IP: 117.*.*.* India

இங்கே சங்கத்தில் மேஸ்தரி மேவாவ ஏத்திட்டதான்பா என்று சொல்லி தூங்குகிறார்கள். அங்கு கல்யாண வீட்டில் என்ன நடக்குது தெரியுமா.

பெண் வீட்டில் மாப்பிள்ளை வீடு கேட்கிறார்கள். "பெண்ணுக்கு எவ்வளவு நகை போடுவீர்கள்?"

"30 பவுன் போடுவோம், நீங்கள் என்ன போடுவீர்கள்?" இது பெண் வீடு.

"நீங்கள் போடும் நகையை நாங்கள் எடை போடுவோம். சொன்னதற்கு குறைவாக இருந்தால் உங்களுடன் சண்டை போடுவோம்" இதுதான் மாப்பிள்ளை வீட்டு பதில்.

இன்னொரு வீட்டில், மாப்பிள்ளையின் தாயார் சொல்கிறார், "சம்பந்தி, உங்கள் மகளை தங்க தாம்பாளத்தில் வைத்து பூ போல பாதுகாப்போம்".

" ரொம்ப சந்தோசம்மா"...இது பெண்ணின் தாயார் பூரித்து போனார்.

"அதனாலே, சீர் அனுப்பும்போது மறக்காமல் தங்க தாம்பாளமும் அதில் கொஞ்சம் பூவும் வைத்து அனுப்ப மறந்து விடாதீர்கள்"..இது மாப்பிள்ளையின் தாயார்.

இப்போது பெண்ணின் தாய் பூரி மாவை போல் கை பிசைந்து நிற்கிறாள். இந்த நிலையில் கல்யாண வீட்டில் யார் தூங்குவார்கள்.

இது காயல்பட்டினத்தில் நடக்கிறதா என்று எனக்கு தெரியாது. ஆனால் பெரும்பாலான குடும்பங்களில் இந்த அவலம் நிலவுகிறது. அல்லாஹ் பாதுகாப்பானாக.

IP: 14.*.*.* China

உண்ட மயக்கம் தொண்டனுக்கும் உண்டு....

IP: 37.*.*.* Saudi Arabia

உண்ட மயக்கம் தொண்டனுக்கும் உண்டு என்ற வழக்கு மொழியை நினைவு படுத்துவதாக அமைகின்றது இந்த புகைப்படங்கள்.

வாயிற்றுக்குள் உணவு சென்ற உடனே அதை செரிமானம் செய்து, நைட்டுக்கு புராட்டா, இடியாப்பம், கறி சாப்பிட தோது செய்யணும் அல்லவா, அதற்காக செரிமான செயலுக்காக வயிற்று பகுதிக்கு அதிகம் இரத்தம் சப்ளை செய்யப்படுவதால், பிற பகுதிகளான மூளை போன்ற உறுப்புக்கு, தேவையான இரத்தம் குறைவாக கிடைக்கும். ஆக, சாப்பிட்டவுடன் ஒரு வித அயர்வும் தூக்கமும் வரும்.

இதுவே மேஸ்திரி மேவாவ- விற்கு பதிலாக வேறு ஏதும் கலந்தால் கீழ்வா திறந்து விடும்.

இதாவது பரவாஇல்லை, ஒருமுறை ஜலாலியாவில் சாப்பிட சென்றபோது லுஹர் பாங்கு ஒலித்து விட்டது, தொழுக சென்றேன், செல்லும் போதும், முடித்து வரும் போதும் ஒரு பெரும் கூட்டம் திண்ணைகளில் அமர்ந்து கொண்டும், பலர் உறங்கிக்கொண்டும் இருந்தார்கள். என்ன கொடுமை இது. பள்ளியில் குளு.. குளு குளிர்சாதன வசதியை உண்டுபண்ணியும் பிரயோஜனம் இல்லையே..!!

இவர்களுக்கு ஜமாஅத் தொழுகையின் அருமை தெரியாததால் இப்படி இருக்கின்றார்களா..!!..? . தெருவுக்கு தெரு, முக்குக்கு முக்கு, பள்ளிக்கு பள்ளி, பயான் பயான் என்று பிரச்சாரம் பண்ணி என்ன பயன்.

சௌதி அரேபியா மாதிரி தொழுகைக்கு பாங்கு சொன்னவுடன் அனைத்தையும் நிறுத்தனும் என்ற சட்டத்தை கொண்டுவரனும். அட்லீஸ்ட் சாப்பாட்டை நிறுத்தனும்..!!

வல்ல அல்லாஹ் அனைவர்களுக்கும் நல்ல வழியை காட்டுவானாக.

சாளை S.I.ஜியாவுத்தீன், அல்கோபார்

IP: 37.*.*.* Saudi Arabia

முகம் தெரியாத நண்பர்கள் சரவணன், விஜயகுமார் (இந்த வலைதளத்தை வழமையாக பார்ப்பவர்களாம்) அவர்களுக்கு,

உங்கள் மெயில் கிடைத்தது. உங்களுக்கும், காயல் வார்த்தைகளை புரியாத நண்பர்களுக்கும் இந்த பதிவு.

அருஞ்சொற்பொருள்:-

1. மேவா - பாதம், பிஸ்தா, முந்திரி, தேங்காய், கசக்கசா ஆகியவற்றை மொத்தமாக குறிக்கும் வார்த்தை.

2. மேஸ்திரி - நீங்கள் குறிப்பிடும் கட்டிட மேஸ்திரி அல்ல, இங்கு சமையல் மேஸ்திரி.

3. புளியானம் - புளி ரசம்.

4. கீழ்வா - கீழ் வாய் , அதாவது... ..! புரிந்து இருக்கும்.

சாளை S.I.ஜியாவுத்தீன், அல்கோபார்

IP: 82.*.*.* Iceland

ulagathil engu senraalum kayalkalarikku eidu kidayathu

IP: 115.*.*.* India

கலரி சாப்பாட்டுக்காக நம்ம ஊரில் ரிஸ்க் எடுக்கிறவங்க பலபேர். அங்கே ஒன்று இங்கே ஒன்று என உலகத்தை விட்டு போனவங்க பற்றி நியூஸ் வந்தாலும் என்ன நடந்தாலும் அதை பற்றி கொஞ்சமும் கவலை படாமல் ஜோடியை தேடி கண்டு பிடித்து சாப்பாட்டிற்கு கிளம்பும் நம்மவர்களை நினைத்து கவலை படுவதா இல்லை இதுவெல்லாம் நம்மவூரின் பெருமையை பறைசாற்றும் நிகழ்வுகளில் ஒன்று என்று மார்தட்டிகொல்வதா புரியவில்லை

சிலநேரங்களில் வெளியூர் நண்பர்களோடு இருந்து கலரி சாப்பாட்டின் மகத்துவத்தை பற்றி பேசும்போது என்னப்பா வெறும் சோறுக்கா இவ்வளவு BUILD UP கொடுக்கிறீங்க என்றால் நாம் களரியின் மகத்துவத்தை விளக்க எவ்வளவு நேரம் எடுத்தாலும் நம் விடுவதா இல்லை

பெரும்பாலும் கலரி சாப்பாட்டை கல்யாண வீட்டிலேயே இரவில் வைப்பதை தவிர்ப்பது நல்லது.

மக்கி நூஹுதம்பி காக்கா அவர்கள் சொல்வது போல் மற்ற ஊர்களில் வேணுமென்றால் நடக்கலாம் நம்ம ஊரில் இது போன்ற நிகழ்வுகள் மிகவும் குறைவு. வீடு வேணும் என்கிற கருத்தை தான் அத்தனை மக்களும் கையில் எடுக்கிறார்கள் என்பது தான் வருத்த படவேன்றிய ஒன்று. இன்ஷா அல்லா காலப்போக்கில் இதுவும் மாறலாம்.

IP: 117.*.*.* India

இந்த சதுகைல் கீழ் இருக்கும் பெஞ்சின் வயது 100 கு மேல் இருக்கும், இதில் உட்காரும் சுகமே தனிதான். அதுலாப் மச்சான் சிரிப்பும் தனிதான்.

IP: 59.*.*.* India

இதை போன்ற கல்யாண சாப்பாடு சாப்பிட்ட பின் வீட்டில் அடைபட்டு செயற்கை காற்று பெறுவதை விட இதை போன்ற சங்கங்களில் கிடைக்கும் வேப்ப மர காற்றுக்கு சொக்கும் சுகம் வேரதிலும் கிடைப்பதில்லை.

இப்பலான் என்ன மேவாங்க, அப்பா ஒரு போதை மேவாதான் முக்கிய அயிட்டம், அதாங்க கசகசா, ஐயோ அந்த காலத்தில் சாப்பிட்ட பின் எத்தனை கிறக்கம், எத்தனை மயக்கம், அதுக்கு இப்போ எவ்வளவோ தேவையில்லைங்க.

மொத்தத்தில் பலமான விருந்துக்கு அப்புறம் இதை போன்ற திறந்த வெளி இடங்களில் அமைந்திருக்கும் சவுக்கையில் கிடைக்கும் குட்டி தூக்கத்தில் கிடைக்கும் மன அமைதியை சொல்ல வார்த்தையில்லை எனலாம்.

IP: 27.*.*.* India

திண்டமயக்கம் தின்னையைதேடும் உண்டமயக்கம் உறங்க தோன்டும் இது இயல்பு. நமது நகரத்தில் பல சங்கம்கள் குருத்த மணல் /ஓலைகூரை மரங்களின் நிழல் உடன் இருக்கும். இன்றோ காங்கிரட்சீலிங் சிமென்ட் தரை மரங்களும் இல்லை படுத்தால் உறக்கமும் வருவதில்லை.

வெளியூரில் இருந்து வரும் நபர்கள் படும் கஷ்டமும் அதிகம். அவர்கள் வீட்டு படிகளில் அமர்ந்து இருப்பதை பார்க்கும் மனதுக்கு சங்கடம் வீடுகள் அவர்களுக்கு ஒதுக்கி கொடுக்கப்படுகின்றன இருந்தாலும் தனது குடும்பத்தார் வரும் வரை (பெண்கள் பந்தி முடிந்து) வீட்டுப்படிகளில்தான் காத்து இருக்கின்றனர் புதிய ஊர் புது இடம் என்ற கூச்சசுபாவமும் கூட.

IP: 92.*.*.* United Arab Emirates

ஆஹா நெய்ச்சோறும்,கத்தரிக்காய் மாங்காயின்,சிறு புளிப்புடன் காயல் களறி கறியையும், பிசைந்து போடு சோற்றையும் விட்டுவைக்காமல் போட்டு வாசமும் மணமுமாக உண்ட களைப்புடன் வேப்ப மர காற்றில் சுகம் காணும்,வெள்ளை வேட்டி மஹா ஜனங்களே உங்களின் மீது அல்லாஹ்வின் சாந்தியும் சமாதானமும் உண்டாகட்டும்.ஆமா MASTER OF EMINENT HEALTH EDUCATION & RESEARCH (MEHER ) அலி அவர்கள் ஏன் கால்களை நீட்டி தூணில் சாய்ந்து உட்கார்ந்து விட்டார்கள்?உறங்கவில்லையா?