழ் வெற்றி நடை போட
என் மனம் மார்ந்த வாழ்த்துக்கள்

IP: 117.*.*.* India

நகர மக்களில் சிலர் நகர செய்திகள் மற்றும் நடப்புகளை இணையதளம் மூலம் அறிந்து கொள்கிறார்கள். கணினி வசதி இல்லாத மக்களுக்கு இந்த நிகழ்காலம் பத்திரிக்கை அறிமுகத்தால் பல செய்திகளை அறிய தந்தமைக்கு மிக பாராட்டுக்கள்... வாழ்த்துக்கள்...

நமது வீட்டில் தொலைகாட்சி பெட்டியை திறந்தால் பல சேனல்களில் பல நாட்டு செய்திகள் மற்றும் உலக நடப்புகள் அறிய முடிகிறது...! அதே போல எத்தனையோ தின நாளிதழ்கள் வருகின்றன...! அதிலும் அதே செய்திகள்தான்.. நமதூர் செய்தி வருவது இல்லை...! ஆனால் ஊரில் இருந்து கொண்டு நமது ஊர் செய்திகள் நடப்புகள் அறிய முடியாமல் இருந்தன...

இந்த ஆவலை நிறைவு செய்யுமுகமாக இந்த நிகழ்காலம் பத்திரிக்கை வெளிவருவது மகிழ்ச்சி தருகிறது...

நல்ல பல கட்டுரைகள், பொது அறிவு சார்ந்த கேள்வி - பதில்கள், மார்க்க ஆன்மீக சிந்தனைகள், பெண்களுக்கு தேவையான சமையல் குறிப்புகள், குழந்தைகளுக்கு பிடித்தமான ஓவியங்கள், மேலும் பல நல்ல செய்திகளை இந்த நிகழ்காலம் பத்திரிக்கை நமது மக்களுக்கு தரும் என்ற நம்பிக்கை உள்ளது.. அது நிஜமாக வல்ல இறைவனிடம் பிராத்திக்கிறேன்...

நட்புடன் - தமிழன் முத்து இஸ்மாயில்.

IP: 122.*.*.* India

"நிகழ காலம்" இதழ் படித்தேன். அழகான் அச்சில், தெளிவான முகப்போடு இதழ் வெளிவந்திருந்தது.

ஆரம்பாமாக காயல் நகரின் சுக துக்கங்களை சுமந்து வெளிவரும் நிகழ்காலம் போக போக ஒட்டுமொத்த சமூகத்தின் குரலாகவும், நாட்டில் வாழும் நல்லோர்களின் குரலாகவும் எதிரொலிக்க வேண்டும் என விரும்புகிறேன்.

பிரபல ஆங்கில இதழான "CURRENT" ஆர்.கே. கரஞ்சியாவின் "PLITZ" போன்றும், பிரபல இதழாளர் பாபுராய் பட்டேலின் "SANKARS WEEKLY" போன்றும் பெயர் எடுக்க வேண்டுகிறேன். ஏனெனில் அவைகளும் வடிவமைப்பில் நிகழ்காலம் போன்று "TOP LOID" இதழ்கள்தான்.

IP: 180.*.*.* India

எதிர்காலத்தின் சிறந்த மீடியா
நிகழ்காலத்திற்கு என் வாழ்த்துக்கள்...

அன்புடன்,
ஹ.இ.ருக்னுதீன் புஹாரி, கேரளா.

IP: 188.*.*.* Saudi Arabia

கடந்த காலங்கள் கடந்த போதும் நடந்த காலங்களின் நிகழ்வுகளை நிகழ்காலத்தில் நிதர்ச்னமாய் தந்து வருங்காலத்தில் இந்“நிகழ்காலம்” வலுவோடும், பொலிவொடும் வீருநடை போட்டு வலம் வர வாழ்த்துகின்றேன்.

-ராபியா மணாளன்.

IP: 188.*.*.* Saudi Arabia

நல்ல ஒரு தலைப்பு
பெயர் கொடுத்தவருக்கு பாராட்டுக்கள்!
நிகழ் காலத்தில் வாழும் நமக்கு நிகழ்காலம் எதிர்காலத்தில் வரும் நம் தலைமுறைக்கு, அவர்கள் படிக்கும் போது அவர்களுக்கு அது நிகழ் காலம் தானே

இந்த நாளிதழ் மக்கள் மத்தியில் நல்ல பெயர் எடுத்து பல நல்ல செய்திகள் வந்து நாமும் நம் தமிழ் மக்களும் நல்ல பலன் பெற வாழ்த்துகிறேன்

வாழ்க தமிழ்
நட்புடன்
அபூ முனவ்வரா
புனித மக்காஹ்

IP: 123.*.*.* India

நிகழ் காலம் இதழ் என்றும் காயலின் கண்ணாடியாக இருக்க எனது மனப்பூர்வமான வாழ்த்துக்கள்.

LARIFA

IP: 159.*.*.* Saudi Arabia

வருங்கால வரலாற்றில் - இந்த
நிகழ் காலமும் இடம் பெற வாழ்த்துக்கள் .

IP: 117.*.*.* India

நகரின் நிகழ்வுகள்,நகரோடு மற்றும் இல்லாமல் உலக அளவில் பறந்து வளர்ச்சியடைய (நிகழ்காலம்) பாராட்டுக்களும் வாழ்த்துக்களும்.

IP: 117.*.*.* India

கடந்த காலம் - அது வெறும்
கதை சொல்லும் டமாரம்.
மீண்டு வரவே முடியாத
மாண்டு போன வரலாறு.

வருங்காலம் - அது வருமா?
வராதா? நமக்கே தெரியாது.
எதிர்காலம். எதற்கும் ஆகாத
ஏக்கங்களின் சேகரிப்பு.

நிகழ்காலம். இது மாத்திரம்
நிதர்சனம். நிச்சயம்.
நிகழ்வை அறியாதவன்
நீர்த்துப் போனவன்.
நிஜத்தை உணராதவன்
தோற்றுப் போனவன்.

ஆகவே காயலரே!
நிகழ்காலம் படித்திடுவோம்.
நிகழ்வுகளில் பயணிப்போம்!
இல்லையெனில் தோழர்களே!
விலை வைத்து வாங்குதற்கும்
விலைபேசி விற்பதற்கும்
அலைகின்ற ஒருகூட்டம்
விற்றிடுவார் நம்மையெல்லாம்
வீதியிலே கடைசரக்காய்!

நிகழ்காலம் தாங்கிவரும்
நல்லபல கருத்துரைகள்
வருங்கால காயலுக்கு
உரம் தரட்டும்! உயர்த்தட்டும்!

IP: 188.*.*.* Saudi Arabia

கவிமகனே! இதோ உமது பாணியில் சில சொற்சிதறல்...

இறந்தகாலம் - உயிரில்லா
உடல் தோற்றம். மறையலாம்
மறக்கலாம்.

எதிர்காலம் - கனவுகளின்
கூடாரம். கலையலாம்
கலைக்கலாம்.

நிகழ்காலம் - உணர்வுகளின்
ஊடுருவல். உணரலாம்
உணர்த்தலாம்.

நிகழ்கால நிகழ்வுகளை
நீ, நீதமாக உரைத்திட்டால்
எதிர்கால சந்ததிகள்
உன் கால் சுவட்டைப்
பின் தொடரும்.

முக்காலமும் உனை போற்றும்
எக்காலமும் உனை வாழ்த்தும்
கடைச் சரக்காய் விலை போக
கத்திரிக்காய் நாம் அல்லர்.

பத்திரிக்கை தர்மம் தனை
பத்தினி போல் கத்திடுவாய்!
கத்தி முனை கூரன்றோ? உன்
கை விரல்கள் தீட்டட்டும்.

ஏய்ப்பவர்கள் மாயட்டும்
ஏய்த்தவர்கள் ஓயட்டும்
எய்தவர் குறி நோக்கி
எய்தவைகள் பாயட்டும்.

எடை போட்டால் நடு முள்ளாய்
நேராக நிமிந்து நில்!
எவருக்கும் சாயாமல் உண்மை தனை
உரக்கச் சொல்!

கரம் தவழும் உன் இதழில்
கறை படியச் செய்யாமல்
களையெடுத்து காத்திடு
காயல் நற்பயிர் கழனியிலே...

குசும்பு: (ரெம்ப நாள் கழித்து)
“ சபாஷ்...! சரியான போட்டி! கவிமகனே! நும் வாய்மொழியை என்றோ தாய் மொழியாக்கிய பல கவிகளை எம் காயல் தேசத்தில் “நிகழ் காலத்தில்” உலாவக் கண்டீர். எங்கே உமது பதில்? செப்புவீர் செம்மையாக...!”

- ராபியா மணாளன்.

IP: 68.*.*.* United States

அஸ்ஸலாமு அழைக்கும்,

விடிவெள்ளி உதிர்த்தாற்போன்று நமதூர் செய்திகளைத்தாங்கி மாதத்தில் இருமுறை அதிசிறப்பான மிகவும்பொருத்தமானஅழகியபெயரின் தலைப்பைக்கொண்டு உலா வரும் "நிகழ்காலம் " பத்திரிக்கைப் புத்தம் புது வரவுக்கு நித்தம் நித்தம் என் நெஞ்சார்ந்த நல்வாழ்த்துக்கள் உரித்தாகுக! (அல்ஹம்துலில்லாஹ் )

பத்திரிகை தருமப்படி உள்ளதை உள்ளப்படி, உரைத்து உன்னதமாய் நிகழ்காலப்பத்திரிக்கை, உயர்வடைய உயர்த்துகிறேன் என் கரத்தை உடையோனிடம் உளமார இறைஞ்சுகின்றேன் உண்மையாளன் அருள் புரிவானாக அமீன்!

வாழ்த்தும் நெஞ்சங்கள்,
M . T . முத்து மொஹுதூம் முஹம்மது மற்றும் குடும்பத்தார்கள்.
நியூ ஜெர்சி - யு . எஸ். ஏ.

IP: 117.*.*.* India

அறிவிற்சிறந்த நண்பர் ரஃபீக் அவர்களுக்கு!

உங்களோடு பாட்டுக்கு பாட்டு பாடும் திறமை எனக்கில்லை. பேச்சு, எழுத்து என்று எல்லாத் துறைகளையும் ஆக்கிரமித்து அமர்ந்திருக்கின்ற நீங்கள், கவிதையும் எழுத ஆரம்பித்தால் எங்கள் பிழைப்பு என்னாவது?

பத்திரிக்கை தர்மத்தை பத்தினிப் பெண்ணோடு ஒப்பிட்டு எழுதிய உங்களது எழுத்தாளுமை சூப்பர்! தொடர்ந்து உங்கள் கவிதைகள் ஏராளம், பல்வேறு தளங்களில், ஊடகங்களில் காண ஆசைப்படுகிறேன்.