Kayal on the Web

செய்திகள்

செய்தி எண் (ID #) 19284

#KOTW19284

திங்கள், ஜுன் 12, 2017

மூத்த சகோதரி இறந்த அதிர்ச்சியில் தங்கையும் மரணம்! அருகருகே உடல் நல்லடக்கம்!!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 3182 முறை பார்க்கப்பட்டுள்ளது | வாசகர் கருத்துக்கள் காண (5) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினத்தில் மூத்த சகோதரி இறந்த அதிர்ச்சியில், அவரது ஜனாஸாவில் கலந்துகொள்ள வந்திருந்த தங்கையும் திடீரென மரணமடைந்தார். இருவரும் ஒரே இடத்தில் அடக்கம் செய்யப்பட்டுள்ளனர். விரிவான விபரம்:-

காயல்பட்டினம் காட்டு தைக்கா தெருவைச் சேர்ந்த மொகுதூம் முஹம்மத் என்பவரது மனைவி சித்தி ஹுஸைனா. இவர்களுக்கு 2 மகன்கள், 2 மகள்கள் என மொத்தம் 4 மக்கள் உள்ளனர். மகன்கள் இருவருக்கும் திருமணமாகிவிட்டது. சித்தி ஹுஸைனா தனது மகள்களுடன் வசித்து வந்தார். மொகுதூம் முஹம்மத் ஏற்கனவே இறந்துவிட்டார்.

சித்தி ஹுஸைனாவின் உடன்பிறந்த தங்கை ஃபிர்தவ்ஸ் (வயது 55). இவ்விருவரும் அடுத்தடுத்த தெருக்களில் வசித்து வந்ததால், ஒருவருக்கொருவர் ஒத்துழைப்புடனும், ஆறுதலாகவும் இருந்து வந்துள்ளனர்.

சித்தி ஹுஸைனா - உடல்நலக் குறைவு காரணமாக, ஜூன் 11 அன்று நள்ளிரவு 01.00 மணியளவில் மரணமடைந்துவிட்டார். இத்தகவல் கிடைத்ததும் விரைந்து வந்த தங்கை ஃபிர்தவ்ஸ், தனது மூத்த சகோதரியின் உடலைப் பார்த்துக் கதறியழுததுடன், அவரது உடலருகிலேயே கண்ணீர் விட்டபடி சோகத்துடன் அமர்ந்திருந்தார். சித்தி ஹுஸைனாவின் உடல் நல்லடக்கத்திற்கான ஏற்பாடுகள் செய்யப்பட்டுக் கொண்டிருக்க, தங்கை ஃபிர்தவ்ஸ் - 17.00 மணியளவில் தனது வீட்டிற்குச் சென்று வருவதாகக் கூறிச் சென்றுள்ளார்.

வீட்டிற்கு வந்த ஃபிர்தவ்ஸ் திடீரென மயங்கி விழுந்துள்ளார். இதைக் கண்ணுற்ற அக்கம்பக்கத்தினர் அவரது முகத்தில் தண்ணீர் தெளித்துள்ளனர். ஆனால் அவரிடம் எந்த அசைவுமில்லாததால், அருகிலுள்ள மருத்துவமனைக்குக் கொண்டு சென்றுள்ளனர். அங்கு அவரது உடலைப் பரிசோதித்த மருத்துவர், அவர் ஏற்கனவே இறந்துவிட்டதாகக் கூறினர். இதையடுத்து அவரது உடல் அவரது இல்லத்திற்குக் கொண்டு வரப்பட்டது.

இருவரின் உடல்களும், காயல்பட்டினம் புதுப்பள்ளி மையவாடியில் அடுத்தடுத்து நல்லடக்கம் செய்யப்பட்டுள்ளது. அக்காளும், தங்கையும் அடுத்தடுத்து மரணித்து – அருகருகில் அடக்கம் செய்யப்பட்டது நகரில் சோகத்தை ஏற்படுத்தியுள்ளது.

தகவல் & படங்கள்:
M.H.அப்துல் வாஹித்

{TAGS} wafat death obit obituary sithi husaina firdous sisters death sisters dead at same time akkaalum thangaiyum ore nerathil maranam kaattu thaika street

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Re:...
posted by Shaikna (Abu Dhabi) [12 June 2017]
IP: 83.*.*.*

United Arab Emirates | Comment Reference Number: 45600

It is realy pathetic incidence. But one think it is most example to others how they are understandably lived these sisters together.

We will pray to Almighty that may his soul rest in peace.

Regards
Shaikna Lebbai
Abu Dhabi - UAE

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. Re:...சகோதர பாசம்....நெகிழ வைக்கிறது
posted by mackie noohuthambi (kayalpatnam ) [12 June 2017]
IP: 163.*.*.*

Japan | Comment Reference Number: 45601

அல்லாஹ் இந்த புனித ரமலானில் மறைந்த இந்த சகோதரிகளுக்கு மேலான சுவர்க்க வாழ்வை கொடுத்தருள்வானாக. இருவரின் குடும்பத்தாருக்குக்கும் நல்ல பொறுமையை கொடுத்தருள்வானாக.

இதில் கவனிக்க வேண்டிய முக்கிய செய்தி என்னவென்றால் சகோதரிகள் இருவரும் எவ்வளவு பாசத்துடன் இருந்திருக்கிறார்கள் என்பதுதான். பாசங்கள் நேசங்கள் அருகி வரும் இந்த காலத்தில் அடுத்த வீட்டு துயரங்களை நாம் கண்டுகொள்ளாமல் இருக்கும் இந்த காலத்தில் இப்படி ஒரு சம்பவம் நடந்திருப்பது உள்ளத்தை நெகிழ வைக்கிறது கதைகளில்தான் இப்படி படித்திருக்கிறோம் ஆனால் இது கதையல்ல நிஜம் என்பது நமதூரிலேயே நிதர்சனமாக தெரிய வந்திருக்கிறது.

ஒவ்வொரு இளைய சகோதரியும் மூத்த பெண்ணுக்கு அல்லது மூத்த பையனுக்கு தாய் என்று ஒரு பழமொழி சொல்வார்கள். அது இவர்கள் விஷயத்தில் எவ்வளவு உண்மை.

யா அல்லாஹ் இப்படி நேசமும் பாசமும் மிக்க சகோதரிகளாக எங்களது எல்லாக் குடும்பத்தில் உள்ள பெண்களும் திகழ இந்த ரமளானின் பொருட்டால் நீ அருள்புரிவாயாக. எங்கள் சகோதரிகள் எங்களுக்கு தாய் போல் இருந்து எங்களுக்கு கண்குளிர்ச்சியையும் உள்ளத்தில் நிம்மதியையும் தந்து ஒருவருக்கொருவர் தெரிந்தோ தெரியாமலோ செய்யும் தவறுகளை அவர்களுக்குள்ளே மன்னித்து சகோதர பாசத்தை எல்லோரும் உணர்ந்து செயல்பட தௌபீக் செய்வாயாக ஆமீன்

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. Re:...
posted by THAJUL ANAM (MADINAH MUNAWARA) [13 June 2017]
IP: 5.*.*.*

Europe | Comment Reference Number: 45602

இன்னா லில்லாஹி வ இன்னா இலைஹி ராஜிஹூன்

எல்லாம் வல்ல அல்லாஹ், மர்ஹூமா அவர்களின் நற்செயல்களை ஏற்றும், பாவப் பிழைகளை மன்னித்தும், மண்ணறை - மறுமை வாழ்வுகளை ஒளிமயமாக்கி வைத்து மேலான சுவனபதியான ஜன்னதுல் பிர்தௌஸ் எனும் அழகிய பூங்காவில் நபிமார்களுடன் அமரச் செய்வானாகவும் ஆமீன்.

மர்ஹூமா அவர்களின் பிரிவால் துயருற்றிருக்கும் குடும்பத்தினர்கள், உறவினர்களுக்கு இவ்விழப்பைத் தாங்கிடும் சபுரன் ஜமீலா என்னும் பொறுமையை கொடுத்தருள்வானாக - ஆமீன்.

தாஜுல் அனாம்
மதீனா முனவரா

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

4. Re:...Condolence
posted by Segu Abdul Cader (Quede Millath Nagar) [13 June 2017]
IP: 103.*.*.* | Comment Reference Number: 45603

CONDOLENCE
Assalamu alaikum wrwb.
INNALILLAHI WA INNA ILAIHI RAJIOON.
إن لِلَّهِ مَا أَخَذَ وَلَهُ مَا أَعْطَى،
وَكُلُّ شَيْءٍ عِنْدَهُ بِأَجَلٍ مُسَمًّى،
فَلْتَصْبِرْ وَلْتَحْتَسِبْ

நிச்சயமாக அல்லாஹ் நமக்கு கொடுத்ததும், மீண்டும் எடுத்துக்கொண்டதும் அவனுக்கு சொந்தமானதே!! மேலும் எல்லாவற்றுக்கும் அவனிடம் குறிப்பிட்ட ஒரு தவணையுண்டு, எனவே நன்மை நாடி பொருமையாக இருக்க வேண்டும்.

ஆதாரம் :- புகாரி -7377

எல்லாம் வல்ல அல்லாஹ் அவர்களின் பிழைகளை மன்னித்து மேலான பிர்தவ்சுல் அஃலா எனும் சுவன பதியை தந்தருள் புரிவானாக. ஆமீன் . அவர்களின் பிரிவால் துயருற்றிருக்கும் குடும்பத்தார், உற்றார் - உறவினர் அனைவருக்கும் வல்ல அல்லாஹ் மேலான பொறுமையை நல்குவானாக ஆமீன்.
வஸ்ஸலாம்.

May Allah make his/her barzakh life smooth for him/her, forgive his/her sins, enter him/her into Jannatul Firdous and grant sabr for the family.

Aameen!
Wassalam. S.D.Segu Abdul Cader. Quede Millath Nagar.