{ முகநூல் கருத்துக்கள்}{ட்விட்டர் கருத்துக்கள்}

ஜுமாதுல் அவ்வல் (1432) மாத அமாவாசை ஏப்ரல் 3 ஞாயிறு அன்று - இங்கிலாந்து நேரப்படி மதியம் 2:34 மணி அளவில் ஏற்படுகிறது. அப்போது இந்திய நேரம் இரவு 8:04 மணி. அன்று காயல்பட்டணத்தில் சூரியன் மறையும் நேரம் 6:27, சந்திரன் மறையும் நேரம் 6:15. சூரியன் மறையும் வேளையில் அமாவாசை ஏற்பட இன்னும் ஏறத்தாழ 1.5 மணி நேரம் இருக்கும். மேலும் உலகில் எங்கும் அன்று வெறுங்கண்கொண்டு பிறையை காண இயலாது.





ஏப்ரல் 4 அன்று காயல்பட்டணத்தில் சூரியன் மாலை 6:27 மணிக்கு மறைகிறது. சந்திரன் மறையும் நேரம் 7:01. சூரியன் மறையும்போது சந்திரனின் வயது 22 மணி நேரம். வெறுங்கண்கள் கொண்டு பிறையை காயல்பட்டணத்தில் அன்று காண இயலாது. வட அமெரிக்காவிலும், மத்திய அமெரிக்காவிலும், தென் அமெரிக்காவின் வட பகுதியிலும், ஐரோப்பாவிலும், ஆப்ரிக்காவின் வடப்பகுதியிலும் வெறுங்கண்கொண்டும், தென் அமெரிக்காவின் மத்திய பகுதிகளிலும், ஆப்ரிக்காவின் மத்திய பகுதிகளிலும், மத்திய கிழக்கு ஆசிய, தெற்காசியா, வட ஆசியா ஆகிய பகுதிகளில் வானிலை சூழல் தெளிவாக இருந்தாலும், தென் அமெரிக்காவின் தெற்கு பகுதிகளிலும், ஆப்ரிக்காவின் தெற்கு பகுதிகளிலும், தென் கிழக்கு ஆசியாவிலும் தொலைநோக்கிகள் கொண்டும் பிறையை காணலாம்.



ஏப்ரல் 5 அன்று காயல்பட்டணத்தில் சூரியன் மாலை 6:27 மணிக்கு மறைகிறது. சந்திரன் மறையும் நேரம் 7:48. சூரியன் மறையும்போது சந்திரனின் வயது 46 மணி நேரம். வெறுங்கண்கள் கொண்டு பிறையை காயல்பட்டணத்தில் அன்று காணலாம்.

உலகில் எங்கே பிறை காணப்பட்டாலும் அதனை ஏற்று கொள்ளலாம் என்ற கொள்கையில் உள்ளவர்க்கு ஏப்ரல் 3 (அமாவாசை) அன்று ரபியுல் ஆஹிர் 29 பூர்த்தி ஆகிறது. அன்று உலகில் எங்கும் பிறை கண்ணுக்கு தெரிய வாய்ப்பில்லை. ஆகவே ஏப்ரல் 4 - அவர்களுக்கு ரபியுல் ஆஹிர் 30 ஆகும். ஏப்ரல் 5 - ஜுமாதுல் அவ்வல் 1 ஆகும்.

அந்தந்த இடங்களில் பிறை காணப்பட வேண்டும் என்ற கொள்கையில் உள்ளவர்க்கு ஏப்ரல் 3 (அமாவாசை) அன்று ரபியுல் ஆஹிர் 28 முடிந்திருக்கும். ஏப்ரல் 4 அன்று அவர்களுக்கு ரபியுல் ஆஹிர் 29 ஆகும். ஏப்ரல் 4 அன்று காயல்பட்டண பகுதிகளில் பிறை வெறுங்கண்களுக்கு தென்பட வாய்ப்பில்லாததால், ஏப்ரல் 5 அவர்களுக்கு - ரபியுல் ஆஹிர் 30 ஆகும். ஏப்ரல் 6 அவர்களுக்கு - ஜுமாதுல் அவ்வல் 1 ஆகும்.

பிறையை கணக்கிட்டு அறியலாம் என்ற நிலையில் உள்ளவர்க்கு ஏப்ரல் 4 - ஜுமாதுல் அவ்வல் 1 ஆகும்.

தகவல்:
www.kayalsky.com