|
தீபாவளியை முன்னிட்டு, காயல்பட்டினம் கடற்கரையில், இம்மாதம் 02, 03ஆம் தேதிகளில் (நேற்றும், நேற்று முன்தினமும்) மாலை வேளையில் மக்கள் திரள் அதிகளவில் காணப்பட்டது.
02ஆம் தேதி சனிக்கிழமையன்று கடற்கரையில் பொழுதுபோக்கிக் கொண்டிருந்த - பேயன்விளை பகுதியைச் சேர்ந்த ஒரு பெண்ணிடம் சில இளைஞர்கள் குடி போதையில் தகராறு செய்ததாகக் கூறப்படுகிறது. அப்பெண்ணுடன் இருந்த அவர் குடும்பத்தைச் சேர்ந்த ஆண் தடுக்க முயன்றபோது - இரு சாராருக்கிடையிலும் கைகலப்பு ஏற்பட்டுள்ளதாகத் தெரிகிறது. அதனைத் தொடர்ந்து, கடற்கரையில் ஆங்காங்கே கூட்டங்கூட்டமாக அமர்ந்திருந்த அனைவரும் ஓரிடத்தில் திரளத் துவங்கினர்.
இது இரு சமூகங்களுக்கிடையில் விரும்பத்தகாத நிகழ்வுகளை ஏற்படுத்திவிடும் என்றஞ்சிய சமூக ஆர்வலர்கள் சிலர் உடனடியாக ஆறுமுகநேரி காவல்துறைக்குத் தொடர்புகொள்ளவே, அடுத்த சில நிமிடங்களில் அங்கு வந்த காவல்துறையினர், இப்பிரச்சினையில் தொடர்புடைய காயல்பட்டினம் சுலைமான் நகர் (மாட்டுக்குளம்) பகுதியைச் சேர்ந்த ஹனீஃபா என்ற இளைஞரைக் கைது செய்து அழைத்துச் சென்றனர். அதனைத் தொடர்ந்து, கூட்டம் களைந்து சென்றது.
 |
Hong Kong
India
United Arab Emirates
Saudi Arabia
