Kayal on the Web

செய்திகள்

செய்தி எண் (ID #) 14728

#KOTW14728

திங்கள், அக்டோபர் 20, 2014

கனமழை காரணமாக குத்பா பெரிய பள்ளிக்குள் மழை நீர் புகுந்தது! நிர்வாகிகள், மஹல்லா ஜமாஅத்தினர் இணைந்து துப்புரவுப் பணியாற்றினர்!!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 4182 முறை பார்க்கப்பட்டுள்ளது | வாசகர் கருத்துக்கள் காண (3) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினத்தில் நேற்று (அக்டோபர் 19) பெய்த தொடர் கனமழை காரணமாக, காயல்பட்டினம் அல்ஜாமிஉல் கபீர் - பெரிய குத்பா பள்ளி, காதிரிய்யா கொடிமர சிறுநெய்னார் பள்ளி ஆகிய பள்ளிவாசல்களுக்குள் மழை நீர் புகுந்தது.

தரையையொட்டி தாழ்வான நிலையில் அமைந்திருக்கும் பெரிய குத்பா பள்ளியில் - வெளியிலிருந்து சேறு கலந்த மழை நீர் வேகமாக உட்புகுந்து, கத்தீப் நிற்கும் மிம்பர் (மேடை) வரை தேங்கியது.

அதிகாலையில் இக்காட்சியைக் கண்டு மஹல்லா ஜமாஅத்தினர் அதிர்ச்சியுற்றனர். காலை 06.30 மண துவங்கி, 09.45 மணி வரை அங்கு மழை நீரை அகற்றி துப்புரவுப்படுத்தும் பணி நடைபெற்றது.

பள்ளியின் துணைத்தலைவர் எஸ்.ஏ.ஜவாஹிர், துணைச் செயலாளர் கத்தீபு இப்றாஹீம், பொருளாளர் குளவி ஷேக் அப்துல் காதிர், நிர்வாகக் குழு உறுப்பினர் எம்.கே.முஹ்யித்தீன் தம்பி துரை, சிறிய குத்பா பள்ளியின் கத்தீப் மவ்லவீ எஸ்.எம்.முஹம்மத் ஃபாரூக் அல்ஃபாஸீ, பெரிய குத்பா பள்ளி இமாம் ஹாஃபிழ் கே.ஏ.நத்ஹர் ஸாஹிப் உட்பட - பள்ளியின் மஹல்லா ஜமாஅத்தினரும், சமூக ஆர்வலர்களும் துப்புரவுப் பணியில் ஈடுபட்டு, மழை நீரை முற்றிலுமாக அகற்றி, உள் பள்ளி - வெளிப்பள்ளி ஆகிய அனைத்துப் பகுதிகளையும் சுத்தம் செய்தனர்.

படங்களுள் உதவி:
K.M.T.சுலைமான்

குத்பா பெரிய பள்ளி தொடர்பான முந்தைய செய்தியைக் காண இங்கே சொடுக்குக!

காயல்பட்டினத்தில் மழை தொடர்பான முந்தைய செய்தியைக் காண இங்கே சொடுக்குக!

{TAGS} climate weather rain rainfall north east monsoon rain nemr nemr 2014 north east monsoon rain 2014 mazhai 2014 mazhai rain 2014 al jamiul kabeer ajk periya khutba palli big mosque periya palli flood

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Re:...தூய்மை இந்தியா ....
posted by mackie noohuthambi (chennai) [20 October 2014]
IP: 180.*.*.*

India | Comment Reference Number: 37840

இந்திய பிரதமர் தூய்மை இந்தியா என்ற ஒரு திட்டத்தை ஆகஸ்ட் 15 சுதந்திர தினத்தன்று டில்லி செங்கோட்டையில் ஆரம்பித்து வைத்தார் . ஆனால் 1436 வருடங்களுக்கு முன் தூய்மை உலகம் என்று உலகம் முழுவதும் சுத்தமாக இருக்க வேண்டியதன் அவசியத்தை நபிகள் நாயகம் அவர்கள் கட்டாயக் கடமையாக முஸ்லிம்களுக்கு ஆக்கி அவர்கள் தினசரி வாழ்க்கையில் அதை கடை பிடித்து வாருகிறார்கள் எனபது அவருக்கு தெரியாதா என்ன

."சுத்தம் ஈமானில் பாதி" என்ற ஒரு சிறிய சொற்றொடருக்குள் அதை அடக்கி அற்புதமாக வழி காட்டி சென்றிருக்கிறார்கள். நமது பெரிய பள்ளி வாசலில் ஏற்பட்ட இந்த நிகழ்ச்சி வரலாறு காணாத செய்தியாக உள்ளது. அதை சுத்தப் படுத்தும் பணியில் ஆலிம் பெருந்தகை பாரூக் ஆலிம் அவர்களும் கலந்துகொண்டிருப்பது மிகவும் சந்தோஷமளிக்கிறது.

SEYYIDHIL QAWMI KHAADHIMUHUM என்று நபிகள் நாயகம் சொல்வார்கள். "ஒரு சமுதாயத்தின் தலைவர் அவர்களுக்கு ஊழியம் செய்பவரே" என்பது அதன் கருத்து என்று உலமாக்கள் நமக்கு சொல்லிக் காட்டுவார்கள். தொண்டர்களுக்கு முன்மாதிரியாக தலைவர்களே அதை முன்னின்று செய்து காட்ட வேண்டும் என்ற ஒரு அழகிய முன்மாதிரியை பின்பற்றி இந்த தூய்மை செய்யும் பணியை செய்துள்ள எல்லோருக்கும் அல்லாஹ் ரஹ்மத் செய்வானாக.

இப்போது பெய்யும் மழை மக்களுக்கு தீங்கிழைக்காத - மகிழ்ச்சி தரும் மழையாக அதை மாற்றி அமைப்பானாக. நம் பாவங்களை அல்லாஹ் மன்னிப்பானாக.ஆமீன்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. Re:...
posted by mohamed salih (chennai) [21 October 2014]
IP: 122.*.*.*

India | Comment Reference Number: 37844

அல்ஹம்துலில்லாஹ் ..

இந்த பணி வல்ல இறைவனுக்கு உகந்த பணி .. இதற்காக அயராது உழைத்த அனைவருக்கும் வல்ல இறைவன் பரகத் செய்வானாக ஆமீன் ...

என்றும் அன்புடன்,
முஹம்மத் சாலிஹ் கே.கே.எஸ்

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. அல்லாஹ்வின் வீட்டிற்கு அகம்மகிலும் சேவை!
posted by முஹம்மது ஆதம் சுல்தான்! (yanbu) [21 October 2014]
IP: 159.*.*.*

Saudi Arabia | Comment Reference Number: 37845

நம்முடைய மார்க்கத்தை நம் உயிரினும் மேலாக நாம் விசிவாசிக்கும் அதேவேளையில் அதில் பாதியளவு விசுவாசம் நம் வாழ்க்கை முறையில் நாம் கடைபிடிக்கும் சுத்தமாகும், என்று 1400 வருடங்களுக்கு முன்னரே நமக்கு போதித்த புனித மார்க்கத்திற்கு சொந்தக்காரர்கள் நாம் நமக்கு எந்த புதிய பிரமாரோ வேறு யாறுமோ சொல்லித் தரத்தேவையில்லை நம் புனித மார்க்கத்தை பற்றி தெரியாதவர்களுக்கு வேண்டுமானால் பிரதமரறிவிப்பு புதிதாக தோன்றலாம்,ஏதோ பூதாகர கண்டுபிடிப்பாக போற்றலாம்! நமக்கு இது பழசு!.

அல்லாஹ்வின் வீட்டை சேவைசெய்வதில் அந்த பெரிய ஆலிம் இந்த சாதாரண நபர் என்ற பாகுபாடில்லாமல் பிரியமான மனதுடன் மழை நீரைப்போக்கும் புண்ணியபபணியில் ஈடுபட்டிருக்கும் அனைத்து சகோதரர்களுக்கும் அல்லாஹ்வின் அருள் பொழிவை அளவில்லாமல் அவர்கள் வாழ்வில்பெற்று வாழ்வாங்கு வாழ வல்ல அல்லாஹ்வை வேண்டிக் கொள்கிறேன்! அல்லாஹ் அனைத்தும் அறிந்தவன்!

அன்புடன்,
முஹம்மது ஆதம் சுல்தான்!

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்