Kayal on the Web

செய்திகள்

செய்தி எண் (ID #) 11194

#KOTW11194

ஞாயிறு, ஜுலை 7, 2013

NPR / ஆதார் எண் வித்தியாசம் குறித்த குழப்பம் நகரில் நிலவுகிறது!

செய்தி: காயல்பட்டணம்.காம்
இந்த பக்கம் 2737 முறை பார்க்கப்பட்டுள்ளது | வாசகர் கருத்துக்கள் காண (3) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினத்தில் தற்போது தேசிய மக்கள்தொகை பதிவேடு (NPR) முகாம்கள் - வார்டு வாரியாக நடைபெற்றுவருகிறது. இந்த முகாம்கள் குறித்த சில சந்தேகங்கள் மக்கள் மத்தியில் நிலவுகிறது. பரவலாக நிலவும் சந்தேகங்களுக்கான சில விளக்கங்கள் இதோ:

*** தேசிய மக்கள்தொகை பதிவேடு (NPR) வேறு, ஆதார் எண் என்பது வேறு

*** தேசிய மக்கள் தொகை பதிவேடு தயாரிப்பது - இந்திய அரசாங்கத்தின் உள்துறை அமைச்சகத்தின் (MINISTRY OF HOME AFFAIRS) திட்டம். ஆதார் எண் வழங்குவது - இந்திய அரசாங்கத்தின் திட்டக்குழுவின் (PLANNING COMMISSION) திட்டம்

*** காயல்பட்டினத்தில் தற்போது நடப்பது தேசிய மக்கள்தொகை பதிவேடு (NPR) முகாம், ஆதார் முகாம் அல்ல

*** தேசிய மக்கள்தொகை பதிவேடு (NPR) முகாம்களில் இந்தியாவில் வாழும் இந்தியரோ, வெளிநாட்டவரோ (USUAL RESIDENTS) பங்கேற்கலாம். வெளிநாட்டில் வாழும் இந்தியர்கள் (NRIs) பங்கேற்க கூடாது

*** வெளிநாடு வாழ் இந்தியர்கள் (NRIs) பங்கேற்று பதிவு செய்திருந்தால் அவர்கள் பெயர் நீக்கப்பட வாய்ப்புள்ளது. இந்த முகாமில் பதிவு செய்யப்படும் பெயர்கள் உள்ளாட்சி மன்றங்களில் மக்கள் பார்வைக்கு (PUBLIC SCRUTINY) வைக்கப்படும். அப்போது அப்பெயர்களுக்கு ஆட்சேபனை எழும்பட்சத்தில் அப்பெயர்கள் நீக்கப்படும்

*** வெளிநாடு வாழ் இந்தியர்கள் நிரந்தரமாக இந்தியாவில் குடியேற முடிவு செய்த பிறகே NPR திட்டத்தில் பதிவு செய்யவேண்டும்

*** NPR முகாம்களில் பெறப்படும் தகவல்கள் ஆதார் எண் வழங்கும் UIDAI நிறுவனத்துடன் பகிர்ந்துக்கொள்ளப்படுகிறது. அந்த தகவல்கள் அடிப்படையில் UIDAI நிறுவனம் ஆதார் எண் வழங்கும் (Aadhaar through NPR Process)

*** பிற ஊர்களில் ஆதார் எண் பெற்ற காயலர்களும், தற்போது காயல்பட்டினத்தில் நடைபெறும் NPR முகாம்களில் கலந்துக்கொள்ள வேண்டும். அவர்களுக்கு புதிய ஆதார் எண் வழங்கப்படாது. பழைய எண்ணே பயன்படுத்தப்படும்

*** NPR திட்டம் மூலம் - 18 வயது மேற்பட்டோருக்கு - இந்திய அரசாங்கம் Resident Identity Card வழங்கவுள்ளது. இது ஸ்மார்ட் கார்ட் வகையை சார்ந்தது. இதில் ஆதார் எண்ணே இருக்கும்; NPR எண் என்று ஒன்றும் இருக்காது

*** வெளிநாடு வாழ் இந்தியர்கள் - ஆதார் எண் பெற தடை ஏதும் இல்லை. ஆனால் அவர்கள் காயல்பட்டினத்தில் தற்போது நடைபெறும் NPR முகாம் மூலம் ஆதார் எண் பெற இயலாது.

*** ஆதார் என்பது அடையாள எண்ணே, அட்டை அல்ல. ஆதார் எண் பெற்றவர்கள், அவர்கள் பெற்ற அட்டையை தொலைத்தாலும் பிரச்சனை இல்லை - அவர்களுக்கு வழங்கப்பட்ட எண்ணை அவர்கள் மறக்காத வரை

*** NPR மூலம் வழங்கப்படும் RESIDENT IDENTITY CARD - இந்தியாவில் வாழ உரிமை குறித்து தகுதி நிரூபிக்க பயன்படும்; ஆதார் எண் - அரசு சலுகைகள், அடையாள நிரூபணம் (வங்கி கணக்கு திறக்க போன்ற) ஆகியவற்றிற்கு உதவும்

[Administrator: செய்தி திருத்தப்பட்டது @ 1:15 pm / 7-7-2013]

{TAGS} npr national population registry aadhaar adhaar camp resident identity card ric faq uidai

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. இன்னும் குழப்பம்தான்
posted by V D SADAK THAMBY (Guangzhou,China) [07 July 2013]
IP: 113.*.*.*

China | Comment Reference Number: 28456

ஆதார் என்பது அடையாள எண்ணே, அட்டை அல்ல என்றால் அரசு சலுகைகள், அடையாள நிரூபணம் (வங்கி கணக்கு திறக்க போன்ற) ஆகியவற்றிற்கு எவ்வாறு உதவ முடியும்? அப்படியானால் நமக்கு ஆதார் எண்ணை விட NPR மூலம் வழங்கப்படும் RESIDENT IDENTITY CARD தானே முக்கியம்? இரண்டில் எது முக்கியம்? RESIDENT IDENTITY CARD க்கு apply பண்ணினாலே ஆதார் எண் கிடைத்து விடுமா?

ஆதார் எண் வழங்குவது - இந்திய அரசாங்கத்தின் திட்டக்குழுவின் (PLANNING COMMISSION) திட்டம் தான் என்றால் அதற்க்கான பணிகள் தனியாக நடைபெறுமா? அப்படியானால் எப்போது நடைபெறும்?

இதுவரை நமது ஊரில் ஆதார் அடையாள அட்டைக்கு உண்டான பதிவு வேலைகள் நடைபெறுவதாகவே நாம் அறிந்திருந்தோம். அது NPR மூலம் வழங்கப்படும் RESIDENT IDENTITY CARD என்பது இப்போதுதான் தெரிகிறது.

[Administrator: நமதூரில் தற்போது நடைபெறும் NPR முகாம் மூலம் ஆதார் எண்ணும் வழங்கப்படும்.

ஆதார் எண்ணை பயன்படுத்தும் வங்கி போன்ற நிறுவனம் - ஆதார் எண்ணை கொண்டும், கூடுதலாக கை ரேகை போன்ற தகவல்களின் உதவி மூலமும் ஒருவரை அடையாளம் காணலாம்.

NPR ம், ஆதாரும் வெவ்வேறு காரணங்களுக்கு முக்கியமே.

NPR க்கான அடிப்படை தகவலும், ஆதாருக்கான அடிப்படைதகவலும் (கை ரேகை போன்ற biometric தகவல்கள் உட்பட) ஒன்றே என்பதால் - NPR சேகரிக்கும் தகவல் - ஆதாருக்காகவும் பகிர்ந்துக்கொள்ளப்பட்டு, பயன்படுத்தப்படுகிறது.]

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. Confusion is the name of the game
posted by Abdul Wahid S. (Kayalpattinam) [07 July 2013]
IP: 123.*.*.*

India | Comment Reference Number: 28459

"ஆதார்" என்ற பதத்தின் தமிழ் மொழிபெயர்ப்பு தான் என்ன?

"Aadhar" meaning in Tamil என்று "Google Search" type செய்தால் "ஆ தார் அடையாள அட்டை" என்று வருகிறது.

இங்கு தரப்பட்ட செய்தியில் "ஆதார்" என்பது "எண்" தானே தவிர அட்டையல்ல என்று குறிபிடப்பட்டுள்ளது.

8வது வார்டிற்க்கான NPR முகாம் தீவுத் தெருவில் நடைபெறுகிறது. அங்கு "ஆதார்" என்றே எழுதப்பட்டுள்ளது.

இந்த முகாமில் ஊழியராக பணிபுரியோரிடம் விசாரித்ததில் அவர்களுக்கு எப்படி நிழற்படம் எடுக்க வேண்டும், எப்படி கைரேகை பதிவு பண்ண வேண்டும்,எப்படி DATA பதிவு பண்ணவேண்டும் என்று சொல்லப் பட்டிருக்கே தவிர, NPR அல்லது "ஆதார்" சம்பந்தமாக ஒன்றும் விளக்கப்படவில்லை என்பது தெளிவாகிறது.

"அரசே! உன் பெயர்தான் "குழப்பமோ"?
அல்லது
"Confusion is the name of the game"

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. ஆதார் - அடிப்படை- BASIS
posted by V D SADAK THAMBY (Guangzhou,China) [08 July 2013]
IP: 218.*.*.*

China | Comment Reference Number: 28468

ஆதார் - आधार - அடிப்படை- BASIS

ஆதார் - ஆதாரம் என்ற பொருளிலும் இருக்கலாம்.

இப்படித்தான் கூகிள் TRANSLATION இல் வருகிறது.

எது எப்படி இருத்தாலும் சரி எல்லோரும் ஆதார் அடையாள அட்டை எடுத்துக்கொள்வது நல்லது.ஒருவேளை மோடி பிரதமராக வந்தால் ஆதார் அடையாள அட்டை இல்லாதவர்கள் எல்லாம் இந்த நாட்டு குடிமகன் கிடையாது என்று சொன்னாலும் சொல்லுவார். எனவே ஒரு எச்சரிக்கையாக இருப்பது நல்லது.

மோடி பிரதமராக வர முடியாது என்பது வேறு விஷயம். எப்படி இருப்பினும் சரி நம் ஊரில் 50% பேர் அதிமுகக்குதானே ஓட்டு போடுகிறேன் மோடிக்கு போடவில்லையே என மறைமுகமாக மோடிக்கு ஆதரவாக ஓட்டப்பவர்களும் இருப்பார்கள்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்