Kayal on the Web

செய்திகள்

செய்தி எண் (ID #) 7260

#KOTW7260

புதன், செப்டம்பர் 21, 2011

இரண்டு கட்டமாக உள்ளாட்சி தேர்தல்கள்! காயல்பட்டின நகராட்சிக்கான தேர்தல் அக்டோபர் 17 அன்று நடைபெறும்!! (செய்தி திருத்தம்)

செய்தி: காயல்பட்டணம்.காம்
இந்த பக்கம் 3726 முறை பார்க்கப்பட்டுள்ளது | வாசகர் கருத்துக்கள் காண (4) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

தமிழகத்தில் உள்ள உள்ளாட்சி மன்றங்களுக்கான தேர்தல் தேதிகள் இன்று இரவு அறிவிக்கப்பட்டன. இதனை சென்னையில் உள்ள தமிழ்நாடு மாநில தேர்தல் ஆணையத்தின் தலைவர் சோ ஐயர் அறிவித்தார்.

தேர்தல்கள் இரண்டு கட்டமாக நடைபெறும். 9 மாநகராட்சிகளுக்கும், 60 நகராட்சிகளுக்கும், 259 பேரூராட்சிகளுக்கும், 191 ஊராட்சி ஒன்றியங்களுக்கும் முதல் கட்டத்தில் 17.10.2011 அன்று வாக்குபதிவு நடைபெறும்.

65 நகராட்சிகளுக்கும், 270 பேரூராட்சிகளுக்கும், 194 ஊராட்சி ஒன்றியங்களுக்கும் இரண்டாம் கட்டத்தில் 19.10.2011 அன்று வாக்குபதிவு நடைபெறும்.

இரண்டாம் நிலை நகராட்சியான காயல்பட்டினம் - அக்டோபர் 17 அன்று தேர்தலை சந்திக்கும். காயல்பட்டின நகர்மன்றத்தில் மொத்தம் 18 வார்டுகள் உள்ளன. மேலும் - நகர்மன்ற தலைவர் நேரடியாக தேர்வுசெய்யப்பட உள்ளார். இம்முறை - நகர்மன்ற தலைமை பெண்களுக்கு ஒதுக்கப்பட்டுள்ளது.

நாளை முதல் (செப்டம்பர் 22) விண்ணப்பங்கள் பெறப்படும். செப்டம்பர் 29 - வேட்பாளர் மனு சமர்ப்பிக்க இறுதி நாள். செப்டம்பர் 30 அன்று - மனுக்கள் பரிசீலிக்கப்படும். மனுக்களை வாபஸ் பெற அக்டோபர் 3 - இறுதி நாள்.

வாக்குகள் எண்ணிக்கை - அக்டோபர் 21 அன்று நடைபெறும். அக்டோபர் 25 அன்று புதிய உள்ளாட்சிகளின் முதல் கூட்டங்கள் நடைபெறும். துணைத்தலைவர் தேர்வு - அக்டோபர் 29 அன்று நடைபெறும்.

திருச்சி மாநகராட்சியுடன் திருவெறும்பூர் பேரூராட்சியை இணைத்தது தொடர்பான அரசாணையை ரத்து செய்து இன்று உயர்நீதி மன்றம் தீர்ப்பு வழங்கியது. அதனை தொடர்ந்தே தேர்தல் தேதி அறிவிக்கப்பட்டுள்ளது. திருச்சி மாநகராட்சிக்கான தேர்தல் பின்னர் நடத்தப்படும் என தெரிகிறது.

மாநகராட்சி/நகராட்சி தேர்தல்கள் மின்னணு வாக்குப்பதிவு இயந்திரங்கள் கொண்டு நடைபெறும்.

[செய்தி திருத்தம்:] காயல்பட்டின நகர்மன்ற தேர்தல் - முதல் கட்டத்தில் - அக்டோபர் 17 அன்று நடைபெறும். ஆரம்ப தகவல்கள் அடிப்படையில் - அக்டோபர் 19 இல் நடைபெறும் என முதலில் செய்தி வெளியிடப்பட்டிருந்தது.

{TAGS} municipality election commission voters election roll

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Re:இரண்டு கட்டமாக உள்ளாட்சி ...
posted by mackie noohuthambi (kayalpatnam) [21 September 2011]
IP: 117.*.*.*

India | Comment Reference Number: 8599

தேர்தல் நாள் அறிவிக்கப்பட்டு விட்டது. இனிமேலும் தாமதிக்காமல் தலைவர், மன்ற உறுப்பினர்களாக வேண்டும் என்று போட்டிபோடுவர்களைவிட அவர்களை தேர்ந்தெடுக்க போட்டிபோடும் இயக்கங்கள் ஒன்றுபடுவதுதான் இப்போது முக்கியமாக தெரிகிறது.

25 திகதிக்குள் நீங்கள் ஒன்றுபட வில்லை என்றால் தயவு செய்து மக்கள் விருப்பம்போல் தேர்வு செய்யவிடுங்கள். சாட்சி காலில் விழுவதைவிட சண்டைக்காரன் காலில் விழுந்து சமாதானமாகி விடலாம். ஐக்கிய பேரவையின் கீழ் அணிசேர தயங்குபவர்களின் நியாயமான உணர்வு புரிகிறது. இன்னும் 25 ஊர் பிரமுகர்களை ஐக்கிய பேரவை தேர்ந்தெடுக்கும் என்ற விவாதம் தேவைதான?

ஜமாஅத்களில் இருவர் பொதுநல அமைப்பில் ஒருவர், தற்போது ஐக்கிய பேரவையில் அங்கம் வகிக்கும் உறுப்பினர்கள் மட்டும் சேர்ந்தாலே 60 -70 பேர் வருமே, இன்னும் 25 சேர்ந்தால் 100kkum மேல் வருமே, காரிய சாத்தியமா என்று யோசித்து எல்லா இயக்கங்களும் ஒன்றுசேர்ந்து யோசித்து நல்ல முடிவுக்கு வாருங்கள்.

ஒற்றுமை எனபது ஒரு வழி பாதை அல்ல. It is a two way traffic

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. உஷார் ...
posted by M Sajith (Dubai) [21 September 2011]
IP: 92.*.*.*

United Arab Emirates | Comment Reference Number: 8600

மஹ்மூத் கக்கா சொன்னது போல ஒரு தலைவியும் ஒரு alternate ம் தேர்ந்தது எடுத்து விண்ணப்பம் செய்ய வேண்டும். (கடைசி நிமிசத்துல வாபஸ் வாங்கிக்கலாம்)

ஏதாவது ஒரு காரணம் சொல்லி விண்ணப்பம் reject ஆனா அப்புறம் கேப்புல வேற யாரவது ஆப்பு வச்சிட போறாங்கோ.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. Re:இரண்டு கட்டமாக உள்ளாட்சி ...
posted by SULAIMAN LEBBAI (RIYADH - S.ARABIA) [21 September 2011]
IP: 94.*.*.*

Saudi Arabia | Comment Reference Number: 8602

இனி நாம் தாமதிக்காமல் அடுத்து நாம் என்ன செய்யவேண்டும் என்பதை நாம் அனைவரும் ஓன்று இணைந்து நல்ல வார்டு உறுப்பினர்களையும் நல்ல நகற்மன்ற தலைவியையும் விரைவில் நம் ஊர் மக்களுக்கு அடையாளம் காட்டுவோம். ஓன்று இணைவோம் வெற்றி பெறுவோம்.

வல்ல அல்லாஹு நம் நல்ல முயற்சிக்கு நமக்கு நல்ல வெற்றியை தருவானாக.ஆமீன்

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

4. Re:இரண்டு கட்டமாக உள்ளாட்சி ...
posted by Fuad (Singapore) [22 September 2011]
IP: 220.*.*.*

Singapore | Comment Reference Number: 8617

தேர்தல் தேதி அறிவிக்கப்பட்டுவிட்டது. இனிமேலும் சுணங்காமல் அனைத்து அரசியல் கட்சி சகோதரர்களும் நமது ஊரின் நன்மையைக்கருதி அனைத்து ஜமாஅத்துகள் மற்றும் பொது சேவை நிறுவனங்களுடன் ஒன்றுபட்டு நல்ல நகரமன்ற தலைவி, உறுப்பினர்களை தேர்வு செய்து நமதூருக்கு மட்டுமில்லாது மற்ற ஊர்களுக்கும் முன் உதாரணமாக நாம் இருப்போம்.

அல்லாஹ் நமக்கு துனைபுரிவானாகவும். ஆமீன்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்