{ முகநூல் கருத்துக்கள்}{ட்விட்டர் கருத்துக்கள்}

இணையதள இனிய வாசகர்களுக்கு அஸ்ஸலாமு அலைக்கும்

மனித உடலின் ஒவ்வொரு உறுப்பும் முக்கியமானது. அவை பழுதாகாமல் பாதுகாப்பது நமது கடமை. நோய் உடலை தாக்கும்போது உடல் உறுப்புகளில் மாற்றம் ஏற்படுகிறது. அதன் நிலையை உணர்த்தும். நாம் கவனிக்காமல் நம் தொழில் வேலைகள் முக்கியம் என்று மறந்து இருக்கும் போது உடலில் பாதிப்பு வருகிறது. தரம் குறைந்த உணவுகளையும் கெட்டுப் போனது அறியாது சாப்பிட்டாலும் உடல் உடனே அஜீரணக் கோளாறைக் கொண்டு அல்லது பேதி மூலம் உணர்த்தி விடுகிறது. வாழும் இடம் அழகாக இருக்க விரும்புகிறோம். உடுக்கும் உடை நவீனமாக பளபளப்பாக இருக்க ஆசைப்படுகிறோம். ஆனால் உடலை மட்டும் கவனிப்பதில்லை. உடலின் பிரதான உறுப்பு கண் இதை நாம் கவனிப்பது கிடையாது.

கண்களை பாதுகாப்பீர்

கிரிக்கெட் விளையாடும்போது அருகில் நின்று வேடிக்கை பார்ப்பது கூடவே கூடாது. கிரிக்கெட் பால் (Ball) பலரின் கண்களில் பட்டு வேதனை செய்துள்ளது. குச்சிக் கம்பு என்ற கம்பின் வேகத்தால் கண்ணை பாதித்து இருக்கிறது. ஊஞ்சலின் கட்டை குத்தி கண்ணை இழந்த பெண் காயல் நகரில் கண் பார்வை இழந்து வாழ்ந்து வருகிறது. கண்களிடம் மிகக் கவணம் செலுத்த வேண்டும். இரு சக்கர வாகனத்தில் செல்பவர் கண்ணை பாதுகாக்க கண்ணாடி அணிந்து போக வேண்டும். பயண வேகத்தில் வயல் வரமப்புகளைத் தாண்டிச் செல்லும் போது சிறு சிறு பூச்சிகள், தூசி, மணல், துகள் கண்களை வந்து தாக்குகிறது. இதனால் உருத்தல் வலி ஏற்பட்டால் கண்களை கசக்கக் கூடாது. சுத்தமான நீர் கொண்டு கழுவிய பின் கண் சிகப்பாக மாறி வலி இருந்தால் கண் மருத்துவரிடம் காட்ட வேண்டும். உலகை ரசிக்க கண் பார்வை மிகவும் அவசியமாகும் எப்போதும் மறக்க வேண்டாம்.

பிறக்கும் குழந்தையின் கண் பார்வையில் கவனம்

குறை மாதத்தில் பிறந்த குழந்தை அதாவது ஏழாம், எட்டாம் மாதத்தில் பிறந்த குறை மாத குழந்தையின் கண்களை உடனடியாக கவனிக்க வேண்டும். அக்குழந்தையின் கண் நரம்புகள் பாதிட்துள்ளதா என்று அறிய கண் மருத்துவரிடம் பரிசோதனை செய்து கொள்வது அவசியம். கவனிக்காமல் இருந்தால் குழந்தையின் கண்களின் பார்வை இழப்பு ஏற்பட்டுவிடும் அபாயம் உண்டு.

கண்புரையின் அறிகுறிகள்

கண்புரையின் அறிகுறிகள் பார்வை மங்குதல் வெளிச்சம் கண்டால் கண்கள் கூசுவது போல இருக்கும். கண்களின் முன்னால் திரை இருப்பது போல காணப்படும். நிறம் மாற்றமாகத் தெரியும். பொருட்கள் இரட்டையாகத் தெரியும். இந்த அறிகுறி கண் காண்பித்தால் புரை வளர்கிறது என்பதை உணர வேண்டும். சுகர் நோய் பாதித்தவர்களுக்கு 40 வயதானதும் கண் புரை ஏற்பட வாய்ப்பு உள்ளது. சுகர் (நீரிழிவு) நோயை கட்டுக்குள் வைத்தால் கண் புரை ஏற்படுவதிலிருந்து தப்பிக்கலாம். வண்ணப் பார்வை என்பது நீலம், சிகப்பு, பச்சை நிரங்கள் மாற்றி காண்பிக்கும். கண்கள் பாதிக்காமல் இருக்க விட்டமின்-ஏ உணவுப் பொருட்களை உணவுடன் சேர்த்துக் கொள்ள வேண்டும். கருவிழியில் சிலருக்கு கோளாறு ஏற்படும். விட்டமின் ’ஏ’ சத்து பற்றாக் குறைகள், கிருமிகள் ஊடுருவல் மற்றும் கண்களில் போதிய அளவு நீர் சுரக்காததால் கண்ணின் மேற்பகுதி ஈரமில்லாமல் உலர்ந்து விடும். தூசி, துகள், அமிலத் துளிகள், கண்ணில் ஏற்படும் காயம், அழகு சாதனங்களால் கண் அலர்ஜி ஆவது இதனால் கருவிழியில் கோளாறு ஏற்படும்.

இதன் அறிகுறிகள் கண்ணீர் வடிதல், கண்களில் வழி, வெளிச்சத்தில் கண் கூசுதல், கண் இமைத் தோலின் வீக்கம், கண் சிவந்து போகுதல், பார்வைக் குறைவு ஏற்படுதல். கண் விழி கோளாறு ஏற்பட்டதின் காரணம் புரிந்து கொண்டு கடையில் விற்கும் கண் சொட்டு மருந்துகளை வாங்கி உபயோகித்தால் மேலும் கண் பாதிக்கும். எந்த கிருமியால் கண் விழித்திரை பாதித்துள்ளது என்பதை கண் மருத்துவரிடம் பரிசோதனை செய்து அதற்குரிய சிகிட்சை மேற்கொள்ளாவிட்டால் பார்வை முற்றிலும் பாதித்துவிடலாம். மதுரை அரவிந்த் மருத்துவமனை வெளியிடும் கண் ஒளி மாத இதழ் 2008 – ஜூன் இதழில் இருந்து தகவல் சேகரித்துத் தரப்படுகிறது. சர்க்கரை நோய் உள்ளவர்கள் கண் சிகிட்சை செய்த பின்னரும் ஆறு மாதத்திற்கு ஒருமுறை கண் மருத்துவரிடம் வந்து கண்களை பரிசோதித்துக் கொள்வது அவசியம் என்கிறார் கண் பரிசோதனை மருத்துவர்.

கண்கள் பாதிப்பு இன்னும் சில

நம் நாட்டில் சுமார் 12 கோடி மக்கள் பார்வை இழந்து வாழுகிறார்கள். 25 லட்ச மக்கள் கருவிழி நோயால் பாதிக்கப் பட்டுள்ளார்கள். 2020-ல் உலகில் கண் பார்வை அற்றோர் இல்லை நிலை ஏற்பட வேண்டும் என்பது ஐ.நா சபையின் உலக சுகாதார அமைப்பு திட்டம் தீட்டி உள்ளது. வெல்டிங் தொழிற்சாலையில் வேலை செய்பவர்கள் பிரத்தியோக கண்ணாடி அணியாமல் வேலை பார்ப்பதால் கண்கள் பாதிப்பு ஏற்படும். மலை ஏறுபவர்கள் பணிப் பிரதேசம் செல்லும்போது 99 முதல் 100 சதம் புற ஊதா கதிர் கண்களை பாதிக்கிறது. சன் கிளாஸ் அல்லது பாலி கார்பனேட் அல்லது ஸி.ஆர் 39 லென்ஸ் கண்ணாடியை அணிந்து கொள்ள வேண்டும்.

வைட்டமின் ’ஏ’ சத்து கண்ஙளுக்கு தேவை ஏன்?

கர்பிணித் தாய்மார்கள் விட்டமின் ‘ஏ’ சத்து உணவுகளை உட்கொள்வதால் கற்பத்தில் வளரும் குழந்தைக்கு கண் பாதிப்பு நோய் ஏற்படாது. பாலூட்டும் தாய்மார்கள் நிறைய விட்டமின் ‘ஏ’ சத்துப் பொருட்களை சாப்பிடுவதால் குழந்தைக்கு தாய்ப்பாலுடன் விட்டமின் ‘ஏ’ சத்து கிடைத்து விடுகிறது. விட்டமின் ‘ஏ’ சத்து குறைவால் கண்களுக்கு செல்லும் இரத்தக் குழாயில் நீர்க்குமிழிகள் போன்ற கட்டிகளால் அடைப்பு ஏற்படும். சிறிது நேரத்தில் சரியாகிவிடும். இதை வளர விட்டால் கண் பார்வை பாதிக்கும். சோதனைக் குழாய் அல்லது மாத்திரை மூலம் ஆரம்பத்தில் சரி செய்து விடலா. கவனிக்காமல் அதிக நாட்களாகிவிட்டால் லேசர் சிகிட்சை மூலம் இக் கட்டிகளை அகற்றலாம். சத்துக் குறைவினால் மாலைக் கண், உலரும் கருவிழி, கருவிழியில் புண், கருவிழி நைந்து கரைந்து போகும் வாய்ப்பு உண்டாகிவிடும். தினமும் உணவுடன் முருங்கைக் கீரை, காரட், புதினா, சிகப்பு முள்ளங்கி, முளைக்கீரை, கொத்தமல்லி, கருவேப்பிலை, மஞ்சப் பூசனி, தக்காளி, மஞ்சள் நிறக் காய்கறிகள், மாம்பழம், பப்பாளி, பால், வெண்ணெய், தயிர், முட்டை, மீன், ஈரல் இவைகளை வாரம் முழுவதும் சிலவற்றை சேர்த்து சாப்பிட முயற்ச்சிக்க வேண்டும்.

கிளக்கோமா என்றால் என்ன?

கிளக்கோமா என்பது கண் நீர் அழுத்த நோய் எனப்படும். கண்களில் சுரக்கும் கண்ணீரைப் போல உட்பகுதியிலும் “அக்வஸ் ஹூமர்” என்ற திடவம் சுரக்கிறது. இதைக் கண்ணீர் எனக் குறிப்பிடுகிறோம். இது கண்ணின் வெளிப் பகுதியை சுத்தப் படுத்துகிறது. கண்ணின் உட்பகுதியில் இருக்கும் லென்ஸ், கிருஷ்ண படலம், கண்விழியின் உட்புரம் ஆகியவற்றுக்குத் தேவையான ஊட்டச் சத்தை “அக்வஸ் ஹூமர்” திரவம் கொண்டு செல்கிறது. ஏதோ ஒரு காரணத்தால் நுண்ணிய துவாரங்கள் அடைப்பு ஏற்பட்டு அக்வஸ் திரவம் (கண்ணீர்) கண்ணின் உட்பகுதியில் அதிகம் தேங்குகிறது. சிலருக்கு அதிகம் உற்பத்தியாகிறது. கண்ணில் உள்ள மெல்லிய திசுக்கள் பாதிக்கின்றன. இதைத்தான் கண் நீர் அழுத்த நோய் கிளக்கோமா என்கிறார்கள். கிளக்கோமாவில் பல வகைகள் உண்டு. பிறந்த குழந்தைகளுக்கும் இந்நோய் வரலாம். 40 வயது தாண்டியதும் இந்நோய் வரலாம். பரம்பரையாகவும் வரும். கண் புரை முற்றிப் போனால் அதை கவனிக்காமல் இருந்தாலும் கண்ணில் அலர்ஜியானாலும், தலைவலி, கண் சிவந்து போகுதல், மின்சார விளக்குகளை சுற்றி வண்ண வளையங்கள் தெரிவது இந்த நோய் அதிகரிக்க அதிகரிக்க பக்கவாட்டுப் பார்வை குறைந்து கொண்டே வரும். இது இவைகளின் அறிகுறி. இவற்றை கவனிக்காமல் இருந்தால் பார்வை முற்றிலும் இழந்துவிடும் அபாயம் ஏற்படும். உலகை ரசிக்க கண்களை பாதுகாப்பீர்.

ஆற்றில் குளித்து வந்த சிறுவனுக்கு கண் பாதித்தது ஏன்?

ஜெகதல பட்டினம் அருகில் சில சிறுவர்கள் அருகிலுள்ள குளத்தில் குளிக்கச் சென்றனர். குளித்து வந்த சிறுவன் ஒருவனுக்கு கண்ணில் வலி ஏற்பட்டது. கண்ணை கசக்கியதால் கண் சிகப்பாக மாறியது. கண் மருத்துவரிடம் உடனே சென்று காண்பித்தார்கள். குளத்தில் குளிக்கும்போது நத்தையின் சிறு முட்டை ஒன்று கண்களில் ஒட்டிக் கொண்டது. இதனால் அவன் கண் உருத்தியது. கசக்கியதால் அது கண்ணின் உட்பகுதியில் சென்றுவிட்டதை கண் பரிசோதனை மூலம் மருத்துவர் கண்டறிந்து நீக்கினார். ஆற்றிலோ, நதி, குளத்திலோ மூழ்கிக் குளிப்பவர்கள் கண்களை மூடிக் குளிக்கும்படியும், மூக்கை மூடிக் குளிக்கும்படியும் நம் முன்னோர்கள் சொல்லும் புத்திமதியாகும். மூக்கின் வழியாக சிறு மீன் குஞ்சு உள்ளே போய்விட வாய்ப்பு இருக்கிறது. எல்லா நிலைகளிலும் கண்களை பாதுகாத்டு வருவது யாவருக்கும் நல்லது. உலகை ரசிக்கும் கண்களை ஆண்டுக்கு இருமுறை பரிசோதனை செய்து பாதுகாப்பது நமது கடமையாகும்.