Kayal on the Web

செய்திகள்

செய்தி எண் (ID #) 9410

#KOTW9410

வெள்ளி, அக்டோபர் 19, 2012

சட்டமன்ற உறுப்பினர் தொகுதி மேம்பாடு திட்டம் கீழ் - காயல்பட்டினத்தில் சாலை பணிகளுக்கு டெண்டர் அறிவிப்பு!

செய்தி: காயல்பட்டணம்.காம்
இந்த பக்கம் 2282 முறை பார்க்கப்பட்டுள்ளது | வாசகர் கருத்துக்கள் காண (3) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

1997 ஆம் ஆண்டு முதல் தமிழகத்தில் சட்டமன்ற உறுப்பினர் தொகுதி மேம்பாடு திட்டம் (MEMBER OF LEGISLATIVE ASSEMBLY - CONSTITUENCY DEVELOPMENT SCHEME) அமலில் உள்ளது. இத்திட்டப்படி - தமிழக சட்டப்பேரவைக்கு தேர்வு செய்யப்படும் 234 உறுப்பினர்களும் அவர்கள் தொகுதியில் மேற்கொள்ளப்பட வேண்டிய பணிகளுக்கு நிதி ஒதுக்கலாம். எந்தெந்த பணிகள் என்பதை சட்டமன்ற உறுப்பினரே தேர்வு செய்யலாம்.

இவ்வாண்டு - இந்த திட்டத்தின் கீழ் அனுமதிக்கப்பட்ட, அனுமதிக்கப்படாத - திட்டங்கள் குறித்த விபரங்கள் காண - இங்கு அழுத்தவும்

துவக்கத்தில் ஒவ்வொரு உறுப்பினருக்கும் - ஆண்டு ஒன்றிற்கு 25 லட்சம் ரூபாய் ஒதுக்கப்பட்டது. தற்போது அது படிப்படியாக உயர்ததப்பட்டு - ஆண்டு ஒன்றிற்கு - ரூபாய் 2 கோடி ஒதுக்கப்படுகிறது. அனுமதிக்கப்பட்ட பணிகள் என்றும், அனுமதிக்கப்படாத பணிகள் என்றும் அரசு சில வழிமுறைகளை வகுத்துள்ளது.

திருச்செந்தூர் சட்டமன்ற தொகுதி உறுப்பினரான தி.மு.க. உறுப்பினர் அனிதா ராதாகிருஷ்ணனின் 2012 - 13 நிதி மூலம் - காயல்பட்டினத்தில், மூன்று இடங்களில் சாலை பணிகள் மேற்கொள்ளப்படவுள்ளன. 21 லட்ச ரூபாய் மதிப்பிலான இந்த பணிகளுக்கான ஒப்பந்தப்புள்ளிகள் கோரி - இன்று நாளிதழில் விளம்பரம் வெளியாகியுள்ளது.

தேர்வு செய்யப்பட்டுள்ள மூன்று இடங்கள் வருமாறு:

1. 18 வது வார்டு மஹ்லரா காலனியில் தார்சாலை அமைத்தல் (9 லட்ச ரூபாய்)

2. 9 வது வார்டு அப்பாபள்ளி தெருவில் தார்சாலை அமைத்தல் (9 லட்ச ரூபாய்)

3. 12 வது வார்டு ஓடக்கரை தெருவில் சிமென்ட் சாலை அமைத்தல் (3 லட்ச ரூபாய்)

ஒப்பந்தப்புள்ளிகள் அட்டவணை - நவம்பர் 6 வரை வழங்கப்படும் என்றும், நவம்பர் 7 அன்று பிற்பகல் 3 மணிக்கும் ஒப்பந்தப்புள்ளிகள் சமர்ப்பிக்கப்படவேண்டும் என்றும், அதே தினத்தில் - பிற்பகல் 3:30 மணி அளவில், ஒப்பந்தப்புள்ளிகள் திறக்கப்படும் என்றும் அறிவிக்கப்பட்டுள்ளது.

தகவல்:
அப்துல் மாலிக்,
மாஸ்டர் கம்ப்யூட்டர் அகாடமி.

[செய்தி திருத்தப்பட்டது @ 19.10.2012/20:00]

{TAGS} mla mlacds constitudency development scheme road bitumen cement anitha radhakrishnan dmk

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Re:...
posted by mackie noohuthambi (kayalpatnam) [19 October 2012]
IP: 117.*.*.*

India | Comment Reference Number: 22914

சாலை அமைக்கிற விஷயம் நகரமன்ற செலவில் வராதா?சட்டமன்ற உறுப்பினர் வேறு மக்கள் நலத்திட்டங்களுக்கு அதை பயன்படுத்தலாமே? என்ன விதிமுறை என்று தெரியவில்லையே.

நகர் மன்றத்துக்கு வரும் வருட வருமானம் எவ்வளவு. அவற்றை நகர்மன்றம் எப்படி செலவிடுகிறது என்ற தெளிவான குறிப்புகள் இந்த இணைய தளத்தில் வெளியிடப்பட்டால் மக்கள் புரிந்து கொள்வார்களே,

ஆமா, நமதூரில் நடக்கும் கல்யாணங்கள், பிறப்பு இறப்பு என்ற எல்லா நிகழ்சிகளிலும் தவறாது கலந்து கொள்ளும் அனிதா அவர்களை இப்போது ஊரில் காண முடியவில்லையே, எங்கே இருக்கிறார்கள், என்ன நடக்கிறது, அறிய தாருங்கள்.,

Administrator: இவ்வாண்டு - இந்த திட்டத்தின் கீழ் அனுமதிக்கப்பட்ட, அனுமதிக்கப்படாத - திட்டங்கள் குறித்த விபரங்கள் காண - இங்கு அழுத்தவும்

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. Re:...அடேயப்பா ........
posted by mackie noohuthambi (kayalpatnam) [20 October 2012]
IP: 117.*.*.*

India | Comment Reference Number: 22918

மிக்க நன்றி, எவ்வளவு விஷயம் இருக்கிறது. எவ்வளவு பேருக்கு இது தெரியும். விலாவாரியாக அரசு ஆணையை சிரமம்பாராது, எனது வேண்டுகோளை பெரிதாக மதித்து இங்கு தொகுத்து தந்த மருமகன் ஸாலிஹ் அவர்களுக்கு நன்றி. நமது நகர்மன்றத்தில் நீங்களும் உறுப்பினராக இருந்தால் எவ்வளவு பிரயோஜனமாக இருக்கும். அந்த நாள் வெகு தூரத்தில் இல்லை. அல்லாஹ் கபூல் செய்வானாக.

ஒதுக்கீட்டில் கண்ட படி பூங்காக்கள்., பொது கழிப்பிடங்கள் நமதூருக்கு போதாது. அந்த பணியையும் செய்யலாம். தெருக்கள் சீரமைப்பு விஷயத்தில், தற்போது ஒரு வழிப்பாதையாக அமைந்துள்ள நெசவு தெருவுக்கு முன் உரிமை கொடுக்கவேண்டும். அவர்களுக்கு வாக்களித்தபடி நல்ல சாலை வசதிகள் செய்து கொடுக்கவேண்டும்.என்பதை இந்த நேரத்தில் நகரமன்ற தலைவி அவர்களுக்கு இதன் மூலம் ஞாபகபடுத்திகொள்கிறேன்..

தெரு விளக்குகள் சரியாக எரிவதில்லை. சில இடங்களில் தேவை இல்லாமல் எரிகிறது. குறிப்பாக எங்கள் புதுக்கடை தெருவில் மெயின் ரோட்டில் உள்ள தெரு விளக்கு சுமார் ஒரு மாதமாக எரியவில்லை. போனுக்கு மேல் போன் போட்டு தலைவியிடமும், வார்டு உறுப்பினர் அவர்களிடமும் சொல்லிவிட்டேன் ஒன்றும் நடக்கவில்லை. மின்சார சபைக்கும் நகர்மன்றதுக்கும் இடையில் பனிப்போர் நடப்பதாக தெரிகிறது. இதையும் அவசியம் கவனிக்க வேண்டுமாய் கேட்டு கொள்கிறேன்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. Re:...
posted by சாளை S.I.ஜியாவுத்தீன் (அல்கோபார்) [20 October 2012]
IP: 2.*.*.*

Saudi Arabia | Comment Reference Number: 22921

அப்பாடா... எங்கள் மஹ்லரா நகருக்கு விடிவு காலம் வரப்போகிறதாக்கும். அல்ஹம்து லில்லாஹ்.

இதற்க்கு முயற்ச்சி செய்த அனைவர்களுக்கும், MLA அண்ணாச்சி அவர்களுக்கும் நன்றிகள்.

* இனி பைக்கை மண்ணில் தள்ளிக்கொண்டு போகாமல், வீடுவரை ஹாயாக செல்லலாம்.

* டயர் பஞ்சர் பார்க்கும் செலவு குறைந்தது.

அப்படியே.. அங்கு கொசுக்களை உற்பத்தி செய்யும் நிலையத்தை கவனியுங்கள். அந்த கழிவு குட்டையை மூடாமல், ஊர் பூராவும் கொசு மருந்துப்புகை அடித்து என்ன பயன்...!!

வித விதமா, ரகம் ரகமா, பலவகை கொசுக்களை எங்கள் ஏரியாவில் காணலாம். ஆராய்ச்சி மாணவர்களே வருக..!! டெங்கு, டொங்கு காய்ச்சல் என்று வந்த பின்பு பாட்டு பாடுறது நல்லது இல்லை.

அப்புறம்.. இந்த நகருக்கு பெயர் தான் மஹ்லரா நகர், ஆனால் அங்கு இருக்கும் தெருக்களின் பெயர் "முத்தாரம்மன் கோயில் தெரு", "சேது ராஜா தெரு".

ஊர் பெரியதாகி பல பல வருடங்கள் ஆகிவிட்டன. குத்துக்கல் தெரு கடைசியில் ஆரம்பித்து, கோமான் தெரு ஆரம்பம் வரை இருக்கும் பல தெருக்களின் பெயர்கள் இந்த இரு பெயர்கள் தான். கொஞ்சம் கவனத்தில் வையுங்கள்.

சாளை S.I.ஜியாவுத்தீன், அல்கோபார்

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்