Kayal on the Web

செய்திகள்

செய்தி எண் (ID #) 7318

#KOTW7318

வெள்ளி, செப்டம்பர் 30, 2011

உள்ளாட்சித் தேர்தல் 2011: காயல்பட்டினம் நகர்மன்ற தலைவர் பொறுப்பிற்கு நேற்று (29/09) மட்டும் மூவர் வேட்பு மனு தாக்கல்!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 3830 முறை பார்க்கப்பட்டுள்ளது | வாசகர் கருத்துக்கள் காண (10) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 2)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

தமிழகத்தில் உள்ளாட்சித் தேர்தல் அக்டோபர் 17, 19 தேதிகளில் இரண்டு கட்டமாக நடைபெறவுள்ளது. காயல்பட்டினம் நகர்மன்றத் தேர்தல் அக்டோபர் 17ஆம் தேதி நடைபெறவுள்ளது.

இதற்கான வேட்பு மனு தாக்கல் 22.09.2011 அன்று துவங்கியது. இம்மாதம் 29ஆம் தேதி (நாளை) வரை வேட்பாளர்கள் தமது வேட்பு மனுக்களைத் தாக்கல் செய்யலாம்.

காயல்பட்டினம் நகர்மன்றத் தலைவர் பொறுப்பு இம்முறை பெண்களுக்கு ஒதுக்கப்பட்டுள்ளது. நேற்று (செப்.29) வேட்பு மனு அளிக்க கடைசி நாளாகும். இறுதி நாளான நேற்று மட்டும், காயல்பட்டினம் நகர்மன்றத் தலைவர் பொறுப்பிற்கு பின்வருமாறு மூன்று பேர் வேட்பு மனு தாக்கல் செய்துள்ளனர்:-

காயல்பட்டினம் ஆறாம்பள்ளித் தெருவைச் சார்ந்த அபூ முஹம்மத் ஸலாஹுத்தீன் என்பவரின் மனைவி ஆயிஷா பர்வீன் (வயது 30) நேற்று காலை 11.15 மணிக்கு வேட்பு மனு தாக்கல் செய்தார்.

ஓடக்கரையைச் சார்ந்த ஆல்பர்ட் நாடார் என்பவரின் மனைவி ஏ.ருத்தம்மாள் (வயது 52) நேற்று காலை 11.45 மணிக்கு வேட்பு மனு தாக்கல் செய்தார்.

ஆறாம்பள்ளித் தெருவைச் சார்ந்த செய்யித் முஹம்மத் என்பவரின் மனைவி நஃபீஸத்து தாஹிரா நேற்று வேட்பு மனு நேரம் நிறைவுறும் வேளையில் மதியம் 02.35 மணிக்கு வேட்பு மனு தாக்கல் செய்தார்.

இவர், காயல்பட்டினம் முஸ்லிம் ஐக்கியப் பேரவையின் நகர்மன்றத் தலைவர் தேர்வுக்குழுவால் தேர்ந்தெடுக்கப்பட்டு, நேற்று வேட்பு மனு தாக்கல் செய்துள்ள முத்து மைமூனத்துல் மிஸ்ரிய்யாவின் தாயார் என்பது குறிப்பிடத்தக்கது.

வேட்பு மனுக்களை, நகர்மன்றத் தேர்தல் துணை அலுவலர் சக்தி குமார் பெற்றுக்கொண்டார். பெண்களுக்கென ஒதுக்கப்பட்டுள்ள காயல்பட்டினம் நகர்மன்றத் தலைவர் பொறுப்பில் போட்டியிட மொத்தத்தில் இதுவரை 7 பேர் வேட்பு மனு தாக்கல் செய்துள்ளனர்.

நகர்மன்றத் தேர்தல் தலைவர் பொறுப்பிற்கு இதுவரை வேட்பு மனு தாக்கல் செய்துள்ளவர்களின் பட்டியல் பின்வருமாறு:-

(1) காயல்பட்டினம் குத்துக்கல் தெருவைச் சார்ந்த இறைச்சிக்கடை சுல்தான் ஜமாலுத்தீன் என்பவரின் மனைவி கே.பி.செய்யித் மர்யம்.

(2) ஆறாம்பள்ளித் தெருவைச் சார்ந்த என்.டி.அஹ்மத் ஸலாஹுத்தீன் என்பவரின் மனைவி முத்து மைமூனத்துல் மிஸ்ரிய்யா.

(3) காயிதேமில்லத் நகரைச் சார்ந்த சிங்கப்பூரார் முஹ்யித்தீன் அப்துல் காதிர் என்பவரின் மனைவி எச்.எம்.முஹம்மத் இப்றாஹீம் உம்மா.

(4) மகுதூம் தெருவைச் சார்ந்த ஷேக் அப்துல் காதிர் என்பவரின் மனைவி ஆபிதா ஷேக்.

(5) ஆறாம்பள்ளித் தெருவைச் சார்ந்த அபூ முஹம்மத் ஸலாஹுத்தீன் என்பவரின் மனைவி ஆயிஷா பர்வீன்.

(6) ஓடக்கரையைச் சார்ந்த ஆல்பர்ட் நாடார் என்பவரின் மனைவி ஏ.ருத்தம்மாள்.

(7) ஆறாம்பள்ளித் தெருவைச் சார்ந்த செய்யித் முஹம்மத் என்பவரின் மனைவி நஃபீஸத்து தாஹிரா.

படங்களில் உதவி:
ஹாஃபிழ் M.M.முஜாஹித் அலீ.

{TAGS} municipality election ullaatchi therthal 2011 nomination chairman candidates

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Re:உள்ளாட்சித் தேர்தல் 2011:...
posted by Pirabu Mujeeb (Riyadh-KSA) [30 September 2011]
IP: 178.*.*.*