Kayal on the Web

செய்திகள்

செய்தி எண் (ID #) 18321

#KOTW18321

திங்கள், செப்டம்பர் 26, 2016

உள்ளாட்சித் தேர்தல் 2016: “நடப்பது என்ன? சமூக ஊடகக் குழுமம் சார்பில் - வேட்பாளர் தகுதி, வாக்குறுதி, விண்ணப்பப் படிவம் வெளியீடு!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 2807 முறை பார்க்கப்பட்டுள்ளது | வாசகர் கருத்துக்கள் காண (3) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 1)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் நகராட்சியின் 18 வார்டுகளின் உறுப்பினர் பொறுப்பிடங்களுக்கு, வரும் அக்டோபர் மாதம் 17ஆம் நாளன்று தேர்தல் நடைபெறவுள்ளது.

“நகராட்சியில் மக்களாட்சி” எனும் முழக்கத்துடன் இயங்கும் - காயல்பட்டினம் “நடப்பது என்ன?” சமூக ஊடகக் குழுமம் சார்பில், இப்பொறுப்பிடங்களுக்குப் போட்டியிடும் வேட்பாளரிடம் இருக்க வேண்டிய தகுதிகள், தர வேண்டிய வாக்குறுதிகள், “நடப்பது என்ன?” சமூக ஊடகக் குழுவின் ஆதரவைக் கோரும் விண்ணப்பப் படிவம் ஆகியன இன்று 21.00 மணிக்கு வெளியிடப்பட்டுள்ளது. இதுகுறித்து, அக்குழும நிர்வாகத்தால் வெளியிடப்பட்டுள்ள அறிக்கை:-

------------------------------------------------------
நகராட்சியில் மக்களாட்சி - நடப்பது என்ன? வேட்பாளர்கள் ஆதரவு ஆவணம்
------------------------------------------------------

நடப்பது என்ன? சமூக ஊடக குழும அங்கத்தினர்களே,

இறைவனின் சாந்தியும், சமாதானமும் தங்கள் மீது என்றென்றும் நிலவட்டுமாக!

அக்டோபர் 17, 2016 அன்று காயல்பட்டினம் நகராட்சிக்கு தேர்தல்கள் நடைபெறவுள்ளன. இத்தேர்தல்கள் மூலம் - ஊழலற்ற, லஞ்சத்திற்கு எதிரான, கண்ணியமான காயல்பட்டினம் நகர்மன்றம் உருவாகிட - நேர்மையான நகர்மன்ற உறுப்பினர்கள் தேவை.

நடப்பது என்ன? சமூக ஊடக குழுமம் ஏற்பாட்டில் - செப்டம்பர் 14, 2016 அன்று நடைபெற்ற "நகராட்சியில் மக்களாட்சி" என்ற தலைப்பிலான கலந்துரையாடல்கள் வாயிலாக பெறப்பட்ட ஆலோசனைகளை அடிப்படையாக கொண்டு, நாம் தேர்வு செய்யவேண்டிய வேட்பாளர்களின் அடிப்படை தகுதி மற்றும் அவர்கள் வாக்காளர்களுக்கு அளிக்கவேண்டிய உறுதிமொழிகள் தயாரிக்கப்பட்டு, தற்போது வெளியிடப்பட்டுள்ளது:-

இந்த ஆவணத்தில் உள்ள தகுதிகளை கொண்ட மற்றும் கோரப்பட்டுள்ள வாக்குறுதிகளை வழங்கும் வேட்பாளர்களுக்கு நடப்பது என்ன? சமூக ஊடக குழுமம் ஆதரவு தெரிவித்து, அவர்களின் வெற்றிக்கு - இறைவன் நாடினால் - களப்பணியாற்றும்.

இந்த ஆவணத்தைப் பெற விரும்புவோர் கீழ்க்காணும் குழும அட்மின்களை தொடர்புகொள்ளவும்:

(1) கே.ஏ. முஹம்மது நூஹு (+91 73395 38097)
(2) எஸ்.ஏ. முஹம்மது நூஹு (+91 78455 40490)
(3) சாளை நவாஸ் (+91 82203 12630)

இதில் இணைக்கப்பட்டுள்ள படிவத்தை - தாமாகவே பதிவிறக்கம் செய்து அச்சிட்டும், அட்மின்களிடம் வழங்கலாம்.

வேட்பு மனுக்கள் தாக்கல் செய்ய அக்டோபர் 03 இறுதி நாள் என்பதாலும், அதற்கு முன்னர் வேட்பாளர்களை இறுதி செய்யவேண்டியுள்ளதாலும், நிரப்பப்பட்ட விண்ணப்பத்தை - செப்டம்பர் 28 புதன்கிழமைக்குள், திரும்ப வழங்கவேண்டும் என கேட்டுக்கொள்ளப்படுகிறார்கள்.

இவ்வாறு அந்த அறிக்கையில் தெரிவிக்கப்பட்டுள்ளது.

தகவல் & படங்கள்:
எஸ்.கே.ஸாலிஹ்
செய்தி தொடர்பாளர்
“நடப்பது என்ன?” சமூக ஊடகக் குழுமம்
காயல்பட்டினம்.

{TAGS} nadappathu enna nadappathu enna whatsapp group nadappathu enna telegram group nadappathu enna public notice nadappathu enna social media group ideal candidate qualification municipal election 2016

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Re:...
posted by P.S.J.SHAIK ABDUL KADER (KAYAL PATNAM) [27 September 2016]
IP: 163.*.*.*

Japan | Comment Reference Number: 44715

உங்களால் நான்
உங்களுக்காகவே நான்

வரும் நகரமன்ற தேர்தலில் எனது பகுதியில் நடப்பது என்ன? whats happening முழு ஆதரவுடன் மக்கள் மன்றத்தில் களம் இறங்க நாடி இருக்கிறான். இன்ஷா அல்லாஹ்.

நடப்பது என்ன வாட்ஸ்ப் இணையதள குழுமத்தின் விதிகள், நிலை, கட்டுப்பாடுகளுக்கு அனைத்திற்கும் கட்டு பட்டு நடப்பான் என்று உறுதி கோருகிறான்.

மறவாதீர்
எனக்கு ஒதுக்கப்படும் சின்னத்திற்கு வாக்களிப்பீர்
அமைதி வளம் வளர்ச்சி பேண
நகர நலன் காண்போம்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. Re:...
posted by Mohideen (Jeddah) [27 September 2016]
IP: 90.*.*.*

Saudi Arabia | Comment Reference Number: 44717

புது பெயர் புது பொளிவுடன். ஏற்கனவே உள்ள மெகா என்ன ஆச்சு.

சரி இதையும் மீறி உங்கள் ஆதரவு மூலம் வெற்றிபெற்றவுடன் கட்சியில் போய் சேர்ந்தால் அவர்கள் மீது என்ன நடவடிக்கை

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. Re:...
posted by Nizam (Doha) [01 October 2016]
IP: 223.*.*.*

India | Comment Reference Number: 44739

தற்போது ஊடகங்களின் விவாதங்களில் அதிகமாக பேசப்படுவது தற்போதைய புதிய சட்டத்தால் நகராட்சி தலைவர் நியமனத்துக்கு பேரம் பேச வாய்ப்பு; தலைவர் உறுப்பினர்களால் தேர்ந்தெடுக்கப்படுவதால் முறைகேடுகளுக்கு தலையசைக்கும் நிலை நேற்றைய நிவுஷ் செவன் தொலைகாட்சியில் முன்னாள் சென்னை மேயர் திரு சுப்ரமணியன் குறிப்பிட்டதை போல தலைவருக்கு பொறுப்புணர்ச்சி குறைவாக இருக்கும்

ஓரு அரசியல் பார்வையாளராக இதை தடுக்க சில ஆலோசனைகள்

தலைவர் நியமனத்துக்காக நடக்கும் முறைகேடுகளுக்கு ஒத்துழைப்பு கொடுக்க மாட்டேன் எந்த விதத்திலும் தலைவர் உறுதிப்படுத்தப் பட்ட தவறு செய்தால் ஒழிய பெரும்பான்மையான ஊர்மக்கள் வேண்டினால் அவரை நீக்கும் முயற்சியில் ஈடுபட மாட்டேன்

நகராட்சியின் கவெளிப்படையாக மக்கள் அறிவதற்கு மீடியாப்ப ஆதரவு கொடுப்பேன்

குறிப்பிட்ட கால அளவுக்கு தனது தனிப்பட்ட செலவுகளை தவிர்த்து தொழில்ரீதியான வரவு செலவுகளை வெளிப்படாயாக அறிவிப்பேன்

அம் ஆத்மி செய்வதுபோல மாதம் ஒருமுறை தனது செயல்பாடுகளை மக்கள் திருப்தி அடைந்திருக்கிறார்களா ஏன்பதை அறிய ஜனதா தர்பார் நடத்துவேன்

சுற்றுப்பற சுழலை அழிக்கும் காரணிகளான பனைமர அழிப்பு நச்சு ஆலை செல்போன் டவர் புற்றிசல் போல பெருத்து வருவது போன்றவற்றுக்கு ஆதரவு கொடுக்க மாட்டேன

மேல் கண்ட சரத்துகளை மீறும்போது சட்டபடி மக்கள் என்னை திரும்ப பெற்றுக்கொள்ள சம்மதிக்கிறேன்

இதை சம்பந்தப்பட்ட ஜமாத்தார் சட்ட ஆவணமாக்கி ஆதரவு கேட்கும் வேட்பாளர்களை ஒப்பமிட செய்ய வேண்டும்

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்