{ முகநூல் கருத்துக்கள்}{ட்விட்டர் கருத்துக்கள்}

சஊதி அரபிய்யா - தம்மாம் காயல் நற்பணி மன்றம் சார்பில், வரும் 16.10.2010 அன்று அனைத்துப் பள்ளி மாணவ-மாணவியர் கலந்துகொள்ளும் கல்வி விழிப்புணர்வு நிகழ்ச்சி நடத்தப்படவுள்ளது.

இந்நிகழ்ச்சி குறித்து, தம்மாம் காயல் நற்பணி மன்றம் வெளியிட்டுள்ள அறிக்கை பின்வருமாறு:-

அன்புள்ள காயல்பட்டினம் நகரின் அனைத்துப் பள்ளி மாணவ-மாணவியருக்கு அஸ்ஸலாமு அலைக்கும்.

இன்றைய உலகில் கல்வி மிகவும் இன்றியமையாத ஒன்றாக உள்ளது. அதுவும் மிகவும் போட்டி நிறைந்த களமாக உள்ள நிலையில், நம் மாணவ மாணவியருக்கு கல்வியில் விழிப்புணர்வையும், ஆர்வத்தையும் ஏற்படுத்தும் வகையில் இன்ஷாஅல்லாஹ் எதிர்வரும் அக்டோபர் மாதம் 16ஆம் தேதி காலை 09.00 மணி முதல் 12.00 மணி வரை நமதூர் ஜலாலிய்யா நிக்காஹ் மஜ்லிஸில் வைத்து தம்மாம் காயல் நற்பணி மன்றம் சார்பில் மாபெரும் கல்வி விழிப்புணர்வு நிகழ்ச்சி நடத்த ஏற்பாடு செய்யப்பட்டுள்ளது.

நம் மாணவர்கள் தமது தாழ்வு மனப்பான்மையைத் தகர்த்தெறிந்து, தன்னம்பிக்கையோடு தலைநிமிர ஓர் அரிய வாய்ப்பு!

கல்வியில் கடைநிலையிலிருக்கும் நம் சமுதாயத்து மாணவர்களிடையே கல்வித்தாகத்தை ஏற்படுத்தும் அரியதோர் நிகழ்ச்சி!!

கல்வி மேல் உள்ள அலட்சியப் போக்கை மாற்றியமைக்கும் அற்புத கருத்தரங்கம்!!!

படிப்பில் ஆர்வமில்லாதவர்களைப் படிக்கத் தூண்டி மேற்படிப்புக்கு வழிகாட்டும் நிகழ்ச்சி!!!!

சாமான்ய மாணவர்களையும் தன்னம்பிக்கையுடன் சாதிக்கத் தூண்டும் நிகழ்ச்சி!!!!!

நம் மாணவர்களின் திறமை, ஆர்வம், மனநிலை மற்றும் பொருளாதாரப் பின்னணிகளுக்கேற்ப மேற்படிப்புகள் குறித்த தெளிவான விளக்கம்!!!!!!

“சிறகுகளை விரியுங்கள்"

(வெண்பட விளக்கங்களுடன்.... உங்களைத் தேடி....)

நிகழ்ச்சி தொகுப்பாளர்: முனைவர் S. ஆபிதீன் அவர்கள்
(பேராசிரியர் , Dr.Zakir Hussain College, Ilayangudi)

மற்றும்

ஆசிரியர் அபுதாகிர் அவர்கள்

இந்த நிகழ்ச்சியில் 10ஆம் வகுப்பு, 11ஆம் வகுப்பு, 12ஆம் வகுப்பு படிக்கும் காயல்பட்டினத்தின் அனைத்துப் பள்ளி மாணவ மாணவியர் மற்றும் அனைத்துப் பள்ளி ஆசிரியர்களும் கலந்து கொள்ளுமாறு அன்புடன் கேட்டுக்கொள்கிறோம். பெண்களுக்கு தனி இட வசதி செய்யப்பட்டுள்ளது.

கீழ்க்கண்ட வினாக்களுக்கு சரியான பதில் எழுதி நிகழ்ச்சிக்கு வரும் போது கையோடு கொண்டு வந்து பெட்டியில் போடுபவர்களில் 10 பேர் தேர்ந்தெடுக்கப்பட்டு, வெகுமதியான பரிசுகள் வழங்கப்படும்.

(1) To get into which institutions, JEE test is held ?
(a) IITs (b) IIMs (c) Anna University

(2) To get into which institutions, CAT examination is held ?
(a) IITs (b) IIMs (c) Anna University

(3) To join NITs, you will be taking which of the following tests?
(a) GRE (b) AIPMT (c) AIEEE

After my plus two exams, I want to become (in less than 100 words)
..........................................................................................................
..........................................................................................................
..........................................................................................................
..........................................................................................................
..........................................................................................................

இவ்வாறு அந்த அறிக்கையில் தெரிவிக்கப்பட்டுள்ளது.

தகவல்:-
தம்மாம் காயல் நற்பணி மன்றம் சார்பாக,
செய்யித் ஹஸன்,
தம்மாம், சஊதி அரபிய்யா.