|
 ஜெய்ப்பூர் காயல் நல மன்றம் (ஜக்வா) அமைப்பின் தலைவர் - காயல்பட்டினம் சதுக்கைத் தெருவைச் சார்ந்த ஹாஜி பிரபு எஸ்.ஏ.முஸ்தஃபா கமால் 12.09.2012 அன்று இரவு 09.00 மணியளவில், ஜெய்ப்பூரில் காலமானார். அவரது மறைவை முன்னிட்டு, 14.09.2012 வெள்ளிக்கிழமையன்று மஃரிப் தொழுகைக்குப் பின், ஜெய்ப்பூர் காயல் நல மன்றம் சார்பில் ஙாயிப் ஜனாஸா தொழுகை நடத்தப்பட்டு, அவரது பிழை பொறுப்பிற்காக பிரார்த்தனை செய்யப்பட்டது.
ஙாயிப் ஜனாஸா தொழுகையை மவ்லவீ அபுல்ஹஸன் மஷீஷ் வழிநடத்தினார். ஹாபிழ் வேனா மகுதூம் துஆ பிரார்த்தனை செய்தார்.
அதனைத் தொடர்ந்து, மறைந்த ஹாஜி எஸ்.ஏ.முஸ்தஃபா கமால் அவர்கள் தம் வாழ்வில் செய்த நற்சேவைகளை ஹாஜி கே.எஸ்.முஹம்மத் நூஹ் நினைவு கூர்ந்து உரையாற்றினார்.
பின்னர், ஜக்வா அமைப்பின் சார்பில் பின்வருமாறு இரங்கல் செய்தி வெளியிடப்பட்டது:-
மாமா என்றும் சாச்சா என்றும் செல்லமாக எங்களால் அழைக்கப்பட்ட எங்கள் மன்றத் தலைவர் ஹாஜி முஸ்தஃபா கமால் அவர்களின் மறைவு அவர்களின் குடும்பத்திற்கு மட்டுமின்றி எங்கள் அமைப்பிற்கும் பேரிழப்பாகும்.
எல்லா விஷயங்களிலும் தன்னுடைய தேவைகளை பிற்படுத்தி அடுத்தவர்களின் தேவைகளை நிறைவேற்றி தந்தவர். வல்ல நாயகன் அன்னாரின் பிழைகளை மன்னித்து மேலான சுவனபதி தந்தருவள்வானாக ஆமீன்.
அன்னாரின் குடும்பத்தினருக்கு எமது ஜக்வா அமைப்பின் சார்பில் ஆழ்ந்த இரங்கலைத் தெரிவித்துக் கொள்கிறோம்.
இவ்வாறு அந்த இரங்கல் செய்தி அமைந்துள்ளது. தொழுகை மற்றும் துஆ - பிரார்த்தனை அமர்வில், மன்ற உறுப்பினர்கள் உள்ளிட்ட காயலர்கள் திரளாகக் கலந்துகொண்டனர்.
நிகழ்வுகளுக்கான ஏற்பாடுகளை லுகவி முஹம்மத் லெப்பை, மஹ்மூத் சுலைமான் ஆகியோர் இணைந்து செய்திருந்தனர்.
தகவல்;
ஜக்வா சார்பாக,
ஹாஃபிழ் ஷெய்கு அலீ நுஸ்கீ
செய்யித் முஹம்மத்
|
China
Saudi Arabia
