IP: 117.*.*.* India

தீர்மானங்கள் என்னவோ சிறப்பாகத்தான் இருக்கிறது. ஆனால் அவற்றை அமுல் படுத்த ஆட்சியாளர்களை அணுகுவதிலும் அழுத்தம் கொடுப்பதிலும் சமரசம் செய்து கொள்ள வேண்டிய நிலையில்தான் அரசியல் கட்சிகள் இப்போது இருக்கின்றன. இதற்கு முஸ்லிம் லீக் விதி விலக்கு என்று என்னால் நினைக்க முடியவில்லை.

ஏனெனில் கலைஞர் 1971 இல் அரியணை ஏறியபோது அவர் அமர்க்களமாக அங்குரார்ப்பணம் செய்து வைத்ததுதான் இந்த மது கடைகள். தொடர்ந்து வந்த ஆட்சிகளும் கலைஞருடைய திட்டங்களை முடக்கினாலும் அவர் ஆரம்பித்து வைத்த, ஏழைக் குடும்பங்களின் கண்ணீரை ஆறாக ஓட செய்கின்ற, இன்னும் ஓரடி மேலே சென்று சொல்வதானால் இன்று நாட்டில் நடக்கின்ற கொலை கொள்ளை வழிப்பறி பாலியல் பலாத்காரம் அதனால் ஏற்படும் உயிர் இழப்புக்கள் தற்கொலைகள் எல்லாவற்றுக்கும் ஆணி வேறாக ஊற்றுக்கண்ணாக திகழும் இந்த மதுவை ஒழிக்க முன்வரவில்லை. அரசுக்கு அதிக வருவாயை அள்ளித்தரும் இந்த டாஸ்மாக் கடைகள் ஒரு அட்சய பாத்திரமாகவே போற்றி வளர்க்கப்படுகிறது என்ற உண்மையை மறைக்க முடியாது.

இப்போது மதுவிலக்கு என்று நாம் உரத்து பேசினாலும் நாம் கூட்டணி அமைத்துள்ள தலைமை அது திமுகவானாலும் அதிமுக வானாலும் இந்த கோரிக்கையை அமுல்படுத்துவதாக தங்கள் தேர்தல் விஞ்ஞாபனத்தில் சொன்னால்தான் அவர்களுடன் கூட்டு என்று யாருமே துணிந்து சொல்வதில்லை சட்டமன்றத்தில் எத்தனை ஆசனங்கள் நமக்குக் கிடைக்கும் வெற்றி வாய்ப்புகள் உள்ள இடங்கள் எவை என்ற கணக்கு போட்டுதான் தங்கள் கூட்டணி வியூகங்களை வகுக்க வேண்டிய துர்பாக்கிய நிலைக்கு பாரம்பரியம் மிக்க இந்திய யூனியன் முஸ்லிம் லீகே தள்ளப் பட்டுள்ளது என்ற வேதனையான் நிதர்சன உண்மையை நான் இங்கு வெளிப் படுத்த விரும்புகிறேன்.

நாகரிகமான விமர்சனங்களை மிக உன்னிப்புடனும் பொறுப்புடனும் கவனித்து ஆவன செய்யும் தலைவர்கள் இங்கு இருக்கிறார்கள் என்பதும் குறிப்பாக சகோதரர் அபூபக்கர் அவர்களும் புதிய பொறுப்பேற்றிருக்கும் இப்ராஹிம் மக்கி அவர்களும் இந்த மண்ணின் மைந்தர்கள் எனக்கு நன்கு பரிச்சயமானவர்கள் என்பதும் எனக்கு மன திருப்தியை தருவதால் இன்ஷா அல்லா நீங்கள் வடித்து எடுக்கும் தீர்மானங்கள் உள்ளபடியே செயல் வடிவம் பெற வேண்டும் என்றால் சற்று கடுமையாக உங்கள் கூட்டணி வியூகங்களை மறு பரிசீலனை செய்ய வேண்டும் என்று கேட்டுக் கொள்கிறேன்.

கலைஞரா, புரட்சி தலைவியா என்பதல்ல கேள்வி பூரண மதுவிலக்கு, சிறையில் வாடுபவர்களை உடனடியாக விடுதலை செய்வது இந்த இரண்டு அம்சங்களில் சமரசம் செய்யாமல் உங்கள் கொள்கையில் உறுதியாக இருந்தால் அவர்கள் உங்கள் காலடியில் வந்து விழுவார்கள். ஏனெனில் ஆட்சி அதிகாரங்களை தருவதும் அவற்றிலிருந்து ஒரு நொடியில் அவர்களை அகற்றுவதும் அல்லாஹ் தான் என்ற உறுதியான ஈமானில் நிலைத்து நிற்பவர்கள் நாம். அல்லாஹ் தவ்பீக் செய்வானாக உங்கள் சிறப்பான தீர்மானங்கள் செயல்வடிவம் பெற அல்லாஹ் உதவி செய்வானாக. வாழ்த்துக்கள்.

IP: 83.*.*.* United Arab Emirates

எங்கே போயிருந்தீர்கள் ? இத்தனை நாளா! இதில் ஏதோ சதி இருப்பதாகவே தோன்றுகின்றது! காரணம், சமீப காலத்தில் ஆரம்பித்த SDPI (popular front of india ) இந்தியாவில் வளர்ந்து வருவது அனைவர்களும் அறிந்ததே! அதனை முடக்குவதற்காக அரசியல் அரசர்கள் போட்ட திட்டமாக இருக்குமோ என்று தோன்றுகின்றது!

இல்லையென்றால், கட்சி தொடங்கி இத்தனை காலம் ஆகி இஸ்லாமியர்களுக்காக என்ன செய்தீர்கள்? சிறையில் வாடக்கூடிய என் மார்க்க சகோதரனுக்காக என்ன செய்தீர்கள்? இறை இல்லமாம் பாபரி மஸ்ஜித் ஐ தகர்க்கும் பொழுதும், தகர்த்த பின்னும் என்ன செய்து கொண்டு இருந்தீர்கள்? கோவை கலவரத்தில் பாதிக்கப்பட்ட என் சகோதரனுக்காக என்ன செய்தீர்கள்? சிறுபான்மையினர்கள் இட ஒதுக்கீட்டிற்காக என்ன செய்தீர்கள்? இன்னும் எங்கள் உள்ளத்தில் என்னெற்ற கேள்விகள், விடை அந்த வல்லோன் அறிவான்!

800 வருட காலம் ஆட்சி செய்த நாம், இட ஒதுக்கீட்டிற்காக, எவர்களை எல்லாம், வாழ்க! என்று சொல்லக்கூடிய அவலம்!காரணம் நம்முடைய ஈமானின் பலகீனம்! இன்று தொடங்கிய தே.மு.தி.க இன்றைய எதிர் கட்சி! என்றோ தொடங்கிய எம்தாய் சபை?.... எம்தாய் சபை சரி இல்லாததால்தான், பல இஸ்லாமிய கட்சிகள் நம் நாட்டில் தோன்றின! பலன் ஒற்றுமையும், ஓட்டுக்களும் சிதறின!

இன்றும், நம் நாட்டில் பிரித்தாளும் கொள்கை நடந்துக்கொண்டு இருக்கின்றது! இஸ்லாமிய (மார்க்க, கட்சி)தலைவர்களே! எங்களை அந்நிய சக்திகளிடம் அடகு வைக்காதீர்கள்!

நீங்கள் அனைவர்களும், ஒரு கூட்டத்திற்கு ஏற்பாடு செய்து உங்களுக்குள் ஒரு நல்ல முடிவை எடுத்து ஒரு குடையின் கீழ் வந்து, நம் இனத்திற்காகவும், நம் சகோதர சமுதாயத்திற்காகவும், பாடு பட்டால், இறைவன் நாடினால், நாளை நமதே! இந்த நாடும் நமதே!

IP: 122.*.*.* India

mackie noohuthambi காக்கா அவர்களின் கூற்று மிகவும் உண்மையே.

எப்படியும் ஏதாவது ஒரு கூட்டணியுடன் முஸ்லீம் லீக் கட்சி தேர்தலில் போட்டியிடுவார்கள். எந்த கட்சியினர் இந்த பொதுக்குழு தீர்மானத்திற்கு உறுதுணையாக இருப்பார்களோ அவர்களுடன் தான் இனி முஸ்லீம் லீக் கட்சி கூட்டணி கட்சியாக இருக்கும் என்று அறிவிப்பார்களா? அப்படி அறிவித்தால் தான் சமுதாய கட்சிக்கு சமுதாயத்தின் ஆதரவு இருக்கும். இல்லைன்னா இதெல்லாம் அரசியல் விளையாட்டாகவே கருதுவர் சமுதாய மக்கள்.

ஹைதுரூஸ் ஆதில்,கோழிக்கோடு-கேரளா

IP: 88.*.*.* Saudi Arabia

எங்கே போய் இருந்தீர்கள் என்று காட்டமா முஸ்லிம் லீகை கேள்வி கேக்கிறீர்? 2009 இல் ஆரம்பிக்கப்பட்ட SDPI ஒன்றும் பழைய இயக்கமில்லை? PFI இயக்கத்தின் ஒரு அங்கம் தான். PFI ஆரம்பிக்கும் முன்பும், பல இயக்கங்களை கண்டவர்கள். இவர்களுக்கும் இறை இல்லமாம் பாபரி மஸ்ஜித் ஐ தகர்க்கும் பொழுதும், தகர்த்த பின்னும் என்ன செய்து கொண்டு இருந்தீர்கள்? கோவை கலவரத்தில் பாதிக்கப்பட்ட என் சகோதரனுக்காக என்ன செய்தீர்கள்? சிறுபான்மையினர்கள் இட ஒதுக்கீட்டிற்காக என்ன செய்தீர்கள்? என்ற கேள்விகள் பொருந்தாதா?

உங்க கருத்துபடியே புதிய கட்சி தான் என்றால், இத்தனை நாள் இவர்கள் எங்கே இருந்தார்கள்? முஸ்லிம் லீக் சரியில்லை என்று தெரிந்து ஏன் சமுதாய பணிகளில் இவர்கள் அன்றே ஈடுபாடு கொள்ளவில்லை? கேரளத்தில் ஆரம்பிக்க பட்ட கட்சி, கேரளத்தில் நன்கு வளர்ந்த முஸ்லிம் லீகோடு நற்பு கொண்டு இருந்தார்களா?

இந்த தீமானத்தில் அப்படி என்ன சதி உள்ளது?காழ்புணர்ச்சி வேணாம்.

முஸ்லிம் லீக்தான் சரியில்லை என்றால் அதற்க்கு பின் எத்தனை இயக்கம் நாம் கண்டு வருகிறோம். ஏன் அவர்கள் ஒத்துமையா இருக்கமுடியவில்லை. சும்மா எதுகெடுத்தாலும் குறை சொல்லுவதை விட்டு விட்டு சமுதாயத்துக்கு நன்மை பயக்க நல்லது செய்ய முனைவோம்.

IP: 78.*.*.* Qatar

பிரச்சனைகளைக் கையாளுவதில் மாறுபட்ட அணுகுமுறைகள் இருக்கத்தான் செய்யும்.அதில் தாய்ச்சபையின் மிதவாத அணுகுமுறை, இந்திய முஸ்லிம்களுக்கு உகந்தது என்று என்னைப் போன்றவர்கள் கருதுகிறோம்.

கடந்த அறுபது ஆண்டுகளுக்கும் மேலாக கத்தியின்றி கத்தலின்றி தாய்ச்சபை செய்துமுடித்த பணிகள் ஏராளம்.ஷாபானு வழக்கில் உச்ச நீதி மன்றத்தின் தீர்ப்பைத் தொடர்ந்து நிலவிய அசாதாரணமான சூழ்நிலையில்,இந்திய முஸ்லிம்களின் உயிர் மற்றும் உடமைக்கு எவ்வித சேதாரமும் இன்றி,நமது உரிமைகள் நிலைநாட்டப் பட்டதற்கு பனாத்வாலா என்ற மாமனிதரின் புத்திபூர்வமான உரிமைக்குரல் காரணமாக அமைந்தது என்பதை வரலாறு அறிந்த எவரும் மறுத்திட நியாயம் இல்லை.

இந்திய முஸ்லிம்களின் வாழ்வுரிமைகளுக்கான முஸ்லிம் லீக்கின் களப்பணிகளை நாம் அறிந்து வைக்க வில்லை என்பதே உண்மை.அதை விடுத்து முஸ்லிம் லீக் நமக்கு என்ன செய்தது என்று எண்ணாமல்,முஸ்லிம் லீக்கிற்காக நாம் ஏதேனும் செய்வோம்.சகோதர மாநிலமான கேரளத்தை போல் இல்லையெனினும், குறைந்த பட்சம் திராவிட இயக்கங்களில் இருந்து வெளியேறி சமுதாயக் கட்சியான முஸ்லிம் லீக்கிற்கு தார்மீக ஆதரவையேனும் அளித்து விட்டு,பிறகு கேள்விகளைக் கேட்போம்.