IP: 117.*.*.* India

அளவற்ற அருளாளனும், நிகரற்ற அன்பாளனுமாகிய எல்லாம்வல்ல அல்லாஹ்வின் திருப்பெயரால்...

எங்கள் அன்புத் தந்தை - மஹான் பெரிய முத்துவாப்பா வலிய்யுல்லாஹ் அவர்களின் நான்காவது வழித்தோன்றல் - பெருமதிப்பிற்குரிய அல்ஹாஜ் T.M.K.சுல்தான் அப்துல் காதிர் அவர்கள், கடந்த 11.07.2013 அன்று இரவு 11.15 மணியளவில் தாருல் ஃபனாவை விட்டும் தாருல் பகா அளவில் (அழியும் உலகை விட்டும் நிலையான உலகத்தின் அளவில்) சேர்ந்துவிட்டார்கள். இன்னா லில்லாஹி வஇன்னா இலைஹி ராஜிஊன்.

அன்னாரின் ஜனாஸா மறுநாள் 12.07.2013 அன்று மாலை 05.00 மணியளவில், காயல்பட்டினம் குருவித்துறைப் பள்ளி மையவாடியில் நல்லடக்கம் செய்யப்பட்டது.

அல்லாஹ்வின் கட்டளைக்கிணங்க நாங்கள் யாவரும் ஸபூர் செய்துகொண்டோம். மர்ஹூம் அவர்களின் மறைவை முன்னிட்டு, இரங்கல் தெரிவித்தும், துஆ இறைஞ்சியும் - நேரிலும், தொலைபேசி வாயிலாகவும், இணையதள செய்திகள் வாயிலாகவும் கருத்துக்களைப் பதிவு செய்துள்ள அனைத்து சகோதர - சகோதரிகளுக்கும் எங்கள் குடும்பத்தினர் அனைவரின் சார்பில் மனமார்ந்த நன்றியைத் தெரிவித்துக் கொள்கிறோம். கருணையுள்ள அல்லாஹ் மர்ஹூம் அவர்களின் பாவப்பிழைகளைப் பொருத்தருளி, அவர்களின் மண்ணறை வாழ்வை ஒளிமயமான சுவனப் பூஞ்சோலையாக்கி, மறுமையில் ஜன்னத்துல் ஃபிர்தவ்ஸ் எனும் உயர் சுவனத்தை நற்கூலியாகத் தந்தருள தாங்கள் யாவரும் துஆ செய்யுமாறு அன்புடன் வேண்டுகிறோம்.

அன்னார் தமது வாழ்வில் உங்களில் யாருக்கேனும் சொல்லாலோ, செயலாலோ ஊறு விளைவித்திருந்தால், பெருமனது கொண்டு அதனைப் பொறுத்துக் கொள்ளுமாறு வேண்டுவதுடன், அதற்காக நாங்கள் யாவரும் மன்னிப்புக் கேட்டுக் கொள்கிறோம்.

அன்னார் தமது வாழ்வில் உங்களில் யாருக்கேனும் கடன் வைத்திருந்தால், இதனடியில் கண்ட அவர்களின் மக்கள் பொறுப்பேற்றுக் கொள்கிறோம். அக்கடனை நாங்கள் திருப்பித்தரும் பொருட்டு, +91 98415 67213 (T.S.A.செய்யித் அபூதாஹிர் மஹ்ழரீ) என்ற கைபேசி எண்ணுக்கு தகவல் தருமாறு அன்புடன் வேண்டுகிறோம்.

மனமார்ந்த துஆக்களுடன்,
T.S.A.யஹ்யா முஹ்யித்தீன்
T.S.A.செய்யித் அபூதாஹிர் மஹ்ழரீ
(மர்ஹூம் அவர்களின் மக்கள்)

IP: 117.*.*.* India

தம்பி அபூதாஹிர் ஆலிம் தம்பி யஹ்யா அவர்களின் வேண்டுகோள் படித்தேன்.

உங்கள் தந்தை அவர்கள் ஒரு எறும்பைக்கூட தன் காலால் மிதித்து இருப்பார்களா என்ற சந்தேகம் எனக்கு எழுந்ததுண்டு . அவர்கள் மென்மையான நடை அதற்கு சான்று கூறும்.

நான் இலங்கையில் ஏறாவூரில் பள்ளிக் கூடத்தில் படித்த காலம் அது. பெருநாளைக்கு பக்கத்தில் உள்ள மட்டக்கிளப்புக்கு செல்வது வழக்கம். கண்ணாடி ஆலிம் அவர்கள் கடையில் உங்கள் தந்தை சுறுசுறுப்புடன் பணியாற்றிய காலம் அது.

தங்கள் தந்தையின் மறைவுக்கு சில தினங்களுக்கு முன் நான் இலங்கையில் இருந்து திரும்பியபோது, என் சகோதரி அவர்கள் சுல்தான் மாமாவுக்கு சுகம் இல்லை போய் பார்த்து விட்டு வா என்று சொன்னார்கள். நானும் சரி என்று போய்பார்தபோதுதான் தெரிந்தது அவர்கள் உடல் நிலை இவ்வளவு மோசமாக இருப்பது அறிந்து வருந்தினேன்.

அப்போதும் கூட என்னை அறிமுகப்படுத்திக் கொண்டு, மாமா மட்டக்களப்புக்கு போவோமா, இப்போது ஜோராக அந்த இடம் இருக்கிறது என்று சொன்னேன். விளங்கிக் கொண்டார்களோ என்னவோ, அவர்களுக்கே உரிய புன்னகையை உதிர்த்தார்கள். உங்கள் தாயார் து ஆ செய்யுங்கள் என்றார்கள்.

யாருக்கு யார் து ஆ செய்வது? என்றாலும், கண்மணி நாயகம் அவர்கள் சொன்னபடி, நோயாளிகளை சந்திக்க சென்றால், அத்ஹிபல் பௌச ரப்பன்னாஸ், வஷ்பீ அன்த ஷாபி.... என்ற சிறிய து ஆ வை ஓதி அவர்களை முசாபாஹா செய்துவிட்டு வந்தேன்.

எல்லாம் வல்ல அல்லாஹ் மர்ஹூம் அவர்களின் பிழைகளை பொறுத்து அவர்களின் நல் அமல்களை பொருந்திக்கொண்டு அவர்களுக்கு மேலான சொர்க்க பதவியை கொடுத்தருள வேண்டும் என்று இந்த புனித ரமலான் தினத்தில் வேண்டிக் கொள்கிறேன்.

மர்ஹூம் அவர்கள் விட்டு சென்ற பெருந்தன்மை, எல்லோருடனும் புன்னகையுடன் உரையாடும் பண்பு, எல்லோரையும் தன் நட்பு வட்டத்தில் அணைத்துக்கொள்ளும் உயர்ந்த உள்ளம் இவற்றை நீங்கள் முன்னெடுத்துச் செல்லுமாறு அன்புடன் வேண்டிக்கொள்கிறேன். வஸ்ஸலாம்.

மக்கி நூஹுத்தம்பி
9865263588