Kayal on the Web

செய்திகள்

செய்தி எண் (ID #) 13114

#KOTW13114

புதன், பிப்ரவரி 26, 2014

ஒப்பந்தப்புள்ளி விபரங்கள்படி போடப்பட்டுள்ளதா வால்வு தொட்டிகள்?

செய்தி: காயல்பட்டணம்.காம்
இந்த பக்கம் 2623 முறை பார்க்கப்பட்டுள்ளது | வாசகர் கருத்துக்கள் காண (4) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

மேல ஆத்தூரில் இருந்து காயல்பட்டினத்திற்கு தினமும் குழாய்கள் வழியாக அனுப்பப்படும் தண்ணீர், நகரில் உள்ள உயர்நிலை தொட்டிகளில் ஏற்றப்பட்டு, பிறகு அட்டவணைப்படி இல்லங்களில் உள்ள இணைப்புகளுக்கு அனுப்பப்படுகிறது. பகுதி வாரியாக குடிநீர் விநியோகம் மேற்கொள்ள, நகர் முழுவதும், சுமார் 100 வால்வுகள் அமைக்கப்பட்டுள்ளது. இந்த வால்வுகளை - திறந்து, மூடுவது மூலம் - எந்தப்பகுதிக்கு, எவ்வளவு நேரம், எவ்வளவு அளவு தண்ணீர் அனுப்புவது என்று கட்டுப்படுத்தலாம்.

இந்த வால்வு தொட்டிகள் பழுதடைந்ததால், அவைகளை புதுப்பிக்க - நீண்ட கால தாமதத்திற்கு பிறகு - சமீபத்தில் பணிகள் துவங்கியது. 8.5 லட்ச ரூபாய் மதிப்பீட்டிலான - இப்பணிகளை ஒப்பந்ததாரர் தலவாணிமுத்து செய்து வருகிறார்.

ஒப்பந்தப்புள்ளிகள் ஆவணங்கள் தெரிவிக்கும் தகவல்படி, நகரில் உள்ள சுமார் 100 வால்வுகளில், தற்போது 40 வால்வுகளுக்கு புதிதாக இரு அளவுகளில் தொட்டிகள் அமைக்கப்படவேண்டும்.

நகரின் சிலபகுதிகளில் சில வால்வு தொட்டிகளின் பழுது நீக்கப்பட்டுள்ளது. ஆனால் - அவை, ஒப்பந்தப்புள்ளி விபரங்கள்படி அமையவில்லை என தெரிகிறது.

ஒப்பந்தப்புள்ளிகள் - 40 வால்வு தொட்டிகளுக்கும், இரும்பு மூடி அமைத்திட கூறியுள்ளது. 15 மூடிகள், தலா 6000 ரூபாய் மதிப்பீட்டில், 75 செ.மீ. * 60 செ.மீ. அளவிலும், 25 மூடிகள், தலா 5000 ரூபாய் மதிப்பீட்டில், 60 செ.மீ. * 60 செ.மீ. அளவிலும் இருக்கவேண்டும். இப்பொருட்களுக்கான மதிப்பீடு, சுமார் 2.15 லட்சம் ரூபாய்.

ஆனால் - நிறைவுற்றுள்ள வால்வு தொட்டிகளில், இரும்பு மூடிக்கு பதிலாக பூசப்பட்ட கான்க்ரீட் மூடி வழங்கப்பட்டுள்ளது. அதன் நடுவில் - எப்போதும் திறந்திருக்கும் வகையில் - வால்வினை திறப்பதிற்கு இடம் விடப்பட்டுள்ளது. இதன் மூலம் - மழைக்காலங்களில் மழை நீர் - தொட்டியில் தேங்க நேரிடும். மேலும் - வால்வில் ஏதேனும் பழுது ஏற்பட்டால், கான்க்ரீட் மூடியினை, உடைத்தே - பணிகளை மேற்கொள்ள இயலும்.

நகராட்சி அலுவலகம் அருகில்...

{TAGS} municipality tender valve drinking water water supply oht over head tank authoor mela authoor twad tender contract thalavanimuthu

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Re:...
posted by தமிழன் முத்து இஸ்மாயில் (காயல்பட்டினம்.) [27 February 2014]
IP: 180.*.*.*

India | Comment Reference Number: 33385

இதற்குரிய கேள்விகளை நகர்மன்ற உறுப்பினர்களில் எவராவது நாளை நடக்கவிருக்கும் கூட்டத்தில் கேள்வி கேட்பார்களா...? அல்லது நகரில் உள்ள பல பொதுநல அமைப்பு சார்பாக எந்த ஒரு அமைப்பாவது விபரம் கேட்க மாவட்ட ஆட்சியரிடம் மனு கொடுத்து தீர்வு காண்பார்களா..!

[Administrator: Comment edited]

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. Re:...
posted by Azath Jawahar Panneer Selvam (kayalpatnam) [27 February 2014]
IP: 115.*.*.*

India | Comment Reference Number: 33387

அட்மின் அடையாளம் காட்டியது தொட்டியின் மூடி மட்டும். ஒன்றாவது பகுதி பக்கம் வந்து பாருங்கள் தொட்டிகென்று தோண்ட பட்ட குழி மூட கூட வில்லை. கேட்டால் பொதுமக்கள் தான் மூடனுமாம்.

சரி வீட்டின் அருகில் இருக்கும் தொட்டிகளை மூடலாம் இல்லாவிட்டில் என்ன பண்ணுவது நீங்க சொன்ன அளவுகள் படி போட்டு உள்ளார்கள் என்ற இல்லை என்று தான் நான் சொல்லுவேன்.

என் கண் முன்னே சாதாரண மணலை (குழி தோண்டிய மணலை)வைத்து கான்கிரிட் போடபட்டது. நான் பார்த்த பிறகு அந்த மண்ணை வாரி போட்ட பெண்ணுக்கு திட்டு வேற.

கான்கிரிட் யாராவது செங்கல் வைத்து போடுவார்களா?ஆனால் இவர்கள் போட்டார்கள்.

இதில் இன்னொரு சுவாரசியம் என்றால் தொட்டி அமைப்பதற்கு முன் என் வீட்டில் வந்து என் தாய் இடம் தண்ணீர் கொடுங்கள் உங்களுக்காக தானே தொட்டி அமைக்கிறோம் ஆகையால் கொடுத்து தான் ஆகா வேண்டும் என தர்க்கம் செய்து உள்ளார்கள்.(முடியாது என்று சொன்ன பிறகு தான் தண்ணீர் வந்து உள்ளது) எனக்கு தெரிந்து கண்கிரிட் போட்டு குறைந்தது பளைககளை 5 நாளாவது பிரிக்காமல் இருக்க வேண்டும் இவர்கள் 2 நாளிலே பிரித்து சென்று விட்டார்கள். கேட்டதுக்கு எல்லாம் சரியாக வரும் என்று சொல்லிவிட்டு போய் விட்டார்கள்.

ஒன்றாவது பகுதி பொறுத்த வரை உறுபினர் இல்லை யாரிடம் சென்று சொல்வது மற்ற உறுப்பினர்கள், தலைவி ஆகியோர் கவனம் செலுத்தினால் நன்றாக இருக்கும். இவ்வாறு தொடர்ந்து புறக்கணிக்க பட்டு வருகிறோம்.

இந்த விசியத்தில் மட்டும் அல்ல தண்ணீர் என்றாலே எங்கள் பகுதிக்கு தான் பிரிச்சனை ஆனால் எங்கள் பகுதி தாண்டி இருக்கும் கடையகுடிக்கு தண்ணீர் செழிப்பாக செல்கிறது தான் அதிசயமாக இருக்கிறது.

எங்கள் பகுதிக்கு மொத்தம் உள்ள வீடுகளுக்கு கூடின வரை 1/2 மணி நேரம் தான் தண்ணீர் விநியோகம் செய்ய படுகிறது. ஆனால் கடையகுடியில் எத்தனை அதிகார பூர்வமாக எத்தனை இணைப்பு இருக்கிறது என்று தெரியவில்லை! தேவை பட்டால் புகைப்படம் அனுப்ப தயார்!

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. Re:...உதவாத ஒப்பந்தக்காரர்.....
posted by Husain Noorudeen (Abu Dhabi) [27 February 2014]
IP: 195.*.*.*

United Arab Emirates | Comment Reference Number: 33390

இந்த ஒப்பந்தக்காரரின் தில்லு முல்லுகள் ஒவ்வொவ்வொன்றாக வெளிவந்த வண்ணம் இருக்கின்றன. இருந்தும் நமது நகராட்சி நிர்வாகம் இவரை ஏன் Blacklist பண்ணி ஒதுக்க மறுக்கின்றனர் என்று தெரியவில்லை. போக வேண்டியவர்களுக்கு கை மடக்கு சரியாக சென்று சேர்ந்துவிடுகின்றதோ என்னவோ. படைத்தவனே உனக்குத்தான் வெளிச்சம்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

4. இந்த ஒப்பந்தக்காரரை விட்டால் ஆள் இல்லையா?
posted by Saalai Abdul Razzaq Lukman (Singapore) [27 February 2014]
IP: 218.*.*.*

Singapore | Comment Reference Number: 33392

நமது நகராட்சியில் ரோடு போடுவது மற்றும் இதர சிவில் வேலைகளை பார்ப்தற்கு, திரு.தலவாணி முத்து மட்டுமே ஒப்பந்தம் எடுக்கின்றாரே? இவரை விட்டால் வேறு ஒப்பந்தக்காரர்களே இல்லையா? இந்த நபர், பல சின்ன சின்ன வேலைகளை எடுத்து, அந்த பணிகளை முடிக்கவில்லை என்ற குற்றச்சாட்டு, நகர்மன்ற கூட்டத்தில் உறுப்பினர்களால் கூறப்பட்டது.

இப்படி மீண்டும் மீண்டும் அவருக்கே கிடைப்பது எப்படி? வேறு ஒப்பந்தக்காரர்கள் இந்த நகராட்சியில் டெண்டரே போட மாட்டார்களா? அல்லது இவர், மற்றவர்களை போடவிடாமல் தடுக்கிறாரா? நகராட்சி அதிகாரிகளுக்கும் இவருக்கும் ஏதாவது புரிந்துணர்வு ஒப்பந்தம் (UNDERSTANDING ) இருக்கிறதா?

அதே போல், பெரிய வேலைகளுக்கு, திரு.நாகூர் மீராசா மட்டுமே ஒப்பந்தம் எடுக்கிறார். அதுவும் சொல்லி வைத்தாற்போல், டெண்டர் தொகையை விட 4.95% அதிக தொகை கேட்டு எடுக்கிறார்.(5% -க்கு மேல் QUOTE பண்ணினால் நகராட்சியால் முடிவு செய்ய இயலாது)

ஒண்ணுமே புரியேல்ல இந்த நகராட்சியில். இதற்கும் சிலர் உள்அர்த்தம் கற்பித்து, சென்ற நகராட்சியில் நடக்கவில்லையா? என்று கேட்பார்கள். எப்போது நடந்தாலும் தவறு, தவறு தான். இப்ப மீடியாக்கள் ரொம்ப கண்கொத்தி பாம்பாக இருப்பதனாலும், பொதுமக்களுக்கும்(என்னையும் சேர்த்து) விழிப்புணர்வு ஏற்பட்டதனாலும், எழுந்த கேள்வி.

அல்லாஹ் அனைத்தையும் அறிந்தவன்.

- சாளை அப்துல் ரஸ்ஸாக்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்