IP: 220.*.*.* India

அஸ்ஸலாமு அழைக்கும் வரஹ்மதுல்லஹி வபரகதுஹு.

மிகவும் மகிழ்ச்சியாக இருக்கின்றது , தங்களின் சேவைகளை தொடர இறைவன் அருள்புரிவானாக .

இதில் பெருநாள் இரவு நாட்டுகோழி token , கூடுதல் சிறப்பு! பாரக்கல்லாஹ் !

IP: 86.*.*.* United Arab Emirates

ரியாத் காயல் நல மன்றத்தின் இந்த ஏற்றமிகு நற்செயலை எல்லாம் வல்ல அல்லாஹ் பொருந்திக் கொள்வானாக.

மேலும் இவ்வருடம் இப்பொருளுதவியைப் பெரும் மக்கள் பொருளாதாரத்தில் மேம்பாடு அடைந்து அடுத்த ஆண்டு ஏனைய ஏழை எளியோருக்கு உதவிகள் வழங்கிடவும் அருள் புரிவானாக - ஆமீன்.

IP: 61.*.*.* India

பிறரிடம் வாய்திறந்து கேட்க வெட்கப்பட்டுக்கொண்டு… வேதனை முகங்களுடன் வெம்பிப் போய்… வல்ல இறைவா! “எங்கள் இருள் போக்கிட மாட்டாயா?” என வேண்டிக் கொண்டேயிருக்கும் இதயங்களைக் கண்டறிந்து…

அவர்களின் இருள்தோய்ந்த முகங்களை இன்முகமாக்கி… இந்த ரமலான் உணவுப் பொருட்கள் வழங்கியுதவிடும் மேன்மையான திட்டத்தை நிறைவேற்றியுள்ள “ரியாத் காயல் நல மன்ற”த்தின் அங்கத்தினர்கள், அபிமானிகள் மற்றும் இதற்கான முயற்சிகளில், பணிகளில் தன்னலம் கருதாது.. கண் துஞ்சாது… ஈடுபட்ட அனைவருக்கும் என் இதயமார்ந்த நன்றியைத் தெரிவித்துக் கொள்கிறேன். ஜஸாக்குமுல்லாஹு கைரா!

எல்லாம் வல்ல நாயன் அல்லாஹ்வின் பெருங்கருணையும், எம்பெருமானார் முஹம்மது நபி ஸல்லல்லாஹு அலைஹி வ ஸல்லம் அவர்களின் ஷபாஅத் என்னும் திருப் பொருத்தமும் உங்கள் அனைவருக்கும் நிறைவாய்க் கிடைத்திட மனமுவந்து பிரார்த்திக்கிறேன்.

எவ்வளவு எவ்வளவு நலத் திட்டங்கள் ….
எத்தனை எத்தனை உதவிகள்…

தேவையுடையோரைக் கண்டறிந்து…
அவர்தம் தேவையறிந்து…
அதற்கெனத் திட்டமிட்டு…
அதைத் திறம்பட வடிவமைத்து…
சிறப்பான செயல் வடிவம் கொடுத்து…
குறித்த காலத்தில் அவற்றை நிறைவேற்றி…
பயனாளிகளின் உள்ளம் குளிர்விப்பதில்…
நெஞ்சம் நிறைந்து மகிழும்…
கடல் கடந்து வாழும்…. என்
அன்புச் சொந்தங்களே! பந்தங்களே! நண்பர்களே!
உங்கள் அனைவர் மீதும்…
இறையருள் வளமோங்கும்
வான்மழையாய் பொழியுமாக!

உங்கள் அனைவரையும் வசந்த மலர்களைத் தூவி,
வாஞ்சை மீதூர வாழ்த்துகின்றேன்.
உவகை மேலோங்கப் போற்றுகின்றேன்.

உங்கள் அனைவருக்கும் மகோன்னதம் பொருந்திய ரமழானின் பொருட்டால்…
நீடித்த ஆயுளும், நிறைந்த செல்வமும், நிம்மதியான வாழ்க்கையும் அமையப் பிரார்த்திக்கிறேன்.

என்றும் உங்கள் உதவிகளில் நெஞ்சம் நெகிழும்…
“ஜெம்” தீபி

IP: 129.*.*.* United Kingdom

புனித ரமலான் மாதத்தில் எளியவர்களுக்கு இயன்றவரை உதவி அவர்களின் இல்லாமை என்கின்ற நிலையை இல்லாமலாக்க முயலும் புண்ணிய காரியத்தை போட்டிப்போட்டு செய்து கொண்டிருக்கின்ற அனைத்துலக காயல் நல மன்றங்களில் ரியாத் காயல் நல மன்றம் முன்னணியாக வரவேண்டும் என்கின்ற அவர்களின் பேராருவத்தைப்பாராட்டுகிறேன்! அவர்கள் ஒவ்வொருவரின் மனங்களிலும் மண்டிக்கிடக்கின்ற மனிதாபிமானத்தை உணர்கிறேன்,மனித நேயத்தை நேசிக்கிறேன்!

வரியவர்களின் வலியுணர்ந்து வனப்புடைய புனித மாதத்தில் நீங்கள் செய்யும் இந்த போற்றுதல்குறிய உதவியால் படைத்தோன் உங்கள் ஒவ்வொருவரின் வாழ்க்கையையும் ஒளிமயமாக்கி எல்லா நலன்களையும்,வளங்களையும் வழங்கியருள்புரிவானாக ஆமீன்!

அனைத்து காயல் நல மன்றங்கள் இந்த புனித ரமலான் மாதத்தில் மட்டுமல்ல, வருடம் முழுவதும் ஒவ்வொரு அமைப்பும் அதன் உதவியை அடுத்த மன்றங்களைவிட நாம் முன்னணியாக செய்ய வேண்டும் என்ற வேகத்தில் வரியவர்களுக்கும் ,வறுமையருக்கும் உதவும் வேட்கையும்,வீரியமும் வளிந்து ஓடுகிறது..அவைகளை வார்த்தைகளால் சொல்லமுடியாது அதன் சுழல் உதவியின் வேகமானது "சுனாமி"யையும் செயலிழக்க செய்யும் அளவிற்கு அதீத ஆர்வம்!

அன்புள்ளங்களே இந்த ஆர்வமும்,ஆவலும் கடல் கடந்து வாழும் காயல் சகோதரர்களுக்கு மட்டும் சொந்தமல்ல,சொந்த நாட்டில் தொழில் துறையில் வளமுடன் பொருளீட்டும் பெருந்தன்மை யாளர்களுக்கும்,கருணை மிகு கொடையாளிகளுக்கும் இதில் அதிக பங்குண்டு.நீங்கள் அதிகதிகமாக உங்கள் பங்களிப்பை செழுத்திடவும் வேண்டும்!

காயலின் எளியவர்களும்,வரியவர்களும் உங்கள் உடன் பிறவா சகோதரர்கள்தான்.எங்களை (கடல் கடந்த காயல் மன்றங்களை) வாழ்த்துவதோடு உங்கள் பங்கு நின்றுவிட வேண்டாம். உங்களால் இயன்ற பங்களிப்பையும் கொடுக்க முன் வருவீர்களேயானால்,கண்ணியமிகு காயலில் கண்ணீர் மல்க கசங்கிய வாழ்வுடையோர் வேறு எவருமுண்டோ என்று தேடும் நிலை உண்டாகிவிடும். உண்டாக வேண்டும் வல்லோன் உதவியால்.அல்லாஹ் அனைத்தும் அறிந்தவன்!

அன்புடன்,
முஹம்மது ஆதம் சுல்தான்!

IP: 123.*.*.* India

எல்லாம் வல்ல அல்லாஹ் ஒருவனுக்கே எல்லா புகழும். மாஷா அல்லாஹ் நினைக்கவே மனம் உருகுகிறது. எவ்வளவு பெரிய நன்மையை இந்த புனித ரமலான் மாதத்தில் கொள்ளை கொள்கிறீர்கள். தொடருட்டும் உங்கள் சேவை.அதிலும் பெருநாள் அன்று நாட்டுக்கோழி உள்ளத்தை மேலும் உருக்கி உங்கள் அனைவர்கள் ஹக்கிலும் துஆ கேட்கிறேன்.

எல்லாம் வல்ல அல்லாஹ் உங்கள் அனைவருக்கும் முதலாவதாக சரீர சுகமும் சகல பல செல்வங்களும் நிறையுடன் பெற்று நீடுழி காலம் நிறைவுடன் வாழ கிருபை செய்வானாக ஆமீன் ஆமீன் யாரப்பல் ஆலமீன்.

NB : நம் காயல் members அனைவருக்கும் எனது சலாதினை தெரியபடுத்தவும்

السلام عليكم ورحمة الله وبركاته

IP: 160.*.*.* Japan

Alhamdulullah good work

IP: 2.*.*.* Saudi Arabia

அஸ்ஸலாமு அழைக்கும் ......

அனைவர்களுக்கும் புனித ரமலான் நல் வாழ்த்துக்கள் . வல்ல நாயன் அல்லாஹ்வின் கருணையும் ரஹ்மத்தும் இந்த புனித ரமலான் மாதத்தின் பொருட்டல் நம் அனைவர்களுக்கும் கிடைகட்டுமாக . ஆமீன் .

நமது ரியாத் காயல் நல மன்றத்தின் சார்பில் எல்லா வருடமும் சிறப்பான முறையில் புனித ரமழான் மாதத்தை முன்னிட்டு பல ஏழைக் குடும்பங்களுக்கு உணவுப் பொருட்கள் வழங்கிடும் திட்டம் மிகவும் பாராட்ட வேண்டிய ஓன்று .

வல்ல நாயன் உங்களது எல்லா செயல் பாடுகளில் தொடர்ந்து நல்ல வெற்றியை தருவானாக . ஆமீன் .

இந்த செயல் திட்டங்களில் உருதுனையாக உள்ள அணைத்து செயல் வீரர்களுக்கும் வல்ல நாயனின் அருளும் , கருணையும் அவனது திரு பொருத்தமும் கிடைக்க நாமும் து ஆ செய்வோம் ஆமீன்

IP: 180.*.*.* India

பொதுவாக உலக காயல் நல மன்றங்களின் தன்னலமற்ற - தன்னார்வத்துடன் கூடிய சேவைகளைக் கண்டு பெருமிதப்பட்டுக்கொள்வேன். உண்மையில் நமதூர் மக்கள் கொடுத்து வைத்தவர்கள் என்பதில் சந்தேகமில்லை.

ரியாத் காயல் நல மன்றத்தின் இந்த நகர்நலத் திட்டத்தின் சிறப்பம்சமாக, நோன்புப் பெருநாளன்று “நாட்டுக்கோழி” பெற்றிட வழிவகை செய்திருப்பது என்னைப் பெரிதும் கவர்ந்துள்ளது.

முட்டையிலிருந்து, கோழியாகி, அது காலியாகும் வரை முழுக்க முழுக்க ரசாயணத்தையே தன்னுள் கொண்டுள்ள ப்ராய்லர் கோழியைத்தான் நமதூரில் கோழி இறைச்சி உண்ணும் மக்களுள் 80 சதவிகிதம் பேர் உட்கொள்கின்றனர்.

இதன் காரணமாக, பெண் குழந்தைகள் பிஞ்சுப் பருவத்திலேயே பூப்படைதல் உள்ளிட்ட பல புதுமைகளைக் கண்டு வருகிறோம்.

ஏழை மக்களுக்கு நாட்டுக்கோழி என்பதெல்லாம் எட்டாக்கனியாகிவிட்டது. கிடா இறைச்சியாவது - ஏதாவது ஒரு திருமண விருந்தில் கிடைத்துவிடும். ஆனால் நாட்டுக்கோழி???

விற்கும் விலைக்கு அவர்கள் கறி சாப்பிட வேண்டுமானால் ப்ராய்லர் கோழியைத் தவிர வேறு வழியில்லை.

அப்படிப்பட்ட மக்களின் நாவும் ருசிக்கும் வகையில், நோன்புப் பெருநாளன்று - செலவை சிக்கனப்படுத்த ப்ராய்லரைக் கொடுக்காமல் நாட்டுக்கோழிக்கு ஏற்பாடு செய்திருப்பதற்காக உங்கள் யாவரையும் வாழ்த்திப் பாராட்டி, துஆ செய்கிறேன்.

அல்லாஹ் உங்கள் யாவரின் நற்பணிகளையும் தனதருளால் ஏற்றுக்கொள்வானாக... இதன் பலன்களை ஈருலகிலும் உங்களுக்கு நிறைவாகத் தந்தருள்வானாக, ஆமீன்.

அன்புடன், எஸ்.கே.ஸாலிஹ்.