IP: 117.*.*.* India

பொதுவாக அகதிகள் முகாம் என்றாலே அங்கு உயிருக்கும் உடலுக்கும் கற்புக்கும் பாதுகாப்பற்ற நிலைதான். இலங்கையில் தமிழர்களை அடைத்து வைத்திருக்கும் அகதிகள் முகாம்களில் இதைவிடக் கொடுமையும் கேவலங்களும் நடக்கும் அநியாயக் கூடாரமாக இருந்து வருவதை நாம் உதாரணமாகக் கூறலாம்.

சிரியாவின் நிலை மிகவும் வருத்தத்தை அளிக்கின்றது. கொடுங்கோலன் பஷ்ஸாரின் அடக்கு முறை அமிலகுண்டுகள் வீசி அந்நாட்டு மக்களை அழித்தொழிக்கும் நிலைக்கு ஆளாகிவிட்டது. அப்பாவிகளான அந்நாட்டு மக்கள் பழைய நிலைக்கு திரும்ப நாம் அல்லாஹ்விடத்தில் கையேந்துவோமாக...!

“மேலும் அக்கிரமக்காரர்கள் செய்து கொண்டிருப்பதைப் பற்றி அல்லாஹ் பராமுகமாக இருக்கிறான் என்று (நபியே!) நீர் நிச்சயமாக எண்ண வேண்டாம்; அவர்களுக்கு (தண்டனையை) தாமதப் படுத்துவதெல்லாம், கண்கள் விரைத்துப் பார்த்துக் கொண்டேயிருக்கும் (அந்த மறுமை) நாளுக்காகத்தான்”. அல்-குர்ஆன்(14:42).

வரம்பு மீறுவோரை தண்டிக்க அல்லாஹ் ஒருபோதும் தவறியதில்லை. ஆட்சி அதிகாரத்திலுள்ளவர்கள் அநியாயமாக நிகழ்த்தும் இத்தகைய கொடுமைக்கெல்லாம் ஓர் நாள், அல்லாஹ்வின் மகத்தான தீர்ப்பு மூலம் இவர்கள் எடுத்தெறியப்பட்டு இருந்த சுவடே தெரியாமல் அழிந்து போவார்கள். சரித்திர சான்றுகளும் இதைத்தான் பகன்று நிற்கின்றன.

சத்தியத்தின் பாதை தன்னில் சோதனைகள் பலதும் வரும். ஈமானில் உறுதி கொண்டோருக்கு எப்போதும் சோதனைதான். இறுதியில் அந்த ஈமான் தான் அவர்களை ஈடேற்றம் பெறச் செய்யும். உலகில் அகதிகளாக வாழும் அனைத்து தரப்பு மக்களையும் அல்லாஹ் பாதுகாத்தருள்வானாக ஆமீன். -ராபியா மணாளன்.

IP: 78.*.*.* Qatar

வேலியற்ற வெள்ளாடுகளாக இப்பெண்கள் இருப்பது ஓநாய்களுக்கு கொண்டாட்டமாக உள்ளது. இம் மக்களின் நிலை சட்டியில் இருந்த மீன் விடுதலை தேடி அடுப்பில் விழுந்த கதைபோலவே உள்ளது. என்று மாறும் இம்மக்களின் அவலம்?

-- சரியாகச் சொன்னீர்கள். பிபிஸியிலும் இதுபற்றிய ஒரு டாக்குமெண்டரி வந்தது. எம் இனச் சகோதரிகளுக்கு ஏற்பட்ட இந்நிலை கண்டு மனம் கசிகிறது. எரிகிற வீட்டில் கிடைப்பதைப் பறிக்கும் கயவர்கள் உலகம்! போரின் எச்சமாக, மிச்சமாக, சொச்சமாக என்னென்னவெல்லாம் நடைபெறப் போகிறதோ? அல்லாஹ் தான் காப்பாற்ற வேண்டும்.

IP: 115.*.*.* India

ஷாஜஹான் காக்கா அவர்களின் இந்த கட்டுரையை படிக்கும் போது நாம் முஸ்லிமாக இருந்தும் நம்முடைய சகோதர சகோதரிகளுக்கு உதவ முடியவில்லையே என்று நினைக்கும் போது குற்ற உணர்வு என்னை சாவடிக்கிறது. கொடுங்கோலன் பசர் அல் ஆசாத்திற்கு எதிரான இந்த போராட்டத்தில் உயிரை விட்டவர்கள் ஏராளம் என்றால் தினம் தினம் இதுபோல் மனதால் வெம்பி சாவும் மக்கள் லட்சோப லட்சம்.

இவர்களின் துயர் துடைக்க வல்ல அல்லாஹ்வின் துணையை நாடுவதை தவிர வேறு வலி தெரிய வில்லை காரணம் நம்முடைய ஈமான் அந்த அளவு பலவீனமாக இருக்கிறது

அயோக்கிய அமெரிக்கர்கள் இராக்கிலும் ஆப்கானிஸ்தானிலும் படையெடுத்து அந்த நாட்டில் ஆட்சி செய்த செய்த அரசுகளை கவிழ்த்து தனக்கு காவடி தூக்கும் ஆட்சியாளர்கள் நியமித்த போது பிரிட்டன், அமெரிக்கா போன்ற நாடுகளில் வாழ்ந்த முஸ்லிம்கள் தங்களது சுகபோக வாழ்க்கையை தூக்கி எரிந்து விட்டு அந்த மண்ணில் சென்று போராடி மடிந்தவர்கள் பலர். இன்னும் பலர் போராடிகொன்றும் இருக்கிறார்கள். ஏனென்றால் அவர்கள் இவர் ஆப்கானிஸ்தானியர் இவர் இராக்கியர் என பார்ப்பதில்லை இவர்கள் முஸ்லிம்கள் இந்த மண்ணில் அநியாயம் நடக்கிறது. நாளை மறுமையில் நம்முடைய இறைவன் ஒன்னுடைய சகோதரனுக்கு அநியாயம் நடந்ததே அப்போது நீ என்ன செய்து கொண்டு இருந்தாய் என கேட்டால் நாம் என்ன சொல்வது என்பது அவர்களின் உயர்வான எண்ணம்.

ஆனால் நாம் தொளுவும்போது விரலை ஆட்டலமா ஆட்டகூடதா தரவிஹ் எட்டா இருபதா என நாம் காலம் முழுக்க பேசிக்கொன்று இருப்போம். ஆனால் இந்த மாதிரி தைரியமும் துணிச்சலும் நமக்கு ஜென்மத்திலும் வராது.ஏனென்றால் நாம் அனைவரும் கோழைகள்.

ஆனால் தினம் தினம் செத்து மடியும் இம்மக்களுக்காக அமெரிக்கா போரில் இறங்கி விடக்கூடாது என நாம் அனைவரும் கூக்குரல் இடுகிறோம். மொத்தத்தில் இந்த போர் முடிவுக்கு வந்தால் ஒரு கொடுங்கோலழலின் ஆட்சி முடிவுக்கு வரும் இந்த மக்களின் துயர் நீங்கும் இதற்கு யார் உதவி செய்தாலும் தப்பு இல்லை என்ற எண்ணம் நமக்கு இல்லை.

இந்த மாதிரி நமக்கு நடக்கணும் அப்போ தெரியும் நம்முடைய நிலை. லிபியாவில் கதாபிக்கு நடந்த போரில் கூட nato படையினர் தங்களுடைய தாக்குதலை வானத்தில் இருந்து தொடுத்த போது இவ்வாறுதான் குறை கூறினார்கள். ஆனால் அவ்வாறு தாக்குதல் நடந்ததால் தான் கதாபியை தூக்கி எரிய முடிந்தது இன்று அந்த மக்கள் சுதந்திர காற்றை சுவாசிக்கிறார்கள். இதை நம்மவர்கள் உணர மறுக்கிறார்கள்.எவ்வாறோ இந்த மக்களின் துயர் வெகு விரைவில் நீங்கி அங்கு ஜனநாயக ஆட்சி அமைய வல்ல இறைவனை வேண்டுகிறேன்

IP: 113.*.*.* China

'''''''''''''நாங்கள் சிரியாவில் இருந்திருந்தால் சாவு எங்களை விரைவாக அணைத்துக் கொள்ளும். அது கெளரவமானது""""""""""""""""

அப்படியானால் இந்த அகதிகள் முகாம் எங்கு அமைக்கப்பட்டுள்ளது, எந்த நாட்டு பாதுகாப்பில் உள்ளது, முகாமை நடத்துவது யார் போன்ற விவரங்கள் கட்டுரையில் இல்லையே!

இந்தியாவில் உள்ள இலங்கை அகதிகள் முகாம்களில் இவ்வளவு மோசமான நிகழ்வுகளை கேள்விப்பட்டதில்லையே! இந்தியாவில் நடைபெற்ற பங்களாதேஷ் அகதிகள் முகாம்களிலும் இவ்வளவு மோசமான நிலையை கேள்வியுறவில்லை. ஒரு அரபுநாடு கூட இவர்களுக்கு உதவ முன்வரவில்லையா ? அரபு நாடுகளிடம் செல்வம் மிக அதிகமாக இருந்தும், அறிவும் ஒற்றுமையும் இல்லை. அரபு நாடுகளுடன் ஒப்பிடும்போது இந்தியாவில் நிலைமை எவ்வளவோ மேல்.

அல்லாஹ் இந்த அகதிகளுக்கு நல் வாழ்வையும் , விரைவில் தங்கள் சொந்த வீடு திரும்பும் வாய்ப்பையும் கொடுத்தருவானாகவும். ஆமீன்.

Administrator: கட்டுரை தலைப்பில் - இம்முகாம் ஜோர்டான் நாட்டில் இருப்பது குறிப்பிடப்பட்டுள்ளது

IP: 116.*.*.* India

ஷாஜஹான் துரையின் கட்டுரையை வாசிக்கும்போது மனதிற்கு அழுத்தமாக இருந்தது.

போரும் , இனக்கலவரமும் , உள் நாட்டுக் கலகமும் , ஆயுத எழுச்சியும் மனித சமூகத்திற்கு பெரும்பாலும் பேழிவையும் மீளாத் துயரையுமே பரிசாக அளிக்கின்றன.

இந்த குருதி சிந்தும் மோதல்களில் பறி போவது அப்பாவி மனிதர்களின் உயிர் , மானம் ,பொருள் ,உடைமை , வாழ்விடம் , சொந்த மண் போன்றவைதான்.

அகதிகளாக இடப்பெயர்வு , பட்டினி , தொற்று நோய்கள் பரவல் என போரின் பக்க விளைவுகள் மனிதர்களை வருடக்கணக்கில் துரத்திக் கொண்டே இருக்கும்.

யுத்தம் என்று வந்து விட்டால் மனிதர்களுக்கு மதம் , இனம் , மொழி , குலம் என எதுவும் தெரிவதில்லை. சக மனிதனை வேட்டையாடும் மிகவும் கீழ் பிறவியாக மாறி விடுகின்றான்.

பெரும்பான்மையினர் x சிறுபான்மையினர் , உயர் சாதி x தாழ்சாதி , உள் நாட்டினன் x வெளி நாட்டினன் , கறுப்பன் x வெள்ளையன் , நாட்டு வாசிகள் x பழங்குடியினர் , கார்ப்பரேட் உலகு x மாவோவாதிகள் , ஆளுங்கட்சி x எதிர்க் கட்சி , அரச பயங்கர வாதம் x குடிமக்கள் பயங்கரவாதம் என்ற எதிர்க்கூறுகளை முன்னிறுத்தி மனிதன் சக மனிதனைக் கொல்ல வாளை உருவுகின்றான்.

இந்த பிரிவினைகளும் எதிரிகளும் எதுவும் இல்லாமல் ஒரே குழுவாக ஒற்றை அடையாளமாக வாழும் மக்கள் திரளிலும் சக மனிதனை தீர்த்துக் கட்டும் வன்மம் வெடித்துக் கிளம்புவதற்கு ஜோர்தான் , பாக்கிஸ்தான் ,ஆஃப்கானிஸ்தான் , இராக் , இலங்கை போன்ற நாடுகள் பெரும் எடுத்துக்காட்டுக்களாக திகழ்கின்றன.

மனதை சரியான தருணத்தில் மூக்கணாங்கயிறு போட்டுக்கட்டுப்படுத்தவும் , மனதின் அக குரலுக்கு கட்டுப்படவும் தெரிந்தவர்களால் மட்டுமே மருந்தின் அளவிற்கு வன்முறையை கையாளத் தெரியும். ( எ.கா ) நபி ஸல்லல்லாஹு அலைஹி வஸல்லம் அவர்கள் நடத்திய போர்கள் , நேர்வழி நின்ற ஆட்சியாளர்கள் , முஜாஹிதுகள் , உண்மையான ஸூஃபிகள்.

மற்றவர்கள் வன்முறையைக் கையில் எடுத்தால் மதம் பிடித்த யானை மது குடித்த கதைதான்.