Kayal on the Web

செய்திகள்

செய்தி எண் (ID #) 16866

#KOTW16866

சனி, நவம்பர் 21, 2015

கே.டீ.எம். தெருவில் ஆக்கிரமிப்புகள் அகற்றம்!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 5720 முறை பார்க்கப்பட்டுள்ளது | வாசகர் கருத்துக்கள் காண (7) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 2)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

நெடுஞ்சாலைத் துறைக்கு உட்பட்ட காயல்பட்டினம் கே.டீ.எம். தெருவில் ஆக்கிரமிப்புகளை அகற்றும் பணி இன்று 11.15 மணியளவில் துவங்கி, தற்போதும் (14.45 மணி) தொடர்ந்து நடைபெற்று வருகிறது.

நெடுஞ்சாலைத் துறை கோட்டப் பொறியாளர் திருவேங்கட ராமலிங்கம் தலைமையில் நடைபெற்று வரும் இப்பணியின்போது, நெடுஞ்சாலைத் துறை வருவாய் ஆய்வாளர், திருச்செந்தூர் வட்டாட்சியர் வெங்கடாச்சலம், காயல்பட்டினம் நகராட்சி ஆணையர் ம.காந்திராஜன், சுகாதார ஆய்வாளர் எஸ்.பொன்வேல்ராஜ், காயல்பட்டினம் தென்பாகம் கிராம நிர்வாக அலுவலர் ஃப்ரான்சிஸ் சேவியர் ஆகியோர் உடனிருந்தனர்.

கே.டீ.எம். தெருவிலுள்ள பல வீடுகளின் கோட்டைச் சுவர்கள் இதன்போது அகற்றப்பட்டு வருகிறது.

சென்னை உயர் நீதிமன்றத்தின் மதுரை கிளை உத்தரவின் பேரில், ஆக்கிரமிப்புகளை அகற்றும் பணி நடைபெற்று வருவதாகவும், அந்த வரிசையிலேயே இப்பணியும் நடைபெறுவதாகவும் தகவல்கள் தெரிவிக்கின்றன.

ஆக்கிரமிப்புகள் அகற்றப்படுவயதையறிந்து, ஒரு வீட்டைச் சேர்ந்தவர்கள் தம் கோட்டைச் சுவரைத் தாமாகவே முன்வந்து இடித்தகற்றியுள்ளார்.

இப்பணியையொட்டி, மின்வாரியத்தினரும், காவல்துறையினரும் முன்னெச்சரிக்கையாக நிகழ்விடத்தில் நிறுத்தி வைக்கப்பட்டிருந்தமையும், காயல்பட்டினம் வழித்தடத்தில் செல்லும் பேருந்துகள் மாற்றுப் பாதையில் திருப்பி விடப்பட்டுள்ளமையும் குறிப்பிடத்தக்கது.

கள உதவி:
ஹாஃபிழ் N.A.M.ஈஸா ஜக்கரிய்யா

படங்களுள் உதவி:
M.A.K.ஜைய்னுல் ஆப்தீன்
(துபையிலிருந்து...) ஸிராஜுத்தீன்

காயல்பட்டினத்தில் ஆக்கிரமிப்புகள் அகற்றம் தொடர்பான முந்தைய காண இங்கே சொடுக்குக!

[செய்தி திருத்தப்பட்டு, கூடுதல் தகவல் இணைக்கப்பட்டது @ 10:49 / 22.11.2015]

{TAGS} encroachment municipality highways department aakkiramippu thiruvengada ramalingam ktm street k.t.m. street

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Re:...ஆட்சியார்கள் தவறா வீட்டு உரிமையாளர்கள் தவறா...
posted by mackie noohuthambi (kayalpatnam ) [21 November 2015]
IP: 163.*.*.*

Japan | Comment Reference Number: 42292

ஆக்கிரமிப்பு இரண்டு வகைப்படும். ஒன்று சட்டப்படி பத்திரப்படி நமக்கு உரிமை இல்லாமல் இருந்தாலும் கொஞ்சம் இழுத்துக் கட்டுவதில் என்ன தப்பு என்று சற்று அலட்சியமாக செய்வது. இது மார்க்கப்படியும் தப்பான விஷயம் என்று தெரிந்தே எல்லோரும் செய்கிறோம்.

மற்றது அரசு அல்லது நகர்மன்ற அதிகாரிகள் குறிப்பாக கட்டிட இன்ஸ்பெக்டர் அதை கண்டுகொள்ளாமல் லஞ்சம் வாங்கிக் கொண்டு பிளான் பாஸ் பண்ணுவது. இரண்டுமே மனசாட்சிப்படி தப்புதான்.

ஆனால் பத்திரப்படி நமக்கு உரிமை இருந்தும் தெருவை அகலப் படுத்துவதற்காக நமது இடத்தை இடிப்பதற்கு முன் நமக்கு உரிய இழப்பீட்டு தொகையை அரசு தர வேண்டும். நபி தோழர் உமர் அவர்கள் ஆட்சியா நடக்கிறது. இங்கு...இதை எல்லாம் பேசுவதற்கு?

நீதிமன்றம் செல்வதற்கு ஆகும் செலவு, வழக்கு எவ்வளவு நாள் இழுத்தடிக்கும் என்ற பயம், நியாயம் கிடைக்கும் என்ற உத்திரவாதம் இல்லாத நிலை இவற்றையெல்லாம் மனதில் நினைத்துப் பார்த்து ''சனியன் தொலையுது'' என்று விட்டு விடுபவர்கள்தான் அதிகம்.

பிளான் பாஸ் பண்ணுகின்ற அதிகாரி வீடு கட்டி முடிந்த பிறகு அது பிளான்படி கட்டப் பட்டுள்ளதா என்று பார்ப்பதில்லை இது நகர்மன்றம் அல்ல கார்பரேசன் வரை இந்த கூற்றுதான். சென்னை நகரம் முழுவதும் இதுதான் நடக்கிறது. காயல்பட்டினம் என்ன விதி விலக்கா...? எனவே இந்த விஷயத்தில் அரசுக்கு பணிந்து போவதை தவிர வேறு வழி இல்லை. எதிர்த்து பேசினால் குண்டர் சட்டத்தில் அல்லது தேச துரோக வழக்கில் போட்டு உள்ளே தள்ளி விடுவார்கள். சம்பந்தப்பட்டவர்கள் ஜாக்கிரதையாக நடந்து கொள்ளுங்கள்.

இதுதான் இலவச ஆலோசனை. NO SERVICE CHARGE LEVIED.