Kayal on the Web

செய்திகள்

செய்தி எண் (ID #) 12817

#KOTW12817

ஞாயிறு, ஐனவரி 19, 2014

5 வயதுக்குட்பட்ட குழந்தைகளுக்கு போலியோ தடுப்பு சொட்டு மருந்து புகட்டல்! நகர்மன்றத் தலைவர் துவக்கி வைத்தார்!!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 3681 முறை பார்க்கப்பட்டுள்ளது | வாசகர் கருத்துக்கள் காண (6) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் நகரில், அரசு பொது மருத்துவமனை, சத்துணவு மையங்கள், அங்கன்வாடி பள்ளிகள் மற்றும் பொதுநல அமைப்புகளின் வளாகத்தில் இன்று காலை 07.00 மணியளவில், தமிழக அரசின் அறிவிப்பின்படி - 5 வயதுக்குட்பட்ட குழந்தைகளுக்கு, போலியோ - இளம்பிள்ளைவாத தடுப்பு சொட்டு மருந்து புகட்டப்பட்டது.

காயல்பட்டினம் அரசு மருத்துவமனையில், இன்று காலை 07.00 மணியளவில் - நகர்மன்றத் தலைவர் ஐ.ஆபிதா ஷேக் குழந்தைகளுக்கு சொட்டு மருந்து புகட்டி, முகாமைத் துவக்கி வைத்தார்.

அரசு மருத்துவமனை நிலைய மருத்துவர் கே.ஜஃப்ரீ, காயல்பட்டினம் நகர்மன்ற உறுப்பினர்களான எம்.எஸ்.எம்.ஷம்சுத்தீன், ஏ.பாக்கியஷீலா, கே.ஜமால், எஸ்.ஏ.சாமு ஷிஹாபுத்தீன் ஆகியோரும் குழந்தைகளுக்கு சொட்டு மருந்து புகட்டினர்.

காயல்பட்டினம் அரசு மருத்துவமனை,
ரஃப்யாஸ் ரோஸரி மழலையர் பள்ளி,
இரத்தினபுரி சத்துணவுக் கூடம்,
கீழ லெட்சுமிபுரம் துணை சுகாதார நிலையம்,
துளிர் பள்ளி பழைய கட்டிடம்,

பெரிய சதுக்கை (அல்அமீன் இளைஞர் நற்பணி மன்றம்),
பெரிய பள்ளி வளாகம் (காயிதேமில்லத் இளைஞர் சமூக அமைப்பு),
கடையக்குடி சத்துணவுக்கூடம்,
கற்புடையார்பள்ளி வட்டம் தேவாலயம்,
அப்பாபள்ளி சதுக்கை,

இளைஞர் ஐக்கிய முன்னணி,
தீவுத்தெரு ஊராட்சி ஒன்றிய துவக்கப்பள்ளி,
கோமான் மேலத் தெரு பெண்கள் தைக்கா,
ஓடக்கரை சத்துணவு மையம்,
எல்.கே.மேனிலைப்பள்ளி,
அலியார் தெரு ஊராட்சி ஒன்றிய துவக்கப்பள்ளி
ஆகிய 14 முகாம்களில் 5 வயதுக்குட்பட்ட 3173 குழந்தைகளுக்கு போலியோ சொட்டு மருந்து புகட்டப்பட்டது.

இதர காட்சிகள் வருமாறு:-

கள உதவி:
ஹிஜாஸ் மைந்தன்

படங்களில் உதவி:
A.K.இம்ரான்

கடந்தாண்டு காயல்பட்டினத்தில் நடைபெற்ற போலியோ - இளம்பிள்ளைவாத தடுப்பு சொட்டு மருந்து புகட்டும் முகாம் குறித்த செய்தியைக் காண இங்கே சொடுக்குக!

[செய்தி திருத்தப்பட்டது @ 08:39 / 25.01.2014]

{TAGS} pulse polio 2014 polio vaccination camp 2014 polio drops 2014 polio immunization camp 2014

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Re:...
posted by சாளை S.I.ஜியாவுத்தீன் (அல்கோபார்) [19 January 2014]
IP: 77.*.*.*

Saudi Arabia | Comment Reference Number: 32583

பளிச் என்ற புகைப்படங்கள், முகாம் நடந்த பரவலாக அனைத்து இடங்களையும் தொகுத்து தந்து இருக்கின்றார், நண்பன் ரபீக் அவர்கள். நன்றிகள்.

இந்த சொட்டு மருந்தை, குழந்தைகளின் நாக்குக்கு அடியில் தான் ஒரு சொட்டு விடனும். குழந்தைகள் அதை சப்பு கொட்டி, உமிழ் நீருடன் கலந்து விழுங்கினால் தான், இந்த மருந்தினால் பிரயோஜனம் கிடைக்கும்.

இந்த விசயங்களை சொட்டு மருந்து கொடுக்கும் பெரிவர்களுக்கு சொல்லிக்கொடுக்கின்றார்களா? என்று தெரியவில்லை. போட்டோ விற்கு போஸ் கொடுக்கின்றேன் என்று புளிச்ச் என்று மருந்தை வாயிலும், முகத்திலும் பீச்சி விடுவதும் சம்பவங்களும் நடந்துள்ளன.

போலியோ இல்லாத நாடாக நம் நாடு திகழ பிராத்திக்கின்றேன்.

இந்த புகைப்படங்களில் கூடுதல் சந்தோசம், நம் ஊர் மருத்துவர் கே.ஜஃப்ரீ அவர்களை கண்டத்தில்.

சாளை S.I.ஜியாவுத்தீன், அல்கோபார்