IP: 59.*.*.* India

ஊருக்குள் இளைத்தவன் பிள்ளையார் கோவில் ஆண்டி என்று ஒரு பழமொழி சொல்வார்கள். நமது அரசுகள், மத்தியிலும் சரி மாநிலத்திலும் சரி மக்களுக்கு முன்மாதிரியாக இருப்பதில்லை.

லஞ்சத்தை வளரவிட்டு அதற்கான எல்லா வழிகளையும் திறந்து விட்டுவிட்டு லஞ்சம் கொடுக்காதீர்கள் என்று மக்களிடம் சொல்வார்கள்.

டாஸ்மார்க் கடைகளை திறந்துவிட்டு கோடி கோடியாக லாபம் பார்த்துவிட்டு குடிக்காதீர்கள் என்பார்கள்.

பலவகையான சிகரெட்களை நாட்டில் உலாவ விட்டு புகை இலையில் லாபம்பார்த்துவிட்டு புகைபிடிக்காதீர்கள் என்பார்கள்.

விபசார விடுதிகளுக்கு அனுமதி கொடுத்துவிட்டு, ஒருவனுக்கு ஒருத்தி என்று போதனை செய்வார்கள்.

அந்த வரிசையில் இப்போது பிளாஸ்டிக் வந்துள்ளது. சட்டத்தை எல்லோரும் மதிக்க கடமைப்பட்டுள்ளோம். அதே நேரம் அரசுகள் தவறு செய்யும்போது, நமது நகர்மன்றத்தில் ஏக மனதாக ஒரு தீர்மானம்போட்டு, பிளாஸ்டிக் பைகள் செய்வதற்கு தடை விதியுங்கள், லைசென்சே வழங்க வேண்டாம் என்று இரண்டு வரியில் ஒரு தீர்மானம் போட்டு அனுப்பினால் புரட்சி தலைவி என்று நமதூரில் நகரமன்ற தலைவியை பாராட்டலாமே, செய்வீர்களா?

IP: 122.*.*.* India

எல்லா வழிகளையும் அடைத்து விட்டு, அடைத்த வழிக்கு மற்று வழியும் சொல்ல வேண்டும். இந்த சந்தர்பத்தில் ஜமாஅதே இஸ்லாமி நிறுவனர் அல்லாமா மௌலானா மௌதூதி எழுதிய வரி யாபகம் வருகின்றது.

" விபசார விடுதிகளையும், சினிமா தியேட்டர்களையும், ஆபாச அருவக்கதக்க அனைத்து வழிகளையும் திறந்து விட்டு, விபச்சாரம் செய்தால் தலையை வெட்டுவேன் என்று" குர் ஆன், ஹதீஸ் சட்டம் பேசினால் இது என்ன நியாயம்? அத்தகைய இடத்தில், இறைவனின் சட்டம் நடைமுறை படுத்தமுடியாத சட்டமாக ஆகிவிடும்.

பின், பாகிஸ்தான் போன்ற இஸ்லாமிய நாடுகளில் கூட, இஸ்லாமிய சட்டம் நடைமுறை படுத்த இயலாத சட்டம் என்றும், இது ஒரு கையாலாகாத சட்டம் என்று மேற்கித்திய நாடுகள் கூக்குரலிடும். இறைவனின் சட்டம் கிண்டல் செய்வதற்கு உரியதாக ஆகிவிடும். எனவே இறைவனின் சட்டத்தை அமுல்படுத்துவதற்கு உரிய சூழ்நிலைகளை ஏற்படுத்திவிட்டு பின் அதை நடை முறை படுத்த துவங்குங்கள்" என்று பாகிஸ்தான் ஆட்சியாளர்களுக்கு அறிவுரை கூறுவார்.

IP: 117.*.*.* India

முதலில் ப்ளாஸ்டிக் பைகள் தயாரிக்கும் தொழிற்சாலையை முதலில் முடக்குங்கள் (சீல்) வையுங்கள்..! தயாரிக்கும் தொழிற்சாலை இதை நிறுத்தினால் மட்டுமே இது ஒழியும்... அது வரை இதை ஒழிக்க முடியாது...! மக்களும் இந்த தீமையை உணர்ந்து புறக்களிக்க வேண்டும்.. பிறகு எங்கிருந்து இந்த பைகள் கடை வீதிகளுக்கு விற்பனைக்கு வரும்...?

மிக பெரிய நோயை (புற்று நோய்) ஊருக்குள்ளே உற்பத்தி செய்யும் அருகில் உள்ள தொழிற்சாலையை பற்றி மக்களுக்கு துண்டு பிரசுரம் மூலம் விழிப்புணர்வு ஏற்படுத்துங்கள்..

நட்புடன் - தமிழன் முத்து இஸ்மாயில்.
உறுப்பினர் - வி.சி.கட்சி.

Moderator: Comment edited!

IP: 117.*.*.* India

ஆஹா... பனை ஓலைகள் நாளை முதல் முட்டாய் பெட்டிகளாகவும், மீன் கூடைகளாகவும், கறிக்கடைகளில் மடக்கித் தரும் ஓலைகலாகவும் மீண்டும் உலா வரும்!

கத்தம் ஓதி விட்டு கிடைக்கும் சோற்றுப் பெட்டிகள், மங்கையரால் தூக்கி எறிந்த காலம் மாறி, கழுவி கமுத்தி வைக்கப்படும்!

துணிபைகள் எல்லாம் கந்தையானாலும், கசக்கி வைக்கப் படும்! மொத்தத்தில், வரும் ஜனவரி 2012 பனையாருக்கும், துணிப் பையாருக்கும், கல்யாண சீசனுங்கோ!!! .

IP: 94.*.*.* United Arab Emirates

இச்செய்தி குறித்து எனது பதிவிற்கு முன்பு பதியப்பட்டிருக்கும் 1 -ஆம், 2 -ஆம் மற்றும் 4 -ஆம் கருத்துக்கள் ஆட்சியாளர்களின் மனசாட்சியை தொடவேண்டும். நகர்மன்றம் அமுல்படுத்தவிருக்கும் இந்த சட்டம் குறித்த விழிப்புணர்வுகளை ஏற்படுத்த நகராட்சி ஆணையர் என்றும் சுகாதார ஆய்வாளர், துணை ஆய்வாளர், மேற்பார்வையாளர், அலுவலர் என பல அதிகாரிகள் சென்றிருப்பதை பார்க்கும்போது, இவர்கள் மற்றும் இதர ஊராட்சி, பேரூராட்சி, நகராட்சி, மாநகராட்சி அதிகாரிகளின் செயல்பாடுகள் சரியாக இருந்தால் எல்லா நிலைகளிலும் கிராமம் முதல் பெரு நகரம் வரை இந்தியாவின் அனைத்து பகுதிகளும் மாசற்ற நிலையை எட்டிவிடும்.

இவ்வதிகாரிகள் நமதூரில் இருக்கும் குடிநீர் தொட்டிகள், அனைத்து உணவகங்கள், மளிகை கடைகள், பல்வேறு சந்தைகள் இறைச்சி கடைகள் மற்றும் அறுப்புக்கூடங்கள் அனைத்தையும் குறைந்த பட்சம் மாதம் ஒரு முறை எவ்வித முன்னறிவிப்பின்றி சென்று பார்வையிட்டு சுகாதாரத்தை உறுதி செய்ய வேண்டும்.

மேலும் நமதூரின் போக்குவரத்து நிலையம் அதன் பொது கழிப்பிடம், ஒலி மாசுபாடு கட்டுப்படுத்தப்படுதல் மற்றும் அனைத்து சாலைகளின் சுகாதாரம் (ஆக்கிரமிப்புக்கள், வரைமுறையின்றி நிறுவப்படும் கொடிக்கம்பங்கள், விளம்பர தட்டுக்கள், பெரும்பாலும் உணவகங்கள் ஊற்றிவிடும் கழிவு நீர், கால நேர வரைமுறையின்றி கொட்டப்படும் கட்டுமானப்பொருட்கள், சுய நலத்திற்காக தெருக்களின் கரையோரங்கள் உயர்வு படுத்தப்படுதல், சாலைகளின் சுத்தம்) விஷயத்தில் மிகுந்த கவனம் செலுத்த வேண்டுமாய் கேட்டுக்கொள்கிறேன்.

Moderator: Comment edited!

IP: 117.*.*.* India

அஸ்ஸலாமு அலைக்கும் (வரஹ்).

நாளை முதல் அமுலுக்கு வரும் இந்த தடை நல்ல உபயோகமான தடையாக இருக்க வேண்டும் - அதற்கு உத்திரவாதம் இருக்க வேண்டும் என்றே மக்கள் விரும்புகின்றனர்.

நகராட்சியால் பிறப்பிக்கப்பட்டுள்ள தடை உத்தரவு தகவல்கள் அடங்கிய பிரசுரத்தை வணிக நிறுவன உரிமையாளர்களிடம் வினியோகித்திருப்பதை பொதுமக்களும் அறியும் வகையில், அதை பொதுமக்களின் பார்வைக்கு வைத்தால் அதன் மூலம் மக்கள் விழிப்புணர்ச்சி பெறுவதோடு ஒத்துழைப்பும் கொடுப்பார்கள்.
-----------------------------------------
மறுசுழற்சி செய்யவியலாத பிளாஸ்டிக் பொருட்களின் உபயோகத்திற்கு தடை என்பது மிகவும் முக்கியம் வாய்ந்தது - அதை மனித நேயமுள்ள மக்கள் ஒவ்வொருவரும் வரவேற்பார்கள் / வரவேற்க வேண்டும் என்பதில் எந்த மாற்றுக் கருத்தும் இருக்க முடியாது.

ஆனால் அதிகாரிகள் முறையாக சோதனைகள் செய்து கடைபிடிப்பார்களா ? என்பதே மக்களின் ஐயம்!!!.

அதிகாரிகள் இதில் கவனம் செலுத்தி, தீவிரமாக நடவடிக்கை எடுத்தால்தான் மறுசுழற்சி செய்யவியலாத பிளாஸ்டிக் பொருட்களை தடை செய்ய முடியும்.

இந்த தடைக்கு நமது மாவட்ட ஆட்சியர் மிகவும் கண்டிப்பானவர் என்பது அடியேனுக்கு நன்கு தெரியும் - மனுஷர் எந்த ஒரு மரத்தையும்கூட அகற்ற அனுமதிக்க மாட்டார் - அந்த மரத்தை அகற்றுவதினால் மிகப்பெரிய நன்மை கிடைத்தாலும் சரி.

அந்த மரத்தை அகற்றி வேறு விதமான நன்மை பல, கிடைப்பதை விட - அந்த ஒரு மரத்தின் மூலம் கிடைக்கும் சிறு நன்மையே சிறந்தது என்பார்.

சுற்றுச்சூழல் மாசுப்படுவதை எக்காரணம் கொண்டும் அனுமதிக்க மாட்டார் - மக்களுக்கு நன்மை செய்வதில் மிகவும் அக்கறை கொண்டவர்.

எனவே நமது அதிகாரிகள் மிகவும் விழிப்புணர்வுடன் செயல்படுவது நல்லது.
--------------------------------------------
அதிகாரிகள் கவனத்திற்கு :

மறுசுழற்சி செய்யவியலாத பிளாஸ்டிக் பொருட்களை தயாரிப்பவர்களையும் , விற்பவர்களையும் முதலில் தடை செய்தால்தான் இந்த திட்டம் நிறை வேறும்.

எப்போது பொருள் கிடைக்கவில்லையோ - அப்போது உபயோகம் தடைபடும் = பொருள் இருந்தால்தானே உபயோகிக்க முடியும்!!!.

ஆகையால் நகராட்சிக்குட்பட்ட எல்லையில் உள்ள அத்தனை தயாரிப்பாளர்களையும் , விற்பனையாளர்களையும் கட்டுப்படுத்துங்கள் = பிளாஸ்டிக் உபயோகம் நின்றுப்போகும்.

ஆட்சியாளர்களே! அதிகாரிகளே!! செய்வீர்களா !!!???.

வஸ்ஸலாம்.

IP: 77.*.*.* Saudi Arabia

இதை போலே அதிகாரிகள் வீடு வீடாஹா சென்று கள்ள மோட்டார் போட்டு தண்ணீர் உறிஞ்சுபவர்கலையும் கலை எடுக்கலாமே ?

இன்ஷாஅல்லாஹ் விரைவில் எதிபர்போம் ...