Weddings Special Page in Kayalpatnam.com Since 1998 - Kayal on the Web - Your home away from home Bus Service - Signature Campaign
Current Kayalpatnam Time
3:13:29 AM
வெள்ளி | 1 ஜுலை 2022 | துல்ஹஜ் 1065, 1440 
Prayer timing for Kayalpatnam
ஃபஜ்ர்ளுஹ்ர்அஸ்ர்மஃக்ரிப்இஷாஃ
04:4312:2603:5306:4508:01
Sunrise/Sunset timing for Kayalpatnamஉதயம்06:03Moonrise/Moonset timing for Kayalpatnamஉதயம்07:42
மறைவு18:40மறைவு20:37
Morning Twilight
வானியல்கடல்சமூகம்
04:4605:1305:40
உச்சி
12:21
Evening Twilight
சமூகம்கடல்வானியல்
19:0219:2919:56
Go to Homepage
செய்திகள்
Previous News ItemNext News Item
செய்தி எண் (ID #) 12910
#KOTW12910
Increase Font Size Decrease Font Size
புதன், ஐனவரி 29, 2014
அமாவாசை அன்று பிறையை காண இயலாதா? நாளை முயற்சிக்கலாம்!!
செய்திகாயல்பட்டணம்.காம்
இந்த பக்கம் 2788 முறை பார்க்கப்பட்டுள்ளது | வாசகர் கருத்துக்கள் காண (7) <> கருத்து பதிவு செய்ய
(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)
click here to post your comment using facebook{ முகநூல் கருத்துக்கள்}{ட்விட்டர் கருத்துக்கள்}

பிறையை அடிப்படையாக கொண்ட இஸ்லாமிய மாதங்கள் துவக்கப்படுவதில், முஸ்லிம்கள் மத்தியில் பல கருத்து வேறுபாடுகள், உலகின் பல்வேறு நாடுகளில், நிலவுகிறது. ஒத்த கருத்தில் முஸ்லிம் சமுதாயத்தைக் கொண்டு வர ஒரு சில முயற்சிகள் - மாநாடுகள், கருத்தரங்குகள் மூலமாக, அவ்வப்போது செய்யப்பட்டு வந்துள்ளன.

இது ஒருபுறமிருக்க, பிறை குறித்த விவாதத்தில் - அறிவியல் ரீதியான சில அடிப்படை விஷயங்களில் தெளிவற்ற நிலை பரவலாக நிலவுகிறது. அதில் ஒன்று - அமாவாசை (New Moon / Conjunction) அன்று தேயும் பிறையையோ (Waning Crescent), வளரும் பிறையையோ (Waxing Crescent) காண இயலாது - என்பதாகும். விஞ்ஞானப்பூர்வமாக இது முழுமையான தகவல் அல்ல.

அமாவாசை என்பது - அதாவது சூரியனும், சந்திரனும் ஒரே கோட்டில் வருவது - ஒரு நாளின் எந்த நேரத்திலும் நிகழலாம்.

உதாரணமாக கடந்த ஆண்டு, டிசம்பர் 03 அன்று அமாவாசை - நள்ளிரவு (இங்கிலாந்து நேரப்படி) 00:22 மணிக்கு நிகழ்ந்தது. மே 10 அன்று அமாவாசை - நள்ளிரவு (இங்கிலாந்து நேரப்படி) 00:29 மணிக்கு நடந்தது. அக்டோபர் 05 அன்று அமாவாசை - நள்ளிரவு (இங்கிலாந்து நேரப்படி) 00:35 மணிக்கு நிகழ்ந்தது.

மேலும் - கடந்த ஆண்டு, செப்டம்பர் 05 அன்று அமாவாசை - மதியம் (இங்கிலாந்து நேரப்படி) 11:36 மணிக்கு நடந்தது. நவம்பர் 03 அன்று அமாவாசை - மதியம் (இங்கிலாந்து நேரப்படி) 12:50 மணிக்கு நிகழ்ந்தது.

அது போல - கடந்த ஆண்டு, ஆகஸ்ட் 06 அன்று அமாவாசை - இரவு (இங்கிலாந்து நேரப்படி) 9:51 மணிக்கு நிகழ்ந்தது.

காலை, மதியம், இரவு என ஒரு குறிப்பிட்ட நேரத்தில் அமாவாசை நிகழ்வது இல்லை என்பதை இதன்மூலம் அறியலாம். எனவே - அமாவாசை நிகழும் நேரத்தைப் பொருத்து, சில மாதங்களில், அமாவாசையன்று, அதிகாலையில் தேயும் பிறையை (Waning Crescent) காணலாம். அது போல சில மாதங்களில், அமாவாசையன்று, மாலையில் வளரும் பிறையையும் (Waxing Crescent) காணலாம்.



உதாரணமாக, மே 10, 2013 அன்று அமாவாசை - நள்ளிரவு (இங்கிலாந்து நேரப்படி) 00:29 மணிக்கு நடந்தது. அன்று மாலை - அமெரிக்காவின் கலிபோர்னியா மாநிலத்தில் வளரும் பிறை (Waxing Crescent) தென்பட்டது.

அது போல, அமாவாசை நிகழும் நேரத்தை பொருத்து, அமாவாசை அன்றும், தேயும் பிறையையும் (Waning Crescent), அதிகாலை சூரியன் உதயத்திற்கு முன்னர் காணலாம்.



ஆகஸ்ட் 06, 2013 அன்று அமாவாசை - இரவு (இங்கிலாந்து நேரப்படி) 09:51 மணிக்கு நடந்தது. அன்று அதிகாலை தென் கிழக்கு ஆசியா, ஆஸ்திரேலியா போன்ற இடங்களில் - தேயும் பிறையை (Waning Crescent) காண வாய்ப்பிருந்தது. அன்று, மலேசியா நாட்டில் - தேயும் பிறை காணப்பட்டது.



அமாவாசை அன்று பிறையை காணக்கூடிய சில மாதங்களில் - ஜனவரி 30, 2014 தினமும் ஒன்றாகும்.



நாளை (ஜனவரி 30), இங்கிலாந்து நேரப்படி இரவு 09:38 மணியளவில், அமாவாசை நிகழ்கிறது. நாளை அதிகாலை, சூரியன் உதயத்திற்கு முன்னர், இந்தியா, இலங்கை, சிங்கப்பூர், மலேசியா, ஹாங்காங் உட்பட தென்கிழக்கு ஆசிய பகுதிகளில் - தேயும் பிறையைக் காணலாம்.

காயல்பட்டினத்தில் நாளை அதிகாலை சூரியன் உதயம் ஆகும் நேரம் அதிகாலை 06:38 மணி. கிழக்கு திசையில், சந்திரன் உதயம் ஆகும் நேரம் அதிகாலை 05:45 மணி.

காயல்பட்டினத்திலோ அல்லது தேயும் பிறையை நாளை காண வாய்ப்புள்ள பிற பகுதிகளிலோ (இந்தியா, இலங்கை, சிங்கப்பூர், மலேசியா, ஹாங்காங்) தேயும் பிறையைக் நாளை கண்டால் - புகைப்படத்துடன், அவ்விபரங்களை news@kayalpatnam.com என்ற மின்னஞ்சல் முகவரிக்கு அனுப்பித் தர வாசகர்கள் கேட்டுக்கொள்ளப்படுகின்றனர்.


Previous News ItemNext News Item
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>
1. கடற்கரைக்கு நீங்களும் வாறீர்களா?
posted by s.s.md meerasahib (TVM) [29 January 2014]
IP: 106.*.*.* India | Comment Reference Number: 32861

அட்மின் அவர்கள் காலைலேயே கடற்கரைக்கு ஆட்களை திரட்ட ஆரம்பிச்சிட்டாரு. யார் வாரீங்களோ........ இல்லையோ? நம் ஹிஜாஜ் மைந்தன் கேமராவுடன் நிர்ப்பார். பாய்...... சரிதானா?


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
2. Re:...
posted by Movlavi Mohammed Zubair Firdowsi (Eruvadi) [30 January 2014]
IP: 59.*.*.* India | Comment Reference Number: 32877

காயல்பட்டினம்.காம் வெளியிட்டுள்ள இச்செய்தி தவறான கருத்தாகும். அமாவாசை தினமான இன்று தேய்பிறை புறக்கண்களுக்கு எங்கும் தென்படவில்லை. எனவே அமாவாசை அன்று புறக்கண்களால் தேய்பிறையை பார்க்க வியலாது என்பது மீண்டும் மீண்டும் நிரூபனமாகியுள்ளது.

மேலும் விளக்கங்களுக்கு தெஹீட்டி பிறையும் தடுமாறிய சிந்தனையும்! என்ற தலைப்பில் ஹிஜ்ரி கமிட்டி வெளியிட்டுள்ள கட்டுரையை www.mooncalendar.in இணையதளத்தில் பார்த்துக்கொள்ளுங்கள்.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
3. Re:...WaningCrescent
posted by Irshad Sait (Tirunelveli) [31 January 2014]
IP: 61.*.*.* India | Comment Reference Number: 32881

Assalaamu Alaikkum. As usual you have predicted, on the basis of ICOP visibility curves, that the waning crescent will be seen on Thursday (30 Jan) which is the 29th day of R. Awwal and the day of conjunction. But, it was not seen with naked eye , as in the past, anywhere in the world. This proves that ICOP is wrong and that Hijri Committee (HC) is 100% right in their concept.

HC has been telling for more than a decade that the waning crescent will NOT be seen with naked eye on the day of conjunction. We are sure that the visibility curves are not dependable. The one which Khalid Shaukat developed for Ramdhaan 1429 divided Holy Ka’bah into two – one on the fasting side and the other on the non-fasting side !! So please do not depend on these curves.

Why should one depend on the curves when Islam shows the STRAIGHT path ?? It would have been better if one depends on the Quran verses and the authentic hadees instead of these curves. From authentic hadeeths we can understand that moon gets covered on a day every month (Conjunction).

In Tafsir Ibn Kathir also it is written that moon gets veiled at the end of the month and such veiling shows the passing of the month. As a Muslim all must believe in the sayings of the Prophet (PBUH) and on the correct explanation of Imam Ibn Kathir (Rah).

Please be convinced that no WANING crescent will be seen, with naked eye , on the day of conjunction. Hence, please do not to publish such news in your site which will only create confusion among the Ummah. Wa Salaam


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
4. Re:...
posted by Salih (Chennai) [31 January 2014]
IP: 122.*.*.* India | Comment Reference Number: 32887

சகோதரர்கள் மௌலவி முஹம்மத் ஜுபைர் பிர்தௌசி மற்றும் இர்ஷாத் சேட் ஆகியோருக்கு அஸ்ஸலாமு அலைக்கும்,

இச்செய்தி அமாவாசை அன்று தேயும் பிறையையோ, அல்லது வளரும் பிறையையோ, உலகில் எந்த பகுதியிலாவது, காண முடியுமா என்ற கேள்வி குறித்தது மட்டுமே! எனவே, இந்தக் குறுகிய வரம்பிற்குள் மட்டும் எனது கருத்தைத் தருகிறேன்.

அமாவாசை என்று கூறப்படும் நாளில் - அது நிகழும் நேரத்தைப் பொருத்து, உலகில் எந்த பகுதியிலாவது, சூரிய உதயத்திற்கு முன்னர் கிழக்கில் தேயும் பிறையையோ, அல்லது சூரியன் மறைந்த பின்னர் மேற்கில் வளரும் பிறையையோ காணலாம். இது விஞ்ஞானப் பூர்வமாக நிரூபிக்கப்பட்ட உண்மை. அவ்வாறு தெரியாமல் இருக்க விஞ்ஞான அடிப்படையிலான ஒரு காரணமும் இல்லை.

(தேயும்/வளரும்) பிறை ஓரிடத்தில் தெரியுமா என்பதில் - பூமியிலிருந்து பார்க்கும்போது சந்திரன், சூரியனை விட்டு எவ்வளவு தூரம் விலகியுள்ளது (ELONGATION) என்பதே முக்கியம். DANJON LIMIT எனப்படும் சுமார் 7 டிகிரி அளவுக்கு மேல் - ELONGATION இருந்தால், தேயும் பிறையையோ, வளரும் பிறையையோ - தொலைநோக்கிகள் / வெறுங்கண்கள் கொண்டு காணலாம். இது காலங்காலமாகப் பார்க்கப்பட்டு, ஆவணப்படுத்தப் பட்டுள்ளது.

DANJON LIMIT குறித்த NASA நிறுவன ஆய்வாளர்களின் கட்டுரை:
http://adsabs.harvard.edu/full/1998Obs...118...65F

அமாவாசை தினங்கள் உட்பட பல்வேறு தினங்களில் தேயும் பிறை காணப்பட்ட தகவல் பக்கம்:
http://vjac.free.fr/skyshows/moon/waningcrescent.html

அமாவாசை தினங்கள் உட்பட பல்வேறு தினங்களில் வளரும் பிறை காணப்பட்ட தகவல் பக்கம்:
http://vjac.free.fr/skyshows/moon/waxingcrescent.html

பிப்ரவரி 03, 2011 அமாவாசை அன்று பிறை காணப்பட்ட செய்தி:
http://www.astropix.com/HTML/Planetary/Young_Moon_20110203.HTM

ஜனவரி 01, 2014 அமாவாசை அன்று அமெரிக்காவில் பிறை காணப்பட்ட செய்தி:
http://www.universetoday.com/107700/ultra-thin-young-crescent-moon-sighted-from-u-s-southwest/


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
5. Re:...
posted by MOUVLAVI S.MOHAMMED KADAFI M.I.Sc (Rameswaram) [31 January 2014]
IP: 117.*.*.* India | Comment Reference Number: 32892

காயல்பட்டினம் இணையதளத்தின் இந்த விமர்சனத்தின் உண்மை நிலையை தயவுகூர்ந்து உன்னிப்பாக அறிந்துகொள்ள வேண்டுகிறோம்.

1. அமாவாசை என்று மக்கள் புரிந்துள்ள மேற்படி புவிமைய சங்கமம் (Geocentric Conjunction) நாளில் தேய்பிறையோ அல்லது வளர்பிறையோ பொதுவாக அனைத்து உலகநாடுகளிலும் ஒவ்வொருமாதமும் புறக்கண்களுக்குத் தெரிகிறதா என்று கேட்கிறோம்.

2. மேற்படி புவிமைய சங்கமம் நாளில் தேய்பிறையோ அல்லது வளர்பிறையோ ஆஸ்திரேலியாவுக்கு கிழக்கு என்று சொல்லும் அப்பகுதியிலோ, அமெரிக்காவிற்கு மேற்கு என்ற அந்தப் பகுதியிலோ ஒவ்வொரு மாதமும் தெரிகிறதா?

3. புவிமைய சங்கமம் நாளில் சரி ஆஸ்திரேலியாவுக்கு கிழக்கு என்று சொல்லும் அப்பகுதியில் அரிதாக சில மாதங்களில் மட்டும் தெரியும் வாய்ப்பு உள்ளது என்று கூறும் அப்பிறையை முஸ்லிம்கள் புறக்கண்களால் பார்த்ததாக சாட்சிகள் உள்ளதா? அந்த அரிதான மாதங்களில், அவ்வாறு அரிதாக தென்படுவதாகக் கூறும் அப்பிறை சாதாரணமாக புறக்கண்களால் பார்க்கப்படுகிறதா அல்லது (Telescope, Charge-Coupled Devices (CCDs) image) தொலைநோக்கி கொண்டு புகைப்படம் எடுக்கப்படுகின்றதா?

4. அரிதான ஒரு சம்பவத்தை வைத்துக் கொண்டு ஒட்டுமொத்த முஸ்லிம் உம்மத்தும் அதன் அடிப்படையில்தான் அமல் செய்ய வேண்டும் என்று பொதுவான மார்க்க சட்டம் வகுப்பதற்கு மார்க்க ஆதாரம் என்ன?

5. ஃபஇன் கும்ம அலைக்கும், அதாவது மாதத்தில் இறுதிநாளில் சந்திரனின் ஒளி பூமிக்கு காட்சி தராமல் நிச்சயமாக மறைக்கப்படுமே அந்நாளில் கணக்கிட்டுக் கொள்ளுங்கள் என்று இறைத்தூதர் நபி (ஸல்) அவர்கள் கூறியுள்ளதை வைத்து, முஸ்லிம்கள் முன்னோக்கும் கிப்லாவான கஃபாவிலோ அல்லது சவுதிஅரேபிய தீபகர்ப்பத்திலோ கடந்த 1400 வருடங்களில் புவிமைய சங்கமம் (Geocentric Conjunction) நாளில் தேய்பிறையோ அல்லது வளர்பிறையோ புறக்கண்களுக்குத் தெரிந்துள்ளதா? அவ்வாறு தெரிந்துள்ளதாக அறிவியல் பூர்வமாக நிரூபிக்க முடியுமா?

6. அல்லது இனிவரும் காலங்களிலாவது முஸ்லிம்கள் முன்னோக்கும் கிப்லாவான கஃபாவிலோ, சவுதிஅரேபிய தீபகர்ப்பத்திலோ இவர்கள் வாதம்புரியும் அந்தப் புவிமைய சங்கமம் (Geocentric Conjunction) நாளில் தேய்பிறையோ அல்லது வளர்பிறையோ தெரியும் வாய்ப்புள்ளதா?

மேற்படி கேள்விகளை மாற்றுக் கருத்துடையோரிடம் கேட்டுகேட்டுப் சளித்து விட்டது. மேற்படி கேள்விகளுக்கு இல்லை இல்லை என்பதே அவர்களின் பதிலாகவும் உள்ளது. எனவே 'புவிமைய சங்கமம் (Geocentric Conjunction) நாளில் பிறைபுறக்கண்களுக்குத் தெரியாது என்ற ஹிஜ்ரி கமிட்டியின் கூற்று பொய்யாகவில்லையா' என்ற தொனியில் காயல்பட்டினம் இணையதளம் இனியும் விமர்சனம் செய்தால் அவர்கள் ஹிஜ்ரி கமிட்டியினரை பொய்ப்படுத்திடவில்லை மாறாக அல்லாஹ்வின் தூதர் நபி (ஸல்) அவர்களைத்தான் பொய்ப்படுத்திட முயல்கின்றனர் என்பதையும் அறிந்துகொள்ள வேண்டுகிறோம்.

காயல்பட்டடினம்.காம் அட்மின் அவர்களே, உங்களின் தவறான செய்திக்கு விளக்கமளித்து நேற்றே உங்களுக்கு மெயில் அனுப்பினேன். அதே மெயிலே சுருக்கி வாசகர்களும் படிக்கவேண்டும் என்பதற்காக இங்கு பதிவிடுகிறேன். ஹிஜ்ரி கமிட்டியினாராகிய எங்களிடம் நேரடியாக தொடர்பு கொண்டு சத்தியத்தை விளங்கிக் கொள்ள முயற்சி செய்யுங்கள். டெலஸ்கோப் போட்டோ பிறைகளை வெளியிட்டு புறக்கண்களால் பார்க்கப்பட்டதாக பிரம்மையை ஏற்படுத்த வேண்டாம். மக்களைக் குழப்பவேண்டாம்.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
6. Re:...
posted by Movlavi Mohammed Zubair Firdowsi (Eruvadi) [31 January 2014]
IP: 117.*.*.* India | Comment Reference Number: 32894

சகோதரர் ஸாலிஹ் அவர்களுக்கு அஸ்லாமு அலைக்கும்.

மேற்படி செய்தியின் உண்மை நிலை பற்றிய எனது கமெண்ட்டிற்கு நீங்கள் பதில் எழுதியுள்ளீர்கள். நீங்கள்தான் இந்த இணையதளத்தின் ஆசிரியரா? இந்தக் கட்டுரையை பிற்கால பதிவுக்காக நீங்கள்தான் வெளியிட்டீர்களோ?

அமாவாசை அன்று பிறையை சர்வசாதாரணமாக புறக்கண்களால் பொதுவாகக் காணலாம் என்பது தவறான செய்தியாகும். உங்கள் பதிவில் DANJON Limit பற்றி குறிப்பிட்டுள்ளீர்கள். வெற்றுத் தத்துவங்களும், அனுமானங்களும் மார்க்க ஆதாரமாகாது. கருதுகோள்கள் காலத்தால் மாறுபடுபவை.

சில தொலைநோக்கி மூலம் எடுக்கப்பட்ட போட்டோக்களையும் குறிப்பிட்டுள்ளீர்கள். தொலை நோக்கிகள் மூலம் பிறையை பார்ப்பதும், புறக்கண்களால் பிறையை பார்ப்பதும் ஒன்றே என்பது உங்கள் இணையதளத்தின் நிலைப்பாடு என்றால் அதை முதலில் மக்களுக்குத் தெளிவு படுத்துங்கள்.

இஸ்லாமிய மார்க்கத்தின் அடிப்படை அறிவும், பிறைகள் பற்றிய ஞானமும் அற்றவர்களின் தகவல்களை நம்புவதை முதலில் நீங்கள் கைவிடுங்கள். குர்ஆன் சுன்னா கூறும் நிரூபிக்கப்பட்ட விஞ்ஞான உண்மையை நோக்கி உங்களின் பயணத்தை துவங்க முயலுமாறு உங்களுக்கு அழைப்பு விடுக்கிறேன்.

நீங்கள்தான் இந்த இணையதளத்தை நடத்துபவராக இருந்தால், நீங்கள் எழுதியுள்ள வரிகளை கொஞ்சம் படியுங்கள். //காலை, மதியம், இரவு என ஒரு குறிப்பிட்ட நேரத்தில் அமாவாசை நிகழ்வது இல்லை என்பதை இதன்மூலம் அறியலாம்.// என்று எழுதியுள்ளீர்கள். ஒவ்வொரு மாதமும் அமாவாசை நடைபெறும் பகுதியின் நேரம் நன்பகலாகத்தான் இருக்கும் என்ற விஞ்ஞான உண்மையை மறைத்துள்ளீர்களா? மறந்துள்ளீர்களா? அல்லது அதுபற்றிய ஞானம் உங்களுக்கில்லையா?

அமாவாசை நிகழ்வை அறிவியில் ஆய்வாளர்கள் உலக நேரத்தில் குறிப்பிடுகையில் அதை அவரவர்களின் லோக்கல் நேரத்திற்கு (Local Time) மாற்றி அமைத்து நீங்களும் குழம்பி மற்றவர்களையும் குழப்புவது ஏன்?

ஜூம்ஆ தொழுகையை அமெரிக்க மக்கள் வெள்ளிக்கிழமை அன்று அவர்களின் ஜூம்ஆ வக்தில் தொழும் போது ஆஸ்திரேலியா, நியூசிலாந்து போன்ற கிழக்கத்திய நாடுகள் சனிக்கிழமையாக விடிந்து விடும். அதனால் சனிக்கிழமைதான் அமெரிக்க மக்கள் ஜூம்ஆ தொழுகிறார்கள் என்று சொல்வீர்களா?

//நாளை (ஜனவரி 30), இங்கிலாந்து நேரப்படி இரவு 09:38 மணியளவில், அமாவாசை நிகழ்கிறது. நாளை அதிகாலை, சூரியன் உதயத்திற்கு முன்னர், இந்தியா, இலங்கை, சிங்கப்பூர், மலேசியா, ஹாங்காங் உட்பட தென்கிழக்கு ஆசிய பகுதிகளில் - தேயும் பிறையைக் காணலாம்.// என்றும் எழுதியுள்ளீர்கள். நீங்கள் கூறியுள்ளபடி அமாவாசை அன்று தேய்பிறை (Waning Crescent) புறக்கண்களுக்கு எங்கும் தென்படவில்லை. எனவே உங்களின் கணிப்பு தவறு என 100% நிரூபனமாகி விட்டது. இதை நீங்கள் பகிரங்கமாக ஒப்புக்கொள்ள வெட்கப்படுவதேன்?

குர்ஆன் சுன்னா ஒளியில் பிறைகளைப் பற்றிய விஞ்ஞான உண்மைகளைத் துல்லியமாக அறிந்து கொள்ள ஹிஜ்ரி கமிட்டி உங்களையும் அழைக்கிறது.

பிராத்தனைகளுடன்....
முஹம்மது ஜுபைர். முஹம்மதி.., பிர்தௌஸி.

Contact me at:
Muhammed Zubair.
Address : 160/101. North Main Road,
Eruvadi. Tamil Nadu (INDIA).
PIN : 627103.
Mbl : 0091 9500 794 544.
Visit : www.mooncalendar.in


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
7. Re:...
posted by Salih (Chennai) [01 February 2014]
IP: 122.*.*.* India | Comment Reference Number: 32903

சகோதரர்கள் மௌலவி எஸ்.முஹம்மத் கடாபி மற்றும் மௌலவி முஹம்மத் ஜுபைர் பிர்தௌசி ஆகியோருக்கு அஸ்ஸலாமு அலைக்கும்,

எந்த ஒரு அமைப்பின் சித்தாந்தம் குறித்த செய்தி இது அல்ல. எனவே - ஹிஜ்ரி குழு கொள்கைகள் அடிப்படையிலான தங்கள் வினாக்களுக்கும், கருத்துக்களுக்கும் பதில் வழங்க இன்று இது ஏற்ற தளம் அல்ல.

அமாவாசை நாள் என்று கூறப்படும் அன்று, உலகின் பல பகுதிகளில், தேயும் பிறையையோ அல்லது வளரும் பிறையையோ காண முடியுமா என்ற கேள்வி குறித்த செய்தி தான் இது. எனவே இது குறித்த எனது கருத்தையும் அந்த வரம்புக்குள் முடித்து கொள்கிறேன்.

அமாவாசை அன்று, அது ஏற்படும் நேரம் அடிப்படையில், தேயும் பிறையையோ, வளரும் பிறையையோ -

CCD கேமரா மூலமும்,
தொலைநோக்கி மூலமும்,
இருகண்நோக்கி மூலமும்,
வெறுங்கண்கொண்டும்

காணலாம் என்பது உலகின் அனைத்து வானியல் வல்லுனர்களால் ஏற்றுக்கொள்ளப்படும் உண்மை.

அவ்வாறு காணமுடியும் என்பதற்கான புகைப்பட சாட்சிகள் கீழே:

(1) CCD கேமரா மூலம் பார்க்கலாம்
http://vjac.free.fr/skyshows/moon/wanc/2008nov27_wanc.html

(2) தொலைநோக்கி (Telescope) மூலம் பார்க்கலாம்
http://icoproject.org/icop/shw34.html
http://kayalpatnam.com/newsimg/291201464619.jpg

(3) இருகண்நோக்கி (Binoculars) மூலம் பார்க்கலாம்
http://www.universetoday.com/107700/ultra-thin-young-crescent-moon-sighted-from-u-s-southwest/

(4) வெறுங்கண்கொண்டும் பார்க்கலாம்
http://icoproject.org/icop/rat35.html
http://kayalpatnam.com/newsimg/12201411966.jpg


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்
ட்விட்டர் வழி கருத்துக்கள்

பிற செய்திகள்

காயல்பட்டணம்.காம் இணையதள பக்கங்கள் தமிழ் வழி தேடல்
செய்திகள் ஆங்கில வழி (TAG) தேடல்
குறியீடு எண்கள் (ID #) வழி தேடல்
தேதி வாரியாக செய்தி தேட இங்கு சொடுக்கவும்
Advertisement
Cathedral Road LKS Gold ParadiseFathima Jewellers
AKM JewellersFaams

>> Go to Homepage
செய்திகள்
அண்மைச் செய்திகள்
அதிகம் வாசிக்கப்பட்டவை
அதிகம் கருத்து கூறப்பட்டவை
பரிந்துரைக்கப்பட்டவை
இந்த நாள், அந்த ஆண்டு
நீங்கள் படிக்காதவை
செய்திகளை தேட
தலையங்கம்
அண்மைத் தலையங்கம்
பிற தலையங்கங்கள்

ஆக்கங்கள்
எழுத்து மேடை
சிறப்புக் கட்டுரைகள்
இலக்கியம்
மருத்துவக் கட்டுரைகள்
ஊடகப்பார்வை
சட்டம்
பேசும் படம்
காயல் வரலாறு
ஆண்டுகள் 15
வாசகர் கருத்துக்கள்
செய்திகள் குறித்த கருத்துக்கள்
தலையங்கம் குறித்த கருத்துக்கள்
எழுத்து மேடை குறித்த கருத்துக்கள்
சிறப்புக் கட்டுரைகள் குறித்த கருத்துக்கள்
கவிதைகள் குறித்த கருத்துக்கள்
இணையதள கருத்தாளர்கள்
புள்ளிவிபரம்
சிறப்புப் பக்கங்கள்
புதிய வரவுகள்
நகர்மன்றம்
வீடு, மனை விற்பனை தொழில் (REAL ESTATE)
குடிநீர் திட்டம்
ரயில்களின் தற்போதைய நிலை
ரேஷன் கடைகளில் பொருள்களின் நிலை

EDUCATION
பள்ளிக்கூட கட்டணங்கள்
HSC Results (Since 2007)
Comparative Analysis
Best School Award Rankings
Centum Schools
1000 or above Students
12th Standard Timetable
10th Standard Timetable
தகவல் மையம்
காயல்பட்டினம் தொழுகை நேரங்கள்
சூரிய உதயம் / மறைவு கணக்கிட
சந்திர உதயம் / மறைவு கணக்கிட
ஆபரணச் சந்தை
அரசு விடுமுறை நாட்கள்
நிகழ்வுகள் பக்கம்
தமிழக அமைச்சரவை
காயல்பட்டினம் வாக்காளர் பட்டியல்
Hijri Calendar
Government
OTHER SERVICES
Email Service
Mobile Version
On Twitter
ADVERTISE HERE
Website Traffic
What are GoogleAds?
Advertisement Tariff
ABOUT US
Suggestions
Credits
KOTW Over The Years
About KFT
Recommend This Site
Kayal on the Web is one of several websites managed by The Kayal First Trust, a charitable organisation based in Kayalpatnam, Tuticorin District, Tamil Nadu, INDIA. By accessing and using this website, you are assumed to have read the Terms of service - governing this Website.
Designed for The Kayal First Trust by NetGross

© 1998-2022. The Kayal First Trust. All Rights Reserved