Kayal on the Web

செய்திகள்

செய்தி எண் (ID #) 12914

#KOTW12914

புதன், ஐனவரி 29, 2014

17 வயதுக்குட்பட்ட பள்ளி மாணவர்கள் பங்கேற்கும் மாநில அளவிலான கால்பந்து இறுதிப்போட்டியில் எல்.கே.மேனிலைப்பள்ளி!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 2870 முறை பார்க்கப்பட்டுள்ளது | வாசகர் கருத்துக்கள் காண (3) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

17 வயதுக்குட்பட்ட பள்ளி மாணவர்கள் பங்கேற்கும் - தமிழ்நாடு மாநில அளவிலான சீனியர் பிரிவு கால்பந்து சுற்றுப்போட்டியில் காயல்பட்டினம் எல்.கே.மேனிலைப்பள்ளி இறுதிப்போட்டியில் விளையாட தகுதி பெற்றுள்ளது. விபரம் வருமாறு:-

17 வயதுக்குட்பட்ட பள்ளி மாணவர்கள் பங்கேற்கும் - தமிழ்நாடு மாநில அளவிலான சீனியர் பிரிவு கால்பந்து சுற்றுப்போட்டி மதுரையில் நடைபெற்று வருகிறது. இப்போட்டியில், காயல்பட்டினம் எல்.கே.மேனிலைப்பள்ளி அணியும் பங்கேற்று விளையாடி வருகிறது.

இம்மாதம் 28ஆம் தேதி காலையில் நடைபெற்ற முதல் சுற்றுப் போட்டியில், எல்.கே.பள்ளி அணி தஞ்சாவூர் டான் பாஸ்கோ மேனிலைப்பள்ளி அணியை எதிர்த்தாடியது. போட்டி சமனில் முடிவுற்றதையடுத்து, சமனுடைப்பு முறையில் 3-2 என்ற கோல் கணக்கில் எல்.கே.பள்ளி வென்று, காலிறுதிக்குள் நுழைந்தது.

இன்று (ஜனவரி 29) காலையில் நடைபெற்ற காலிறுதிப்போட்டியில் எல்.கே.பள்ளி அணியும், ஈரோடு ராஜேந்திரா மேனிலைப்பள்ளி அணியும் மோதின. இப்போட்டியும் சமனில் முடிவுற்றதையடுத்து, சமனுடைப்பில் 4-3 என்ற கோல் கணக்கில் எல்.கே.பள்ளி அணி வென்று, அரையிறுதிக்குத் தகுதி பெற்றது.

இன்று மாலையில் நடைபெற்ற அரையிறுதிப் போட்டியில், எல்.கே.பள்ளி அணியும், காஞ்சிபுரம் அறிஞர் அண்ணா மேனிலைப்பள்ளி அணியும் மோதின. இதில், எல்.கே.பள்ளி அணி 1-0 என்ற கோல் கணக்கில் வெற்றி பெற்று, இறுதிப்போட்டியில் விளையாட தகுதி பெற்றுள்ளது.

நாளை (ஜனவரி 30) காலையில் நடைபெறும் இறுதிப்போட்டியில் இவ்வணி, கடலூர் நோபல் அகடமி பள்ளி அணியுடன் களம் காணவுள்ளது.

எல்.கே.மேனிலைப்பள்ளியின் சீனியர் அணி, கடந்த 2013ஆம் ஆண்டு ஆகஸ்ட் மாதம் நடைபெற்ற தூத்துக்குடி மாவட்ட அளவிலான கால்பந்துப் போட்டியில் வென்றதன் மூலம், மண்டல அளவில் விளையாட தகுதி பெற்றது.

அதனைத் தொடர்ந்து, அக்டோபர் மாதம் பாளையங்கோட்டையில் நடைபெற்ற மண்டல அளவிலான கால்பந்துப் போட்டியில் வென்றதன் மூலம், மாநில அளவிலான போட்டியில் விளையாடும் தகுதியைப் பெற்றது.

மாநில அளவிலான கால்பந்துப் போட்டியில் தொடர்ந்து மூன்றாவது ஆண்டாக இறுதிப்போட்டிக்குள் நுழைகிறது. 2012ஆம் ஆண்டு இறுதிப்போட்டியில் தோல்வியுற்றது.

2013ஆம் ஆண்டில் இறுதிப்போட்டியில் வென்று, அதன் தொடர்ச்சியாக டெல்லியில் நடைபெற்ற தேசிய அளவிலான சுப்ரடோ கோப்பை கால்பந்துப் போட்டியிலும் பங்கேற்று வந்தது. நடப்பாண்டு இறுதிப்போட்டியில் நாளை விளையாடவுள்ளது குறிப்பிடத்தக்கது.

தகவல் & படங்கள்:
ஆசிரியர் S.B.B.புகாரீ

{TAGS} lkhss ehss elkay higher secondary school sports football state level football tournament madurai

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. மாநில அளவில் காயல் அணி ஹாட்ரிக் இறுதிப்போட்டி
posted by SALMAN FARIS (YANBU ) [30 January 2014]
IP: 188.*.*.*

Saudi Arabia | Comment Reference Number: 32863

மாஷால்லாஹ் .நமதூர் கால்பந்தாட்ட அணி இவ்வருடமும் இறுதிப்போட்டியில் வெற்றி பெற வாழ்த்துக்கள்

மாநில அளவில் காயல் அணி ஹாட்ரிக் இறுதிப்போட்டியில் நுழைந்தது

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. Re:...
posted by ceylon fancy kazhi (Thiruvalla,Kerala.) [30 January 2014]
IP: 180.*.*.*

India | Comment Reference Number: 32868

இறுதிப்போட்டியில் வெற்றி பெற வாழ்த்துக்கள் ......

சிலோன் பேன்சி காழி ,
திருவல்லா, கேரளா .

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. Re:...
posted by AHAMED SULAIMAN (Dubai) [30 January 2014]
IP: 217.*.*.*

United Arab Emirates | Comment Reference Number: 32869

அஸ்ஸலாமு அழைக்கும் ,

நம் காயல்பட்டினம் பள்ளிகள் கால் பந்து ஆட்டத்தில் மிகவும் சிறப்பாக நல்ல பல பட்டங்களை தட்டி கொண்டு வருவது நமக்கு எல்லாம் மகிழ்ச்சி செய்தி . இன்ஷா அல்லாஹ் இந்த இறுதி ஆட்டத்திலும் வெற்றி கிடைக்க நாம் எல்லாம் வல்ல இறைவனைனிடம் துஆ செய்வோம் .

நம் மக்களிடம் நல்ல பல திறமைகள் உள்ளது ஆனால் அதனை கண்டுபிடித்து அதில் அவர்களை பட்டைதீட்டும் வாய்புகள் குறைவாகதான் உள்ளது அதையும் மீறி சில நல்ல உள்ளங்களின் ஆடரவுகளுடனும் , அல்லாஹ் வின் அளப்பரிய கருணை கொண்டும் மினுகின்றனர் . பலதரப்பட துறைகளில் நிபுணத்துவம் உள்ள நம் மக்கள் தங்கள் துறை அனுபவங்களை நமுடைய மாணவர்களுக்கு பயிலரங்கம் நடத்தி அவர்களிடம் நல்ல பல கருத்துகளை கொண்டு அவர்களை வளப்படுத்தனும் .

மார்க்கக் கல்வி , உலக கல்வி , விளையாட்டு மற்றும் பல்துறை தகவல்கள் கூடிய ஒரு பாட திட்டத்தை வகுக்க நம்முடை மக்கள் முயசிகள் எடுக்க வேண்டும் இது நல்ல பயனை தரும் இன்ஷா அல்லாஹ் .அவரவர் தங்களுடைய நல்ல பல கருத்துகளை நல்ல காரியதின்பால் பகிர்ந்து கொண்டால் அதுவும் நமக்கு ஒரு சிறு பாடதிட்டம்தான் அதனை கோர்வை செய்யணும் அவ்வளவுதான் .

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்